|
يعنى افكر فى اللانوس و بس
السلام عليكم ورحمة الله و بركاته,
الاخوة الافاضل اصحاب اللوجان و اصحاب المعرفة قرات فى هذا المنتدى العظيم عن مميزات اللوجان و كنت شبه مقتنع بها و ذهبت الى احد معارض الزيرو فى محافظتى لطلب شراء اللوجان المبلغ تقريبا المطلوب (72000) لوجان بلاك لين فول اوبشن وفجات بان صاحب المعرض سخر من هذه السيارة و نزل بها الارض تماما وذكر لها عيوب كثير منها ارتفاع صوت الماتور - عضة صوت فى الفتيس - غلو قطع الغيار - ليس لها سعر اعادة البيع و نصحنى بشراء اللانوس او الفرنا و شكر لى كثير فى (byd) بلى ونصحنى بها وعندما حاولت المجادلة فى راى و مدى اقتناعى بهذه السيارة عما قراته فى هذا المنتدى الرائع قال لى لو اللوجان ناجحه لنتشرت كاتكسى مثل اخوتها اللانوس و الفرنا و البيد ارجو من اصحاب الخبرة الرد على و لماذا حاول صاحب هذا المعرض ابعادى عن شراء هذه السيارة مع العلم بانه سوف يحضرها لى من احد المعارض الكبرى بالقاهرة ( نظرا لانى حديثة القيادة فلا استطيع النزول الى القاهرة و احضارها خوفا من ارتكاب حادث ) اسف جدا على الطالة و على فكرة هذه اول مشاركة كتابيه لى هنا . ارجو الرد سريعا مع خالص الشكر |
رد: يعنى افكر فى اللانوس و بس
انا معايا اللانوس عشره على عشره وواحد معرفه كان معاه اللانوس و باعها و جاب ال بي واى دي و بيشكر فيها جدا جدا و شايفها الانسب للشارع المصري
|
رد: يعنى افكر فى اللانوس و بس
لالالالالالالالالالا اوعه تفكر تجيب عربية غير اللوجااااااااان يعني معقولة هتجيب عربية صيني مكان عربية فرنسي (مع احترامي لكل انواع العربيات ) وانا هقولك مميزات اللوجان واللي مش موجودة في البي واي دي
1 من برة اللوجان حجمها صغير لكن من جوة واااااااااسعة جدااااااااا وبالذات الشنطة 2 اعلى من البي واي دي عن الارض 3 عفشتها ناعمة جداااااااا لكن برضه حاول تسال عن قطع غيار العربيتين واللي تلاقيلها قطع غيار اشتريها بس انا برشحلك اللوجان |
رد: يعنى افكر فى اللانوس و بس
|
رد: يعنى افكر فى اللانوس و بس
شكرا لكل الردود:GROWIN~12:
|
رد: يعنى افكر فى اللانوس و بس
بص يا سيدى الانوس كعربية وكفئة سعرية ممتازة من حيث امكانيتها واهم من دة كلة توافر قطع الغيار ورخصها وسهولة الاصلاح .
اللوجان عربية طبعا جميلة جدا وطبعا فرنساوى بس العيب قطع الغيار نار اوىىىىىى ونادرة وكمان مش اى حد بيشتغل فيها. BYD الشكل تحفة ومن جوة تحفتين وكعربية ممتازة بس (صينى) وانا الصراحة مشفتش حد اشتكى منها . خلاصة الكلام الانوس عربية جميلة وفيها امكانية للترويش. وربنا يوفقك |
رد: يعنى افكر فى اللانوس و بس
انا زهقت من الناس اللي بتقول ان قطع غيار اللوجان نار وسعراعادة البيع نازل
اللي بيقول ان قطع غيار اللوجان مش موجودة بره التوكيل و"نادرة" يخش على الرابط http://www.masrmotors.com/vb/showthread.php?t=89405 واللي بيقول ان قطع غيارها جوه التوكيل غالية يشوف الرابط دا http://www.masrmotors.com/vb/showthread.php?t=81857 واللي بيقول ان سعر اعادة البيع ضايع يخش على كونتاكت كار ويشوف سعر اعادة البيع وسلمولي على قطع الغيار الغالية وسعر اعادة البيع الضايع |
| الساعة الآن 05:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017