نوبيرا 2006 حادثة من كام يوم تجيب كام؟
 

السلام عليكم ورحمة الله وبركاته

رجاء الإفادة .. ربنا يحفظ الجميع .. عملت حادثة على الصحراوي (الاسكندرية - القاهرة) وبفكر أبيعها بدل ما أصلها .. وكنت عايز أعرف تجيب كام.

نوبيرا موديل 2006 SX كاملة ، أول يد ، جميع الصيانات الدورية بالتوكيل.
الصور:
http://content.screencast.com/users/...06-14_0904.png

http://content.screencast.com/users/...06-14_0905.png

وشكراً

رد: نوبيرا 2006 حادثة من كام يوم تجيب كام؟
 

يبدو أن الصور فيها مشكلة .. يمكنكم عرضها من خلال الروابط:
http://screencast.com/t/5hXQJbxt
http://screencast.com/t/o7ogOpv6QE9T

رد: نوبيرا 2006 حادثة من كام يوم تجيب كام؟
 

ربنا يعوضك خير

رد: نوبيرا 2006 حادثة من كام يوم تجيب كام؟
 

لا حول ولا قوة الا بالله العلى العظيم
ربنا يخلف عليك خيرا منها والحمد لله على سلامتك

رد: نوبيرا 2006 حادثة من كام يوم تجيب كام؟
 

السلام عليكم
ربنا يعوض عليك والحمد لله انك بخير
للاسف لو فكرت تبع العربية على حالتها كدة هتخصر كتير جدا لان اللى هيشتريها هيستغل الموقف
والحمد لله انا شايف ان كل اللى هيتغير فيها (الاكصدام تيوانى 300 استيراد 750 تقريبا - كبوت تيوانى 350 استيراد 500 تقريبا - فانوس و هاتة اسيراد 250 - شبكة تيوانى 75 استراد 150 تقريبا - زجاج امامى 350 تقريبا) مصنعية السمكرة مش هتعدى 1000 والدهان متوسطة 2500 لكل العربية انا مشكلتك هتكون مع الوقت والصنيعية وربنا معاك

رد: نوبيرا 2006 حادثة من كام يوم تجيب كام؟
 

ربنا يعوض عليك بس انا رايي انك تبيعها احسن مع احترامي لاراء الجميع لانك لو صرفت عليها زي الاخ ما بيقول وحبيت تبيع بعد كده هتتعرف اكيد وبردو هينزل من سعرها علي اساس انها مش فابريكه فهتخسر تصليح و بعد كده خساره تاني حرام علي الاقل اللي هيشوفها دلوقتي هيعرف اللي فيها ويقدره وهيضيف عليه اكيد مش اقل من 5000 للخبطه دول نازلين نازلين حتي لو عملته في التوكيل الخلاصه لو جابت من 40000 الي 45000 بيع وانت الكسبان

رد: نوبيرا 2006 حادثة من كام يوم تجيب كام؟
 

أشكر الجميع على الرأي والدعوات!

متشكر أحمد على تفاصيل الأسعار .. يا ترى في مكان ألاقي فيه كل الأسعار (تقريبيا على الأقل) .. أنا عارف أن التوكيل أغلى من بره .. بس حابب أعرف الفرق زيادة ولا يمشي في مقابل ضمان الجودة نسبيا والتعامل مع مكان واحد.

المشكلة أن الموضوع مش على قد الكبوت والإكصدام .. ده لسة ردياتير وسربنتينة تكييف ومروحة تكييف وشوية خراطيم ومواسير .. أما قاعدة موتور وطلمبة باور ومقصات ومساعدين لسة تحت الفحص.