معايا 128 وهبعها ان شاء الله وبفكر فى 516 او لانوس
 

الى اساتذتنا الكرام في المنتدى
أرجو من سيادتكم تنصحوني بايه
انا معايا 128 وهبعها ان شاء الله وعلى شهر 11 كده هيكون معايا في حدود 45 ألف
عاوز اجيب عربية وكنت بفكر في دايو لانوس ولما قريت كلامكو عن 516 احترت جدا بين العربيتين
انا عاوز اسال الصيانة الدورية اللي بتتعمل ل 516 بتتعمل كل اد ايه ؟ وفين ؟ وبتتكلف كام وافضل موديلاتها ايه؟ وياريت لو حد يكتبلي اسعار قطع الغيار في الوقت الحالي مثلا فوانيس/ مرايات/ سير كاتين وهكذا
يعني اتوكل ع الله وابقى اجيبها ولا خليني في اللانوس علما بان الواحد مش فاضي يروح ويجي للتوكيل اصل انا مدرس بعيد عنكو ومن المحله الكبرى فتنصحوني بايه وجزاكم الله خيرا:Wkiss5::Wkiss5::Wkis s5:

رد: أرجو المساعدة ضروري جدا / جدا
 

يعني يجماعة 40 مشاهده ومفيش ولا رد ولا حتى اي تعليق
مكنش العشم
مستني ردودكو:cry2W9:

رد: معايا 128 وهبعها ان شاء الله وبفكر فى 516 او لانوس
 

معلش يا ابو موسى العنوان بس كان مش واضح

رد: معايا 128 وهبعها ان شاء الله وبفكر فى 516 او لانوس
 

رد: معايا 128 وهبعها ان شاء الله وبفكر فى 516 او لانوس
 

طيب يابو نورا اهو العنوان بقى واضح ياسيدي رأيك بقه
وصباح الفل وشكرا على ردك:ROFL_C~118:

رد: معايا 128 وهبعها ان شاء الله وبفكر فى 516 او لانوس
 

توكل على الله عربية محترمة جدا
عائلية اوى
عالية عن الارض
مساحات تخزين كبيرة جدا
موتور كسلان فى التسارع بتاعة انما متوحش فى الطوالى
قطع غيارها بقت فى كل مكان وسعرها معقول اوى
وزن العربية كبير فبيديها اتزان كبير جدا فى السرعات العالية
اى ميكانيكى بيشتغل فيها
تمتاز عن لانوس انها فيها فرامل

رد: معايا 128 وهبعها ان شاء الله وبفكر فى 516 او لانوس
 

من مدرس زميل سوهاجي اوعي اوعي الصيني وخصوصا المستعمل كان معايا لانوس 1 اسد كانت وش الخير جبت اسبرانزا اتوماتك شركة برة جوه مش لاقي اكل والله :sd: