|
احترت واحتار دليلى ,, ارجو المساعده يا اهل الخبره
السلام عليكم ورحمة الله وبركاته ,,
اولا احب اسجل اعجابى وتقديرى الشديدين لكل القائمين على المنتدى الرائع دا وجزاكم الله كل خير ثانيا انا واقع حاليا فى حيرة كبيره و من كتر البحث عن الحل احترت اكتر ,, الموضوع بدأ لما فكرت اشترى عربيه فى حدودا ال 70 الف ( او تزيد حبتين ) ,, طبعا انا حديث العهد جدا بموضوع العربيات دا وسواقتى على قدى اوى ولسه اساسا مطلعتش الرخصه بس قررت اجيب العربيه وبعدين اتعلم السواقه ( شايفك يللى بتضحك هناك على فكره :D ) المهم انى بجد من كتر البحث مليت و احترت , اللى يقولى طالما لسه هتتعلم يبقى متفكرش ف عربية زيرو واللى يقول ابعد نهائى عن اى مستعمل علشان اللى ركبها قبلك اخد خيرها وهتطلع عينك بعد ما تشتريها وهتدفع اد تمنها تانى ,, بجد مليت لدرجة انى قربت الغى حوار العربيه دا واريح دماغى ,, لكن بعد ما ساقتنى الاقدار لمنتداكم المحترم حبيت استفيد من خبراتكم واسأل عن الحل ,, مع العلم ان خياراتى فى حالة الزيرو تنحصر ( من خلال الكلام اللى سمعته ) فى رينو لوجان اما فى حالة المستعمل ف حدث ولا حرج ,, اتمنى الرد على استفسارى وترشيح احد السيارات واسف على الاطاله وجزاكم الله خيرا جميعا :) |
رد: احترت واحتار دليلى ,, ارجو المساعده يا اهل الخبره
تعلم القيادة اولا باحتراف وطلع الرخصة وبعد كده السيارة
|
رد: احترت واحتار دليلى ,, ارجو المساعده يا اهل الخبره
اشكرك على الرد والاهتمام ,,
طبعا اكيد هتعلم و بحتراف و اعتقد القصه دى هتاخدلها مش اكتر من 3 او 4 اسابيع بالكتير ,, لكن السؤال دلوقتى ابدأ بجديد ولا مستعمل ؟؟ ولو جديد يبقى اى نوع ولو مستعمل اى نوع ؟؟؟ |
رد: احترت واحتار دليلى ,, ارجو المساعده يا اهل الخبره
هات موتوسيكل :ROFL_C~118::ROFL_C~118:: ROFL_C~118:
_________________________ ___________ نصيحتي ليك لو هتدقع المبلغ دا هات احلي عربية محببة الي قلبي والي محدش يقدر مجرد انو يتكلم في حقها وهي الكرولا 2007 اتوماتيك 1600 سي سي الكاملة العربية سواقتها مش صعبة وجميلة جدا امشي بيها في شوارع فاضية لحد متتمكن شوية وبعدين اطلع علي شارع زحمة شوية وبعدين خش في الزحمة وبعدين ابدأ اجري واحدة واحدة العربية مش هتتعبك فرامل abs وثابتة وعضمة ناشفة واحلي ما انتجت الكرولا غير كدا وكدا اتوماتيك يعني سهولة ورفاهية السواقة... يالا بقي سمعني صوت الكلاكس كدا:23_10_13: |
رد: احترت واحتار دليلى ,, ارجو المساعده يا اهل الخبره
اقتباس:
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ اشكرك على الرد والاهتمام ,, الكرولا عموما اتقالى فيها كلام حلو كتير .. لكن يبقى السؤال هل كونها مستعمله وهى موديل 2007 هيمثلى مشكله كبيره مع الوقت ولا هى هتبقى حاجات بسيطه وتداركها سهل ؟؟ لان زى ما قولت لحضراتكوا ان اتقالى كلام كتييير عن المستعمل انه مقرف وكل شويتين اعطال ومصاريف وكده ,, وجزاك الله كل خير كان عندى استفسار تانى ,, بما انى لسه هتعلم اتقان السواقه علشان انا مش ميح اوى يعنى .. حضرتك تنصحنى اتعلم على مانيوال ولا على اوتوماتك اللى اساسا ناوى اشتريه ؟؟ و هل اتعلم على عربية حد معرفه ولا اروح لاى مركز تعليم قياده ولا افضل على مبدئى واتعلم على عربيتى احسن ؟؟ ولك جزيل الشكر :) |
رد: احترت واحتار دليلى ,, ارجو المساعده يا اهل الخبره
هومن ناحية الكورولا 2007 انا عمري مشفتها متهانة غير في ندرة الندرة ونادرا لما اب بيديها لابنو لان العربية شقية جدا وهادية مع الهادي وليها بريستيجها ...
غير كدا قطع غيارها معمرة جدا وسعرها مش غالي ولا رخيص ... فبالنسبة للكرولا المتهانة انا بستبعدها لان الكل بيحب التويوتا وبيخاف عليها لانها عروسة ... _________________________ ________ بالنسبة للسواقة فأنا رأيي ان الواحد لازم يعرف يسوق المانوال والاوتوماتيك احتسابا لاي ظروف والسواقة المانيوال اساس السواقة ... بس لو عاوز تتعلم علي عربيتك دي فيها ميزة انك هتفهم كل حاجة في عربيتك انت وتجيبها من الاول معاها بس زي مقلتلك سنة سنة مش تاخدها وتطلع علي طريق سريع علطول |
رد: احترت واحتار دليلى ,, ارجو المساعده يا اهل الخبره
اقتباس:
وفى انتظار باقى الاراء وجزاكم الله كل خير |
| الساعة الآن 12:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017