مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   المالتي فنكشن يارجالة اللوجان (https://www.masrmotors.com/vb/showthread.php?t=89468)

ahmedashraf 12-06-2012 05:29 PM
المالتي فنكشن يارجالة اللوجان
 
تحية لكل الوجانوية الجمال

المالتي فنكشن عندي فيه حاجة مديقاني من ساعت ما إستلمت العربية ومش عارف هل حصلت مع حد غيري ولا لأ, والعربية بقالها معايا شهرين وماشية 620 كم ...

زرار خفض الصوت إستجابتة تقيلة مقارنة بزرار تعلية الصوت, يعني مثلا عشان أعلى الصوت درجتين, مجرد تكتين خفاف, لاكن عشان أوطيه لازم أضغط أجمد عشان يستجيب وطبعا ممكن متزبطش معايا ويوطى أكتر من درجة لكل تكة.

كنت هطنش, بس فعلا الموضوع معكر متعة إستخدام المالتي فنكشن, وخصوصا وإنى ناوي أركب باركينج سنسور ويمكن وحدات رفع فقولت أعمل طلعة للتوكيل يشوفلى إيه الحكاية قبل ما اركب الحاجات دي ويتلككوللى بضمان الكهربا.

هل فيه حد حصل معاه الموضوع ده؟ ولو حصل هل التوكيل غير الدراع؟ وهل تعتقدو التوكيل هيرضو يغيرو الدراع ولا هيتلككو إنه شغال ومفيش مشكلة؟؟؟؟؟ هو شغال آه بس مش طبيعي والمقارنة بين إستجابة زرار العالى والواطي واضحة جدا.

ولا أصلا الفك والتركيب مش مستحب؟؟؟؟؟؟؟

أرجو الرد من خبراء وملاك الوجان ولكم جزيل الشكر

ahmedashraf 13-06-2012 02:19 AM
رد: المالتي فنكشن يارجالة اللوجان
 
أفهم من كده إن محدش قابلتو المشكلة دي؟؟؟ طب لو حد مكاني يروح يطلب تغييرها ولا بيتلككو ولا إيه ياجدعان؟

heshamattia2008 17-06-2012 09:06 PM
رد: المالتي فنكشن يارجالة اللوجان
 
انا كمان معايا رينو سانديرو 2012 من شهرين ولاحظت نفس التقل فى المالتى فانكشن عند تقليل مستوى الصوت انما عند تعليه مستوى الصوت بتكون الاستجابه سريعه جدا عند التعليه

ahmedashraf 17-06-2012 09:57 PM
رد: المالتي فنكشن يارجالة اللوجان
 
اقتباس:
المشاركة الأصلية كتبت بواسطة heshamattia2008 (المشاركة 697414)
انا كمان معايا رينو سانديرو 2012 من شهرين ولاحظت نفس التقل فى المالتى فانكشن عند تقليل مستوى الصوت انما عند تعليه مستوى الصوت بتكون الاستجابه سريعه جدا عند التعليه
أشكرك على الرد، فيه ناس قالتلي إن مفيش أي فرق بين اﻹتنين، معنى كده إن إللى عندي وعندك مش طبيعي.

أنا ناوي أروح التوكيل خلال أيام وأشوف إيه الحل.

Dr.Smile 25-07-2012 10:40 PM
رد: المالتي فنكشن يارجالة اللوجان
 
أنا عندي مفيش المشكلة دي .. والـ Multifunction شغال زي الفل من غير أي مشاكل

Tota El Masry 26-07-2012 08:48 AM
رد: المالتي فنكشن يارجالة اللوجان
 
عندي نفس الوضع بس مش مهم يا سيدي كبر دماغك و على فكرة بيتهيألي و الله أعلم إن ده علشان ما تنشغلش بتعلية الصوت قوي لكن لما تيجي توطيه حتوطيه بالراحة بسبب الدوشة لحد ما تحس إنك سامع أو تعمله صامت بسرعة لو فيه ظرف طاريء
تقبل تحياتي و ألف ملياااااااااااااااااااااا ر مبروك
:CONGRA~238:

Dr.Smile 26-07-2012 06:08 PM
رد: المالتي فنكشن يارجالة اللوجان
 
اقتباس:
المشاركة الأصلية كتبت بواسطة Dr.Smile (المشاركة 725614)
أنا عندي مفيش المشكلة دي .. والـ Multifunction شغال زي الفل من غير أي مشاكل


احم .. احم .. :12422A~17:

بعد ما قرأت كلامكم ,, قلت أجرب الـMultifunction النهاردة ,, لقيت فعلاً المشكلة دي موجودة ..

تعلي الصوت ,, تلاقي الزرار شغال معاك 100 فل وعشرة ..

لما تيجي توطي الصوت ,, لازم تضغط مرتين تلاتة علشان ييجي معاك ,, وتلاقيه بيوطي 5 - 6 درجات مرة واحدة !

تقريباً كده دي مشكلة عامة في اللوجان !


الساعة الآن 02:29 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017