تجهيزات مشروع التاكسي وتكاليفه السنوية ؟
 

السلام عليكم ورحمة الله
بخصوص مشروع التاكسي
كنت عاوز اعرف خطوات كتير من فضلكم ؟

1- اجراءات شراء النمرالاجره و توثيقها لضمان الا تكون عليها مخالفات سابقه او ضرائب غير مدفوعه واتفاجئ بيها مثلا؟ ايه الاجراءات المضمونه لنقل ملكيتها بسلام وامان ؟

2- قيمة الضرائب المتنوعه للمشروع كله ؟
السيارة والسائق والتامينات وترخيص المرور والفحص ( وكل اد ايه سنه ولا اكتر )
كل التكاليف السنوية من فضلكم :Love:

3- هل الافضل شراء التاكسي جاهز من المعرض ولا لا ؟
ولا افضل اجيب النمر واجيب انا العربيه ملاكى وانقلها وارخصها و واعملها فرش وارضيه وارشها انا و هتكون اجود فى الخامات ؟ ولا هتكون مرهقه جدا وهتاخد وقت اد ايه مثلا ؟ :CHUBBY~36:

اسف للاطاله
وشكرا جزيلا :fun_36_3_11[1]:

رد: تجهيزات مشروع التاكسي وتكاليفه السنوية ؟
 

ربنا يوفقك يا باشا
:Wkiss5:

وتجيب احلي عربية واحلي تاكسي فيكي يا جمهورية مصر العربية ..
بس اتقل دلوقتي استني لما نشوف في ثورة تانية ولا هيحصل اية ..
لاني البلد واقفة علي كف عفريت . والفلوس دلوقتي ليها قيمة اكبر مما تتخيل .

رد: تجهيزات مشروع التاكسي وتكاليفه السنوية ؟
 

مفيش مفاجئات لانك هتشتري بشهادة مخالفات وضرائب مدفوعة للاخر وقت ,,
ونقل الملكية بيكون بجواب من المرور بيتعمل وبيتنقل مع باقي الاوراق
الموضوع كلو يا وائل فالمرور

رد: تجهيزات مشروع التاكسي وتكاليفه السنوية ؟
 

الضرايب بتكون من 200 : 350 جنية عالسنة
والضرايب هنا مقدرة يعني ممكن تنزل عن كدا .
اول سنة لو العربية موديل قديم شوية ولسا هتعملها احلال بتكون اكبر شوية لكن مش بتتعدي الحدود المكتوبة فوق .
" يعني مثلا لو عربية موديل 2009 وعاملة احلال 2012 .. وهتدفع اول مرة ..
ممكن تدفع 250 : 300 كدا
والسنة ألي بعديها تدفع 120 : 150
---
التأمينات
في تأمين صاحب العربية .. ودة بيكون حدود ال 600 جنية اول مرة وبعد كدا من 450 : 550 . مش متذكر بالظبط لاني كنت بدفع اجمالي علي اكتر من عربية . دة سنوي
--
تأمين سواق .
بيكون حوالي 30 جنية .. حاجة زي كدا .
ودة مهم جدا لو هتركب سواق او اي حد هيسوق بدل المالك .
وبينفع جدا جدا لقدر الله في حالة حادث ومات حد .
---

رد: تجهيزات مشروع التاكسي وتكاليفه السنوية ؟
 

كل دة بيتوقف عالفلوس ألي فايدك ...

يعني لو معاك حق تاكسي كاش ما تنزل تشترية وتريح دماغك .

لو معاك مبلغ صغير ادفعو في معرض وقسط الباقي

لو انت ركيب وعايز تعمل تاكسي علي ايدك اشتري نمر واشتري عربية .وركب علي بعضو

كلو بيتوقف انت معاك كام $$$$ ودول يعملو اية .

ومسئلة ياخدو وقت او متعب
لا طبعا لا متعبة ولا ياخدو وقت

ولو انت معاك سيولة ارشحلك الحل التالت .. اعمل تاكسي علي ايدك هتلاقي احلي عربية بس لو انت الي هتسوق وهتركب . لكن لو هتجيب وهتشغل .. فهنا تعتبر مكنة ودايرة وشوف اقل عرض يوفرلك فلوس ..

رد: تجهيزات مشروع التاكسي وتكاليفه السنوية ؟
 

رد: تجهيزات مشروع التاكسي وتكاليفه السنوية ؟
 

العربية دية فالقاهرة .. تعبانة اوي

ملهاش سوق بمعني اصح .
الزبايين مش بترضي توقفها .. بيشتغل مع الصنايعية . ألي هيحمل حاجة كدا .
فشغلو مش حلوووو وعشان كدا رخيص .. يعني ممكن ب 55 الف تشتري تاكسي كامل عندنا
وابيض وموديل 2010 ..
ونفس الموديل في الفيرنا مثلا ب 90 الف .
الفرق دة عشان الفيرنا بطاية فالسوق .. وشغالة اكس في كلو من نحية الاعتمادية والشكل ومطلوبة ولية زبون .

واعتقد كمان نفس الشىء عندكم.. لاني من شهر ونص كنت في المنصورة . والتكاسي عندكم . جامدة وعربيات حلوة
انا شفت فيرنا وهيونداي وحاجات ياما .. حلوة ..

------------

بعدين لما تعمل مشروع يا وائل اعملو صح عشان لما يكون في مشكلة فية تعرف العيب منين ..

- هات عربية تريحك نفسياً

- هات عربية مطلوبة وليها سوق

- هات عربية بياعة يوم ما تفكر تبيع تباع بكرا مش تقعد سنة تبيع

- هات عربية تسد معاك في اي مشوار واي سفر " انت متضمنش ظروف شغلك "


===========
بشكل عملي لا ارشح لك الادا ابداااااااااااااااااا ابعد وشيل من حساباتك وانت عارف اني عمري ما هضرك . فبجد متفكرش فيها تاني ولا تحسب ليها تاني .

----
عندك العربيات دية
فيرنا
لانوس
اكسنت الشكل الجديد 2010 ( مش ال rb )
النترا الشكل القديم " 2008 "
اوبترا
دول عربيات تنفع تاكس
قطع غيارهم مش نار وعربيات اعتمادية
وسعرهم متوسط من 50 : 80