|
ارجوا ان تلحقونى قبل ما اقتل حد
ياجماعه ان كل يوم تقريبا انزل من البيت الاقى خدش فى العربيه بالذات الاكصدام الخلفى اخر مره كنت بسخن العربيه ولاقيت توك توك خبط في الاكصدان الخلفى دى حاجه وحاجات تانيه المهم انا عايز اعمل الحاجات دى العربيه فيرنا 2012 وحرام يعنى الخرابيش دى كلها ممكن تقوليلى بقى اعمل ايه بالضبط
فى حاجه اسمها بولش وكومباوند وwax ناعم وخشن اعمل ايه بقى بالضبط وياريت الترتيب ارجوا الخطوات من فضلكم |
رد: ارجوا ان تلحقونى قبل ما اقتل حد
السلام عليكم اول ما أشتريت السياره الى مهايا ده كنت بخاف عليها من الهواء الطاير(على الرغم انها مش أول سياره يمكن رقم 5 او 6 ومش احسن سياره ركبتها) بس الأن لما حد يخبط بفضل قاعد وأقول قدر الله وما شاء فعل وخلاص بس بتنرفذ واتخانق لما بحس ان الى امامى مستهتر ومش هامه غير كده بقول في نفسي يعنى هوه يقصد ربنا يخلف والحمد لله من ساعتها وربنا بيسترها عليا وعلي السياره فأستعين بالله وأصبر وأمرك لله والله المستعان |
رد: ارجوا ان تلحقونى قبل ما اقتل حد
والله انا بحاول امسك اعصابى على قد ما اقدر وربنا يسترها علينا جميعا
|
رد: ارجوا ان تلحقونى قبل ما اقتل حد
:010104~171::010104~171:: 010104~171::010104~171:
اقتباس:
|
رد: ارجوا ان تلحقونى قبل ما اقتل حد
انا باتمنى كل الجيران يجيبوا عربيات - علشان يحسوا بالالم اللى بحسه لما عيال الشارع بيخربشوا العربيه
او بيطلعوا عليها او بيخبطوها بالعجل اللى بيركبوه - وبقول لو كل واحد معاه عربيه وحصلها حاجه من دى هيقول لاولاده خافوا على العربيه وعلى عربيات الناس - ده انا عربيتى اتجرحت واتخربشت وكسروا الزجاج الامامى وكسروا وش الفانوس الخلفى ( الاتنين ) وفانوس اشاره واتمشوا واثروا على سقف العربيه القديمه وو |
رد: ارجوا ان تلحقونى قبل ما اقتل حد
اااااااه من العيال اللى معاهم عجل كنت لسة مسمكر العربية وراششها ودافع دم قلبى زى ما بيقولو بعديها باسبوعين تقريبا وانا بلف صنية فى المنطقى عندى لقيت عيل جاى بعجلة طاير عكس اتجاهى (انا كنت ماشى صح) انا اول ما شفت كدة وقفت فوراً الولد بقى ما عرفش يطلع من جنبى فراح لابس فى الكبوت والعجلة بهدلت الرفرف الشمال فى العربية والواد عمال بعيط ومش قادر يقف على قدمة انا والله كنت مذهول ومش عارف اعمل اية بس انا مش غلطان الله يسامح الاهالى اللى مش بتعلم اولادها التربية وحضرتك خليك صبور شوية علشان لو ركزت فى موضوع العربيات والخبطات والتكاتك والموتسكلات وبرود الناس هتتعب جامد |
رد: ارجوا ان تلحقونى قبل ما اقتل حد
طب ياجماعه ايه الحل عشان الواحد يقلل الضرر ده العربيه لسه جديده .انا لما التوك توك خبطنى نزلتله مسكته كده مش عارف اعمل طلع عيل صغير ومعاه عيلين كده والله سبحان من صبرنى كنت هافرمه بس لحظه كده فكرت قولت ده عيل هو واللى معااه يعنى كنت هافرمهم بس خلاص قولت الحمدلله على كل شىء
|
| الساعة الآن 02:58 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017