خنقة وصوت غريب
 

السلام عليكم ورحمة الله وبركاته
عندي مسكلة في العربية وهو نوبيرا 2 موديل 2008 مانيوال وهي ان العربية بقالها فترة مخنوقة وصوتها بيعلي عن الاول رحت غيرت فلتر بنزين وفلتر هواء وهي زي ما هي
وبعدين امبارح كنت راجع من مشوار طويل نزلت افتح باب الجراج وسبت العربية دايرة والتكييف شغال لقيت صوتها من بره في حاجة بتخبط بس من جوة مبسمعهوش قمت مبطل التكييف الصوت راح شغلته تاني الصوت رجع قلت اسيبها تبرد وبعدين اجرب برده بدون التكييف الصوت عادي ومع تشغل التكييف يرجع صوت التكتكة تاني
حاولت اسمع الصوت جاي منين لقيته جاي من المنطقة اللي فيها سير التكييف من الناحية الشمال للموتور عند الكمبروسر تقريبا فمش عارف ده عيب ايه وهو بالتحديد صوت تكتكة خشنة تزيد مع دوسة البنزين
مع العلم ان التكييف شغال كويس جدا وبيسقع كويس
اه بالمناسبة العربية بقالها فترة بعد ما ابطلها بأسمع صوت تنفيس خفيف من وسط التابلوه مش عارف ليه علاقة بالصوت الجديد ولا لأ
يا ريت لو حد يقدر يفيدني ايه الصوت ده وهل يتصلح عند بتوع التكييف ولا عند الميكانيكي
وشكرا

رد: خنقة وصوت غريب
 

اولآ : بالنسبة ان العربية مخنوقة :shwt::thinkW19: شاكك في الاسطوانة و الدسك واللي ممكن يأكد ده ان RBM بيكون عالي و العربية مبتجريش :ff5a34af6efef0e643eو ممكن يكون الانجكشن عايز يتنضف او طرمبة البزين ضعفت:thnkr:
ثانيآ : الصوت بتاع الكومبرسور ده ممكن يكون محتاج تغيرله رولمان البلي بتاعه
ثالثآ :صوت التنفيس اللي بتسمعه من التابلوه معناه ان سيرفو الفرامل فيه حاجة بتهرب ممكن الطاقية مخرومةhttp://www.masrmotors.com/vb/images/...43c%5B1%5D.gif
موفق ان شاء الله http://www.masrmotors.com/vb/images/..._11%5B1%5D.gif و في انتظار الخبراء :3mla:
SLAM

رد: خنقة وصوت غريب
 

رد: خنقة وصوت غريب
 

هى العربيه عامله كام ألف كم

وإيه الصيانه إللى إتعملت قبل كده فى مكنة السياره

غير فلترين الهواء والبنزين

رد: خنقة وصوت غريب
 

شكرا لاهتمام الاعضاء
ردا علي سؤال البشمهندس سمير العربية عاملة 75000 كم
والصيانات التي تمت فيها هي تغيير سيور عند 60000كم وجوان غطاء التاكيهات وبوجيهات وجلب مقصات بس ولكني اقوم بالكشف عليها دوريا في احد مراكز الصيانة ويكون ردهم العربية زي الفل الحمد لله ومفيهاش اي حاجة
اما بالنسبة لموضوع الديسك والاسطوانة فلا اظن ذلك لان العربية بتجيب نفس السرعات عند نفس عدد لفات الار بي ام وتصل لسرعات عالية ولكن المشكلة في الخنقة التي تؤدي الي ارتفاع صوت الموتور للوصول لسرعة عالية فمثلا عند 3 ار بي ام الاول بيجيب 30 والثاني بيجيب 50 والثالث 67 تقريبا والرابع 87 تقريبا والخامس 110 كم وهو ده الطبيعي بتاعها ولا زال زي ما هو
والبنسبة لصوت التنفيس هو صوت بيجي من عند مكان زراير التحكم بتاع التكييف وبيفضل موجود بعد ما العربية تبطل حوالي 10 ثواني وبعدين يسكت ولو لفيت زرار التحكم في مسار هواء التكييف ليكون خروج الهواء من تحت الاقدام مثلا يسكت الوصت وبعد ما ارجعه لوضع العادي يعود الصوت
طيب بالنسبة لموضوع بلي الكبورسر ده بيتغير لوحده دون تغيير الكمبروسر ولا لازم يتغير كله وتكلفة تغيير البلي كام تقريبا وبيحتاج اعادة شحن الفريون بعد كده ولا لأ
وبالنسبة لموضوع قياس زيت الكمبروسر بيتم ازاي اول مرة اسمع عنه

رد: خنقة وصوت غريب
 

كده ممكن يكون عيب كمبروسور فعلا

بليه وحشه مثلا أو طنبورة كلاتش

برضه مازالت الإحتمالات السابقه قائمه

ولكن يوجد إحتمال جديد !!!!!!!!!!!!!

إيه هو .....؟

دا التكييف شغال تمام وبيبرد كويس

تكتكته .....مع كمبروسور شغال صح ....؟

معقوله .....( أنا بأكلم نفسى طبعا )

:shyy:

والسؤال لصاحب الموضوع

هل تم تغيير شداد مجموعة السيور الخارجيه

( أى شداد الدينامو والباور والتكييف ولا لأ )

لأننى شاكك فيه هو كمان

لو كان إتغير مع السيور

وخصوصا السير الخارجى للمجموعه الخارجيه

يبقى العيب الخاص بالصوت عندك فى الكمبروسور فقط

سواء عيب ميكانيكى أو نقص فى زيت الكمبروسور

رد: خنقة وصوت غريب
 

شكرا يا بشمهندي سمير علي اهتمامك
بالنسبة لشداد مجموعة السيور الخارجيه فانا مغيرتهوش ومعرفش حتي ان في شداد للسيور الخارجية انا اللي اعرفة هو شداد سير الكاتينة فقط وبرده ما اتغيرش
طيب مش المفروض لو شداد مجموعة السيور الخارجية يبقي الصوت مستمر مع التكييف وبدونه ولا ايه
وازاي اعرف ان العيب عيب شداد مش كمبروسر انا خايف اروح لبتاع تكييفات يشتغلني لاني ما اعرفش حاجة عن الجزئة دي