طلب مساعده لسياره جيلي ck 20009
السلام عليكم ورحمه الله
مبدئيا انا عايش في الاسكندريه عاوز اعرف مكان التوكيل وهل السياره لسه في الضمان ام لا لأني شاريها مستعمله من شهر بس وهي موديل 2009 ومشيت 56 الف كيلو لكن يبدو انها عامله حادثه قبل كده ومتصلحه بره التوكيل العربيه امكانيات جميله وسعر مميز وشكلها جميل ايضا عندي شويه مشاكل عاوز اظبطهم علشان ارتاح انا عملت اللي اقدر عليه بره لكن فيه حاجات محتاج حد يظبطها او اروح التوكيل وارتاح منها العربيه اول مشغلها حتي لو لم تمشي تبقي بتتهز تقريبا فيه مشكله في الموتور وفيه ميكانيكي قال لي هي ماشيه على 3 مش 4 وعاوزه تتصلح بس انا مش فاهم يعني ايه 3 او 4 أنا لسه جديد في السواقه يا دوب ودي اول عربيه ليا ومش عارف ملاحظ حاجه غريبه ظهرت قريب وانا ماشي ان قللت السرعه وهديت ان لم انزل النقل الي الأول العربيه بتقطع كده حتي لو نزلته على الثاني احيانا تقطع العربيه شاريها من شهر وكعربيه اشعر انها جيده يمكن مش ناعمه بالقدر اللي كنت أتمناه لكن فيها مميزات كتير ممكن المساعده اعمل ايه وممكن تتكلف كام وايه تليفون التوكيل وهل انا تبعهم ولا خلاص انا بره كده |
رد: طلب مساعده لسياره جيلي ck 20009
ماشية 3 مش 4 يعنى فية بستم مش شغال نتيجة اسباب كتير جدا لسة لما نتناقش هانوصل للحل بامر الله
|
رد: طلب مساعده لسياره جيلي ck 20009
:Wkiss5::Wkiss5::Wkiss5:: Wkiss5:
اقتباس:
|
رد: طلب مساعده لسياره جيلي ck 20009
أيوه فعلا
هو انا روحت لميكانيكي في رأس التين وغير لي الاسبوع اللي فات 2 او 3 بستم تقريبا كانوا بـ 50 جنيه او حاجه زي كده مش فاكر بس رجعت عملت نفس اللي حصل فروحت بيها لواحد تاني في سيدي بشر هو شك فيهم بس قال انهم جداد وجرب من عنده وقال ان العيب من منهم وجرب كابل كده او خرطوم بيركب في الموتور كان بيقول انه بيسرب كهرباء مش بيوصل بالكامل وقال لي انه سخن وكده بس رجع قال بكره هيجيب الكابلات دي اللي هما 4 تقريبا داخلين جوه الموتور هو تقريبا هيجيبهم من محلات الجمال بتاع قطع الغيار وقال لي انه شاكك ان الرشاشات ضعيفه وعاوزه تتغير بس لسه هيجرب الاول الكابلات ويشوف فما رأيكم وهل الكابلات دي والرشاشات غاليه؟ كمان هو فين التوكيل ده وهل ممكن اروح ليهم ولا انا بره التوكيل كده ولو روحت الاسعار هتبقي كام هناك ولو ليهم تليفون ياريت انا آسف بأتعبكم بس اعذروني تعبت |
رد: طلب مساعده لسياره جيلي ck 20009
اخى الكريم
طقم سلك البوجيهات رخيص مش غالى يعنى مثلا 60 جنية الميكانيكى بيقول ان الرشاشات ضعيفة .........قولة الرشاشات مش بتضعف ولكن الفوانى ممكن توسع او تتسد وبتنضف واطلب منة انك مش هاتغيرهم بدليل انة لما جرب من عندة بوجيهات الدنيا اتظبطت اصبر لما يغير طقم سلك البوجيهات وبوجيهات جديدة من نوع محترم وشوف الدنيا فيها اية معاك لكن سيب الرشاشات فى حالها دة الموتور عامل 50 الف كيلو لسة بدرى على الكلام دة |
رد: طلب مساعده لسياره جيلي ck 20009
اقتباس:
|
رد: طلب مساعده لسياره جيلي ck 20009
هو التوكيل فى ابو رواش
واعتقد انها لسه فى التوكيل لان انا معايا واحدة لمدة 5 سنين |
الساعة الآن 02:54 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017