اريال الفيرنا
 

اصدقائى الفيرناوية انهارده بعد ما ركنت العربيه بالتحديد من حوالى ساعه ببص لاقيت الاريال منزلش للاخر مش عارف ليه حاولت اضغط عليه لتحت بايدى منزلش برده حاولت افتح واقفل الكاسيت يمكن الاريال يقفل للاخر برده لا المهم حاولت اجيب الاريال يمين وشمال بايديه لحدما اتقطم وبان الوير اللى تحتية اللى بيرفعه وينزله
طب دلوقت العربية لسه فى الضمان يا ترى اروحلهم يغيروه ولا ايه
طب لو مرضيوش يغيروه يا ترى تركيبه فى التوكيل بكام
طب لو هعمله برده التوكيل يا ترى فى انواع منه كويسه فى السوق واركبها فين وبكام
معلش تقلت عليكم اصل الفيرنا دى عربيه عزيزه عليه جدا ولما بيحصلها حاجه كان عيل من عيالى عيان
وشكرا ليكم جميعا

رد: اريال الفيرنا
 

معلش حصل خير
وطبعا التوكيل مش هيرضى يغيروهلك علشان انت قطمته
هو برة التوكيل بيعمل 100 جنيه واى كهربائى يركبهولك عادى

رد: اريال الفيرنا
 

تمام يا باشا وشكرا على ردك بس كنت عايز اعرف انا سمعت ان العوقل بتاتعه بتتباع لوحدها ومممكن تتركب بدل اللى اتقطمت وخلاص هل ده صح ولا ايه الموضوع

رد: اريال الفيرنا
 

مفيش يا باشا الكلام ده الاريال بتجيب واحد جديد وتريح الدى الدماغ يعنى:Wkiss5:

رد: اريال الفيرنا
 

صح الله ينور عليك طيب اخر سؤال
هل ممكن الاقى انواع اريال كهربا تانيه تكون لما تتفتح تبقى اقصر شويه من الاصلى ده لانه شكله لما بيتفتح بيقى طويل جدا وبايخ

رد: اريال الفيرنا
 

عندى مشكلة مشابهة هى انى الاريال التروس بتاعت الاريال من جوة اللى الماتور بيلف فيلفها عشان تطلع الوير التروس دى اتاكلت والماتور يلف على الفاضى اعمل ايييييية لو سمحتوا فى التوكيل الاريال الكهربا كامل 820 ج الوير 83 طب اية الحل وهل فية اريال كهربا فيرنا استيراد فى حدود المعقول

رد: اريال الفيرنا
 

السلام عليكم
بالنسبة للاخ اللى الاريال اتقطم عندة ممكن يغيروة لوحدة من غيير مايغيير الماكنة كلها انزل شارع دمشق واسال علية هتلاقية ب 60 جنية
وتركيبة سهل الاول فك الصامولة اللى اللى فى نهاية الاريال وطلع الاريال القديم هتلاقى وصلة الومنيوم صغيرة بتركب فوق الاريال الاريال بيخش فيها هات الاريال الجديد وحط الوصلة الالومنيوم الاول ودخل الوير داخ الفتحة وخللى اى حد يشغل الكاسيت ويطفية عشان الماتور يفتح وبعدين يقفل فى مرحلة القفل دكك الوير واقعد لفة يمين شمال لغاية مايلقطة الماتور ويبتدى يشد الاريال الجديد وبعد مايدخل مكانة اربط تانى الصامولة لو معرفتش جرب كذا مرة هتلقية موضوع سهل ...