|
ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
. . . . احنا ملناش فالديمقراطية . احنا شعب فينا 40% تحت خطر الفقر دة غير نسبة الجهل ألي تقارب ال 60% محصلوش علي تعليم جامعي . كل دة لية مدلول واحد اني الديمقراطية مش هتنفع . مفيش عندنا حاجة اسمها نرضي عشان اخواتنا طلبو كدا . لما وقف عمر سليمان وقالها .. لسا بدري عالديمقراطية لشعب مصر . كان عندو حق فالجملة دية . يمكن هوة كان استهدفها لأغراض اخري لكن فعلا لسا بدري اوووووي علينا الانتخابات مفيهاش ريحة التزيف ولا التزوير ولا التلاعب .. وكلنا رحنا واخترنا علي كيف كيفنا .. والنتائج كانت بتتعرض فورا من كل لجنة وكل محافظة . وانا شخصياً كنت من احد مراقبين لجان عندنا . وطلع الصندوق مخبي لينا الأتي ناس كتير راحت اختارت شفيق ... والناس دية مش فلول ولا ليهم مصالح ولا الأفتكاسات ألي كتير بيقولها عشان يرضي نفسو اني هوة صح وخلاص.. لا بالعكس ناس غلابة كانت عايشة وبتاكل وبتشرب وكانت متأقلمة ... وناس عايزة استقرار وناس خايفة من التغير والتجربة لاني التجربة في اكل عيشي وعيش عيالي محدش هيغامر بيها الا قليل جدا .. ناس مسيحيين سمعو اكتر من تهديد واكتر من كلام يقشعر الابدان من التيارات الاسلامية عموما . وسمعو كلام معسول من شفيق فلية منديش شفيق ... الجزء التاني طلعلنا سى مرسي راجل بتلعب وراة جماعة ليها امكانية حشد اصوات رهيبة . بالكوسة والخيار والطماطم والسكر والزيت وكلنا شفنا كدا .. ناس استغلت الدين واستغلت الجوع واستغلت الفقر واستغلت كل ما يمكن استغلالة لتجميع اصوات واديها جمعت الاصوات وعرفت تطلع الاستبن يبقا مركز اول . الثوار ومنتدبين الثورة دائما.. الفكر الثوري نفسو لا يمكن ان يتماشي مع الديمقراطية .. لاني كلمة ثورة . فالحقيقة تعني انقلاب . وتنفيذ ما اراة مناسب . لكن احنا عندنا ثورة سلمية . فلا تستطيع ان تقلب قشاية .. وارتضت فالبداية بالديمقراطية .. لكن اذا خالفت حكمنا الثوري .. فثورة ثورة !! وشاهدو ميدان التحرير اليوم ..لا عاجبة دة ولا دة . المجلس العسكري . كل ما يهم المجلس العسكري .. هو وزنة ووضعة في الدستور . فلا ميزانية تناقش ولا تدخل مدني في الشئون العسكرية .. غير ذالك لا يهم سوي اي شخص يجلس علي ذالك الكرسي واذهب انا لمكاني الطبيعي . وطبعا لا ثورة ولا بطيخ . فإذا كان المجلس من البداية يؤمن بالثورة لحدث تغير فعلا في اقل من شهر .. لكن لم يدرك الناس ذالك وهوة صاحب القرار الوحيد .. ومكمن القوة الوحيد . ولا يمكن ان اقف معة في ذالك ولا يمكن ان اقف ضدة ايضا! .. دة وضعنا دلوقتي ..لا كان لينا ديمقراطية ولا كانت دية ثورة ... السيناريو القادم انقسام مصر لفريقين . فريق يريد الثوراا والتغير والحلم الجميل لكنة فالنهاية مجرد حلم !! الفريق الثاني .. يريد استقرار في المعيشة والحياة وليأتي من يأتي .. واعتقد محدش من الطرفين هيسكت وقريب حروب اهلية بسيطة بين الطرفين . واذا تدخل العسكر سنصبح سوريا 2 او ليبا واذا لم يتدخل فالامر .. فسيمتلك الامر .. سيفرض الاحكام العرفية فالبلاد وسيدير شئون البلاد كاملة . ألي ان يهدء الشعب ويصبح يتقبل الديقمراطية . وسلامي للثورجية ألي اصلا ملهمش ثورة :Wkiss5: بس هي جت غية والغاية بتحكم وعن الانتخابات فملهاش لازمة لاني ببساطة .. اذا كان نص الشعب سيقبل بالنتيجة فلدينا نصف اخر سيرفرض النتيجة فالميدان .. فما فائدة الانتخابات ؟؟ |
رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
أشكرك على هذا التحليل الذى يتماشى بالفعل مع واقعنا المرير
وأحب اوضح لحضرتك ان كلمة ديمقراطية هى اختراع وهمى اميركى الصنع هى بالاساس لاتؤمن به ولكن جعلته ستارا لتصديركافة اعمالها القذرة الى باقى الشعوب الفقيرة ودول العالم الثالث المطحون وتطبيق سياسة القهر والاحتلال الغير مباشر لهذه الشعوب التى طبعا احنا على رأسها واصبحت طنط امريكا بتمرجحنا زى ما هى عايزة يمن وشمال وتشقلبنا فى كل الاتجاهات كل ده وهى واهمانا اننا كنا اصلا عايشين فى عز الديمقراطية ايام المخلوع فيا عزيزى نحن لا نسعى وراء الديمقراطية بتاعة امريكا نحن نسعى لما هو اسمى منها وهو الكرامة الانسانية فى شتى مناحى الحياة يعنى الناس تعيش حياة آدمية كريمة وان يكون لهم حقوق وعليهم التزامات وهو مالم يتحقق مع شفيق او غيره من اللى داقوا طعم الفساد مع المخلوع واعوانه المهم اللى يجى يحكم بجزء من العدل بلاش العدل كله لانه صعب ويوفر حياة آدمية كريمة وبلاش الناس تتخدع فى هدوء شفيق الذى يشبه هدوء الحية قبل انقضاضها على فريستها فشفيق لا هو بتاع ديمقراطية ولا حياة كريمة وبكرة افكركم لو مسك لاقدر الله هتترحموا على ايام مبارك |
رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
هناك معادلة حسابية بسيطة جداً وهى
ديمقراطية + فقر + جهل + أمية = فوضى |
رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
كلام منطقى جداا ...
|
رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
الغريب والعجيب ان معظم الناس مدركة اننا فى ورطه شديدة ..وان الاختيارين ليس على هوى الكثيرين منا...لكن ما هو الحل ....هل العزوف عن الانتخاب هو الحل المنطقى ... لالالالا طب اختيار احد الاسمين ..ادرك تماما ان اختيار احد المرشحين سيؤدى الى مشكلة فى البلد.. بجد انا فى قمة الحزن والاحباط لاننى ببساطة كنت عايزة لمصر رئيس لكل المصرين ويوافق عليه كل المصرين |
رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
كلا المرشحين كارثه...
الفريق...امن الدوله هيرجع تاني وهتتكمم افواهنا والله اعلم بما سيفعله معنا وبالاخص الفئه المثقفه... فهم يريدوا ان يقودوا البلد كقطيع من الخراف... الاخوان...كارثه واضرارها هتبديء في الظهور مع فوز مرشحهم وتكرار مشكله الحزب الوطني من السيطره علي كل شيء ده غير انهم لو مسكوا السلطه ...ابقوا قابلوني لو سابوها...الاخونجيه ناس صعبه وللاسف مصلحتهم الشخصيه فوق كل شيء... اذن فوز اي مرشح ينطبق عليه المثل ...(وكانك يا ابو زيد ما غزيت):shyy: |
رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
اقتباس:
الفريق امن دوله وسرقه وقتل وانتقام وبيتهيئلى كمان الرقابه هتبقى على النت لانه هو اللى بدات بيه الثوره والله اعلم اما لمساوئ الاخوان انا لست خائفه منهم كثيرا يكفى انهم مرجعيتهم اسلاميه وذاقوا الظلم فلن يظلموا ان شاء الله ويهدفون يوما ما لتطبيق شرع الله حتى ان كانو يريدون مصلحتهم فقط طالما مصلحتهم فى خدمه مصر فهى مصلحتنا نحن ايضا حتى وان كان سيحكمنا المرشد فالمرشد افضل من ان يحكمنا اوباما واسرائيل ومبارك اما حكايه الحزب الوطنى الجديد فدى الله اعلم بها ولو عرفنا الغيب لاخترنا الواقع |
| الساعة الآن 02:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017