|
مشكلة فرامل فيات 132
السلام عليكم ورحمة الله وبركاته من فضلكم انا معايا عربيه 132 1600 العربيه امبارح كانت ماشيه كويس وبتجري وكل حاجة والفرامل تمام الحمد لله وقفت بالعربيه كنت بشتري حاجة وانا بقف بهدوء شديد شديت فرامل اليد والعربيه وقفت عادي خالص مافيهاش اي حاجة بعد كده مشيت بالعربيه لقيت دواسة الفرامل تقيله جدا ولما اجي اهدي بالعربيه لازم ادوس جامد اول مره وبعد كده الدواسه تنزل تحت خالص وتبدء العربيه تقف وكمان العربيه لما بدوس فرامل وهي واقفه العربيه بتطفي ارجوكم عاوز حل سريع وايه العيب علشان لو كده اغيرها لان العربيه عندي بستخدمها كتير ومهمه بالنسبالي جدا بعد اذنكم وشكرا جزيلا |
رد: مشكلة فرامل فيات 132
ماستر الفرامل الخلفى ممكن يكون بيعلق
او محتاج إصلاح والبرجلة والتبطيل ده من السيرفو لازم طقم إصلاح |
رد: مشكلة فرامل فيات 132
بسم الله الرحمن الرحيم
فيه تسريب هوا في المانيفولد او خرطوم الشفط الواصل بين المانيفولد ( المانافو بلغة الصنايعية ) و السيرفو مسدود او مش راكب كويس جرب و قولنا وصلت لايه م - سامح ليله |
رد: مشكلة فرامل فيات 132
غالبا دي مشكلة السيرفو الكاوتشه الداخليه اتقطعت وعاوزه تتغير
|
رد: مشكلة فرامل فيات 132
شكرا جزيلا لكم مش عارف اقولكم ايه والله انا نازل اهه وهشوف الي قولتم عليه وهرد عليكم اول ماجي شكرا جزيلا مره اخرى ويارب تكون حاجة بسيطه لان العربيه دي بدات تفتح بقها تاني ومافيش نيه اصلا اني استغنى عن العربيه دي بالزات |
رد: مشكلة فرامل فيات 132
ربنا يباركلك فيها ويكفيك شرها
دى أخر الفيات المحترمين ولو أساسياتها سليمة ياريت متفرطش فيها |
رد: مشكلة فرامل فيات 132
العربيه دي معانا من زمان جداااااااااااااااا من اول نزلت ابويا ورثها عن جدي وجدي كان مهتم بيها جدا وابويا برده مهتم بيها جدا وانا من بعده بس على فكره انا مستغربلها لانها كامله بكامليات فتحت سقف تكيف موجود فيها باور سنتر وفيها كمان تابلوه ارجنتا وفرش ارجنتا وكراسي وابواب هي عربيه غريبه اصلا مش عارفلها مله هي ارجنتا ولا 132 |
| الساعة الآن 03:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017