|
علامة الفولكس اتسرقت....
ptmnlo123per144السلام عليكم..
فعلا مصر بلد الأمن والامان.. عربيتى الجيتا اللى لسه جايبها من حوالى 3 شهور اتسرقت العلامة اللى ورا واللى قدام بتوعها من تحت بيتى! انا كنت متوقع كدة من كتر العربيات اللى شوفتها مسروق منها العلامة اصلا حد يا جماعة يعرف اجيبهم منين؟ واضح طبعا ان التوكيل حيكون مولع! وواضح كمان ان العلامات اللى بتتسرق ديه بتتباع تانى! فحد يعرف ممكن اجيبهم منين بسعر حنين؟ الذ حاجة ان الحرامى الحمار اللى سرق العلامة اللى ورا وهو بيشلها.. اخد بس العلامة الفضى للحرفين وساب الجسم نفسه.. يعنى ولا منه هيستفيد بيها ولا منه سابهالى.... ربنا يحرق قلبه زى محرق قلبى شامل |
رد: علامة الفولكس اتسرقت....
ربنا يعوض عليك
للأسف الموضوع منتشر جدا ، في عصابة في اسكنرية كانت مكونة من أولاد و بنات (طلبة جامعه) و معاهم عربية لانسر تقريبا !!!!!!!!! كانوا تخصص علامات و طاسات ربنا يعوض عليك و يستر علي بلدنا من أهلها |
رد: علامة الفولكس اتسرقت....
منه لله اللي عمل كده
حياخدها و يبعها لتاكسي و اكيد شاهين(كل تاكسيات الشاهين اللي بشوفها حاليا حاطه علامه فولكس فاجن!!!) بعشره جنيه او حاجه. انصحك تشوفها استعمال لان لو روحت التوكيل حتسمع كلام مش كويس جوز اختي عربيته البورا علامتها اتسرقت برضه مره كانت في التوكيل ب 250 جبناها من دمياط ب 120 جنيه استعمال!!! طبعا علامه ما تسواش تلاته مليم بس الغاوي ينقط بطاقيته;) |
رد: علامة الفولكس اتسرقت....
حسبي الله و نعم الوكيل عادي 4 مرات علامات بسات و في الاخر طنشتهم
في الشهابي في شارع دمشق ده تخصص قطع غيار فولكس |
رد: علامة الفولكس اتسرقت....
ههههههههه
انت دماغ يادكتور عيشو ههههههه اقتباس:
|
رد: علامة الفولكس اتسرقت....
بص يا باشا لو انت من القاهره يبقي هتلقيها في الحرفين
اما لو انت بقا من المنصوره وتعرف تنزل المنصوره ممكن تجيبها من الحسنيه من عند واحد اسمه المكاوي ب150 جنيه لان انا لسا برده بتاعت عربيه عمي مسروقه واشترينا واحده من عند المكاوي واوعي لما تجيب العلامه تفكر تلزقها بامير او اي حاجه لان الحرامي ببكن يشيل الشبكه كلها او يكسرها ودا من تجربه |
رد: علامة الفولكس اتسرقت....
لا اله الا الله
حتي العلامات بتتسرق ههههههههه ربنا يهدي الناس خلاص قربو يكلو بعض |
| الساعة الآن 04:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017