|
الى عندا فكره على بى ام دبليو يمكن افيدنى
السلام عليكم انا ان شاء الله مقبل على شراء بي ام دبليو ومحتار اشوى عايز اسالكم ؟؟؟
وموديل المقبل ان شاء الله على شراه نفس لى فى صوره امهم عايز اسالكم اي احسن محرك فى الفئه الخامسه من موديل هذا انا نسمع انو محرك 528 ولون الاسود احسن محرك بس عايز اعرف ما هي عيوب المحركات الاخره * وكذلك اى احسن محرك فى الفئه الثالثه لى نفس البدى فى صوره لى تحت وهل تنصحومي بشراها ام لا وما هيا عيوبها واى افضل الفئه الثالثه ام الخامسه وشكرا لكم http://www.leaseliquidations.com/ima...%20528%202.jpg http://is01.thegumtree.com/image/big/126064921.jpg http://images03.olx.co.za/ui/17/28/4...rugersdorp.jpg http://images02.olx.ca/ui/3/31/15/45132615_1.jpg |
رد: الى عندا فكره على بى ام دبليو يمكن افيدنى
للمتابعة لأني عندي نفس السؤال عن الـ 328 موديلات 94-99 ومحتاج أعرف لو فيه حاجة هتفيدني.
|
رد: الى عندا فكره على بى ام دبليو يمكن افيدنى
مفيش موتور احسن على الاطلاق لازم نحدد افضل فى ايه
الموتور اللى بتتكلم عليه رائع فعلاً (كأداء) لكن قطع الغيار اقل توفراً الاشهر والاسهل واداءئه ممتاز برضو ال 525 ومفيهاش مشاكل ال 523 وعموماً الفئه الخامسة طبعاً افضل بكل المقاييس مساحة الشنطة اكبر سنة (البى ام عموماً شنطتة وكنبته صغيرين) فارحم طبعاً من الفئه التالتة وان كان الفرق مش كبير اوى لكن لو بتستخدم الشنطة كتير او بتسافر هتحس بالفرق كمان اوسع من ورا والكماليات اللى فيها محترمة بكتيير من اول موديل اما التالتة فانت هتحتاج تجيب موديل عالى علشان يكون فيها كماليات معقولة ده لو الكماليات مهمة بالنسبالك اصلاً اما كعربيه الفئه الخامسة افضل برضو لكبر حجم الموتور وقوة العفشه ومساحة قاعدة العجلات وبالبلدى بيتقال على الفئه الخامسة الموديل ده انه ال 504 بتاع البى ام يعنى حمارة شغل وعملية وحاجتها معقولة الفئه التالتة مش وحشة طبعاً بس فعلاً الكبير كبير على فكره انا معايا الفئه التالتة 320 مو 2006 وعايز ابيعها واركب الفئه الخامسة الموديل الاقدم لانها عملية اكتر فعلاً بس خد بالك الفئه التالتة برضو عملية فى استهلاك البنزين الاقل وحجمها الاصغر اللى بيسهل ركنها ومشيها فى شوارعنا الجميلة |
رد: الى عندا فكره على بى ام دبليو يمكن افيدنى
انت بتتكلم عن (الدبانة) وبيسموها فى بعض البلدان العربيه (النحلة) ومعروفه عالميا باسم BMW E36
عربيه مدرسة اتعملت بدماغ لوحدها بشكل يخليها قيمة حتى بالمقارنة باحدث الموديلات عملية جداً وصاجها جااااااااااااامد وحاجتها فى كل حته واللعب فيها وبيها متعه خاصة لو كوبيه انا ركبت ال 325 مكنتش عايز انزل منها المهم تاخد بالك تكشف عليها كويس قبل الشراء ولو حالتها حلوة ممكن تدفع فيها بزيادة وتستاهل لان لو العكس هتصرف معاك كتير فى ظبطها ده غير لو كانت نصين اصلاً وديه فيه منها كتير اوى فى مصر |
رد: الى عندا فكره على بى ام دبليو يمكن افيدنى
AbOnOrA :018A1D~146::018A1D~146:: 018A1D~146::018A1D~146::0 18A1D~146:
|
رد: الى عندا فكره على بى ام دبليو يمكن افيدنى
اقتباس:
هوا عموما أصلا الي خلاني أفكر في ال بي غم أصلا واحد صاحبي لسة مشتري 325 وزي ما إنتا بتقول كدة يادوبك وإحنا بنشتري بجرب العربية مارضيتشي أنزل منها وإتفقنا مع الراجل وعربناه وخدنا العربية نروح بيها. ومن ساعتها وأنا بدور على 328 أو 325 بس تكون كوبيه وياسلام لو كابروليه بس شرط أساسي كوبيه. (عازب بقي):soccer_372: وبالنسبة لوموضوع الحالة دا أنا مش في مصر وبشتري مش في مصر ودا مايمنعشي إني الغش في كل حتة والي مأخرني أصلا إني مستني ألاقي عربية مش مشغولة عايز عربية على أبوها زي ما المصنع ما نزلها لا إتغيرلها جنوط ولا مكنة ولا جير وللأسف صعب شوية بس متأكد غني لو صبرت هلاقي إنشاء الله. أنا كان ليا تجربة كدة في كرولا قبليها وفضلت مستني لحد ماربا كرمني في عربية كويسة الحمد لله حتى لمض الفوانيس ماكانتشي إتغيرت. إدعولي بقى. |
رد: الى عندا فكره على بى ام دبليو يمكن افيدنى
شكرا لكم علي ردودكم تم بفضل الله شراء bmw 5 موديل 2000- 528-
|
| الساعة الآن 09:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017