|
تعديل اللادا من البنزين للغاز بين مؤيد و معارض
في ظل وجود ازمة في البنزين 80 و وجود رغبة في إلغاء البنزين 80 و إستبدالة بنوع مستحدث جديد بنزين 85 وسعره 1.4 ج أو 1.5 لذلك انا بفكر في الغاز الطبيعي كبديل رخيص و آمن. ياريت من كل الأعضاء الكرام دعمنا بالمشوره عن عيوب العاز الطبيعي و مزاياه و مدي تأثيره علي الماتور عاوز اتخذ قرار اعدل اللادا للغاز ام لا.. علماً بأن العربية لادا 2107 موديل 2004 عداد الكيلو متر 42000
|
رد: تعديل اللادا من البنزين للغاز بين مؤيد و معارض
ياريت فعلا حد يرد على الموضوع ده لان انا كمان بفكر احول لغاز وهل الغاز بيسخن الموتور
|
رد: تعديل اللادا من البنزين للغاز بين مؤيد و معارض
السلام عليكم الغاز انظف من البنزين لذلك لايكون الرواسب الكربونيه التي يحتاج بعضها المحرك ومن المعروف ان الغاز يقلل من عزم المحرك ( خصوصا محرك البنزين) ويقلل ايضا من عمره والله المستعان |
رد: تعديل اللادا من البنزين للغاز بين مؤيد و معارض
سألت في محطة الغاز المسئولين عن تعديل السيارات س ماهي تكلفة التحويل ؟ج السيارة كاربرتير عادي التكلفة 4800 جنيه س لازم ادفع كاش وماهي شروط التقسسيط ؟ج تقسيط بدون فوائد المبلغ يتم تقسيطة علي سنة بواقع 400 ج شهرياً أو علي سنتين تدفع نصف المبلغ 2400ج و الباقي يتقسط علي سنتين بواقع 100ج شهرياً وفي تقسيط آخر بفوائد بس بصراحة لم أسئل عنه.س: هل هناك ضرر علي الماتورمن الغاز ؟ج لا لايوجد ضرر وشوف عدد السيارات التي تم تعديلها للعاز و لو في ضرر علي الماتور ماكنش أصحاب العربيات الأجرة و التاكسي غيرو للغاز ده غير السيارات الملاكي س: ماهي عيوب الغاز ؟ج العيب الوحيد للغاز الطبيعي هو انه يأخذ مكان في شنطة العربية لان أنبوبة الغاز حجمها كبير و تزن حوالي 60كيلو جرام س: انبوبة الغاز بتشيل كام مترمكعب من الغاز؟ج 15 متر مكعب يعني تعمل معاك حوالي 150 كيلو و سعر المتر المكعب 45 قرش يعني الأنبوبة بتملها ب 6.75جنيه س : ماهي الأوراق أو المستندات الأزمة لعملية التغيير و هل بتحتاج الي وقت طويل ج كل الأوراق المطلوبة هي صور رخصة العربية و صورة البطاقة + ضامن في حالة القسط أما عن الوقت اللازم للتعديل حوالي 4 ساعات بعدها بتستلم العربية بتشتغل بالغاز طبعاً ده ملخص الحوار و الحقيقة انا مازلت محتار ياريت لو حد عنده خبرة او سيارة كانت شغالة بالغاز و يفيدنا بمعلوماته شكرا للجميع و انا في إنتظار الردود
|
رد: تعديل اللادا من البنزين للغاز بين مؤيد و معارض
متابع .......
|
رد: تعديل اللادا من البنزين للغاز بين مؤيد و معارض
اقتباس:
اجابة منطقية و10/10 ولكن انا شخصيا لى تحفظ بسيط فى حالة تركيب الغاز ل الادا يفضل تغير السوست الى بخلف الى سوست استيراد بتاعت 132 غاز (محملة ) والعربية على مرة السنين بتقوس من الخلف اما على الموتور عمر العمرة مثالا 130000 دى بنزين عمر العمرة - بالغاز حوالى 115000 يعنى الفرق ما بين الاتنين توفير فى البنزين فى موضوع جامد فى موقع مشهور لسيارات بيعمل مقارنة جامدة ما بين استهلاك الموتور بنزين وغاز اعمل سيرش علية وهتستفيد |
رد: تعديل اللادا من البنزين للغاز بين مؤيد و معارض
انا سألت فى شركة غاز تك لقيت الاسعار على ما افتكر 285 * 24 شهر او 415 * 12 تقريبا
ومحتاجين صورة البطاقه ورخصة العربيه وايصال خدمات بس فيه واحد قاللى انه بيعدم الموتور |
| الساعة الآن 06:15 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017