|
السمكرى بيشتغلنى........نرجو الأفادة
السادة الاعزاء.....بكل بساطة حاسس ان السمكرى بيشتغلنى
اولا : العربية تويوتا كريسيدا ....موديل 1979.....عربية طويلة و فيها شغل و انا عارف وديتها للسمكرى قالى.... اولا البوية كتير مفرقعة و ده نتيجة أن العربية واخدة معجون كتييير.... فالحل علشان اعمل شغل نضيف .....لازم أحرق العربية على الصاج و نشتغل فيها على نضيف.... فيها طبعا اجزاء فى الابواب فيها بارومة و عاوزة تتظبط..... المهم السمكرى قالى كده هو ده الشغل المطلوب و عليه المطلوب ......3000 جنيه شغل سمكرة بس بصراحة انا مستكتر قوى قوى قوى الرقم ده...... فمن فضلكوا أفيدونى أولا هل كلام السمكرى ده على موضوع الحرق و ان احنا نجيب العربية على الصاج...ده كلام صح و لا اشتغالات..... بفرض ان كلامه مظبوط و هايعمل الشغل الصح........و هايحرق و يجيب على الصاج و كل الفلم اللى هو قاله ده.....هل ده ممكن يوصل ل 3000 ......برجاء الرد و الافادة و لو فى سمكرى نضيف و معروف فى منطقة الجيزة او الهرم او العمرانية اى مكان قريب ....ياريت يقولنا و افيدونا شــــــــــــــكـــــــــ ـــرا |
رد: السمكرى بيشتغلنى........نرجو الأفادة
هات اى عامل يوميتة 50 جنية لغاية الساعة 4 العصر
وهاتلة مسدس جاز بابور بيشتغل بالكيروسين وخلية يسخن البوهية وبسكينة معجون يقشر اللى اتحرق على كامل العربية والكلام دة تحت اشرافك وبالكتير هياخد يومين شغل فيها حسبة 100 جنية وبعد كدة توديها لسمكرى وتتفق معاة اتفاق جديد والعربية مش هايكون عليها اى معجون وهاتترش بطبقة واحدة بس والشغل هايطلع جميل بامر الله |
رد: السمكرى بيشتغلنى........نرجو الأفادة
اة نسيت ملحوظة
التسخين على اى جزء فى العربية عدا الكابوت والشنطة ودول هانجبلهم مزيل بوية العلبة بـ 15 جنية وفرشة كبيرة بـ 5 جنية |
رد: السمكرى بيشتغلنى........نرجو الأفادة
اقتباس:
لو ممكن تساعدنى و توصلنى لحد يخلص الموضوع ده و يكون برده مضمون .....يبقى ياريت ....و أكون شاكر جدا جدا |
رد: السمكرى بيشتغلنى........نرجو الأفادة
للاسف معرفش بصراحة
|
رد: السمكرى بيشتغلنى........نرجو الأفادة
بص حضرتك فيه فى دار السلام سمكرى تحفه بجد وسعره معقول جداااا ويعملك اى حاجه فى العربيه و فيه ادامه على طول بوهيجى اكثر من ممتاز وبرضوا اسعاره جميله جدا بس اللى انت بتتكلم فيه ده حرام بمعنى الكلمه 3000 سمكرة بس ليه يعنى ووالله فعلا السمكرى والبوهيجى اللى بكلمك عليهم اكثر من ممتازين بجد وشغلهم نضيف جدا وهيطلعلوك العربيه تمام التمام وانصحك فعلا تيجى تعمل الشغل عندهم والعنوان بتعهم فى شارع الجسر البرانى فى دار السلام وده شارع كبيير جداا مليان سمكرية وميكانيكيه وعفشجية و بوهيجية وكل حاجه تتخيلها والسمكرى والميكانيكى اللى بقولك عليهم اتعملت ماعهم قبل كده وشغلهم تمام بجد وسعرهم زى ما بقولك جميل واى حاجه ابعتلى رسالة على الخاص واشرحلك العنون بالظبط |
رد: السمكرى بيشتغلنى........نرجو الأفادة
الشغل اللي هو بيقوله صح و ده الشغل النضيف فعلا عشان عربيتك تطلع حلوة و رايقه لازم المعجون اللي عليها كله ينزل و البوية تنزل و تتسمكر صح و البوهيجي بعد كده يديها سكينة معجون رقيقة اوي و يسحقها و سكينة تانية و يسحقها و شكرا علي كده و بعد كده فيلر و يتسحق و تخش بالسلامة علي الكابينة
انما السمكري ياخد 3000 جنيه ده سرقة و نصب .. الليلة اللي عندك دي كلها الحرق بالكامل و السمكرة و الدق علي اي حاجة في العربية و البارومة لو سمكري نضيف و شغل كويس اخرهم 800 و انت كده كارمو اوي اوي يعني |
| الساعة الآن 05:29 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017