|
انا محتار مش عارف اعمل اية..
بسم الله الرحمن الرحيم انا قدامى 131 ب20 الف الفوانيس بتعاعتها دائرية بس واحد صاحبى قالى انا كان معايا 131 بس كانت مغلبانى وكل شوية اروح للميكانيكى..فقالى انصحك بلاش .. ومع العلم ان ال131 الى قودامى حالتها حلوة جداا وبتاعت مدرس ..ومحافظ عليها بس الراجل دة خوفنى من ال131 عامتاا.. انت كنت اريت موضوع فى المنتدى فلقيت واحد بيقول المازدا 323 وبيقول انها رخيصة ..فى تمن ال131 .. فارجوا الافادة ..مع العلم ان السيارة سوف تستخدم فى المشاوير البعيدة.. وانا اسف على الاطالة وارجو من خبراء هذا المنتدى العظيم الافادة.. |
رد: انا محتار مش عارف اعمل اية..
اقتباس:
|
رد: انا محتار مش عارف اعمل اية..
ال 131 تكسب بس تكون نضيفه جداااااااا
|
رد: انا محتار مش عارف اعمل اية..
أى سيارة قديمة لها أعطالها سواء كانت مازدا ام 131,
لكن ال131 فى العموم أفضل من المازدا على عدة أصعدة, و أكثر اعتمادية و متانة, و أعطالها أقل و تصميمها أكثر اتقانا و أدائها أفضل. المازدا تقارن بال128. ال131 احدى افضل سيارات فيات اعتمادية و متانة, طبعا بشرط الحالة الجيدة, و الحفاظ على الصيانة الدورية. |
رد: انا محتار مش عارف اعمل اية..
مع أحترامى الكامل للسادة الأعضاء انا من وجهة نظرى شوف السيارة فيات ريجاتا هتلقيها فى حدود الـ 20.000 قابلة للنقصان او الزيادة حسب الموديل والحالة وهى افضل التابلوة شكله جميل الصالون عامة مقبول جدا واسعة من الداخل أوسع من الشاهين وافضل فى الثبات وحمالة أسية وجارية تستحمل السفر وبها 2 زجاج كهربا امامى فبريكة من المصنع اسعارها غالية شوية بالنسبة لقطع الغيار للفيات عامة وبها كمبيوتر اعطال على سانسر الشنطة واسعه جدا وانها سحب امامى مش على كورنا وكردان زى 131 لا كابلان فتكليف الكابلان رخيصة بعكس الكورنا والكردان تكليف اصلحهما غالية ملحوظة لاتشترى فيات ريجات اعتقد موديل 90 حيث لايوجد له قطع غيار واعتقد ان الموتور انجكشن لاينصح بالشراء وأرجو انى اكون قد افدت حضرتك. والسلام عيكم. |
رد: انا محتار مش عارف اعمل اية..
لو حضرتك كنت عاوز تعمل مقارنة بين الـ 131 والماذدا 323 انا عملت الرد دة قبل كدة كتير بصراحة
لكن ملخص الكلام الماذدا افضل وكل واحد مسموح لة يقول وجهه نظرة الماذدا ارخص فى قطع الغيار الـ 131 بتحب تجيب كارونة كتير والفتيس بتعها تملى بيجيب بلى وبيون ولاوم تعيش مع قصص صلايب ومشاكل بالكردان انا مش بقول انها وحششة لا سمح الله دى حتى مع حبيب قلبى هشام الجزار لكن انا بقول لو هنقارن يبقى الماذدا تكسب بكتير بصراحة وعلى فكرة صالونها اوسع من الـ 131 ومريح اكتر والعربية كلها نعمة ومش بتستهلك بنزين وعفشتها ناعمة ومريحة والتحكم فيها اكنك راكب باور موتورها لو اتظبط بيكون اخرص عكس الـ 131 اقتصادية بشكل مخيف فى استهلاك البنزين وعربية تجمعها حلو او لو ربنا كرمك بواحدة 1500 خمسة غيار يبقى اعتبر نفسك راكب اكسل وعلى فكرة الـ 131 اللى حضرتك اشرت اليها اعتقد انها تركى مش ايطالى |
رد: انا محتار مش عارف اعمل اية..
اقتباس:
عربية مشنشة وهتتعبك وهتصرف عليها اد تمنها ومش هتعرف تبيعها بالسعر اللى انت عاوزة انا عمرى ما سمعت عن مازدا 323 كسبت رالى ولا حتى شمت ريحته مرة واحد شفته مسافر بال 323 ورجع من غيرها مرة واحد ركب 323 روح بـ 212 تانى مرة ركب الـ 212 رجع ب 101 عفشتها اللى ورا حدث ولا حرج مساعدين باب ، على سوستة قلم جاف وعاملين عصايتين إستيك ماسكين بيهم العجل اللى ورا ولما سألت الجهبز بتاع العفشة ينفع نعدل عفشة الـ 323 عشان تبقى عفشة عربية مش سرير مستشفى قاللى ركبلها عفشة سرير مستشفى هتبقى أقوى ، بلا نيلة علبة الدركسيون عاملة زى الأخطبوط وبتفسخ كاوتش البانو بدرى بدرى وعلبة الـ 128 أحسن منها مع الأسف انسى انك تلاقى مسمار فيها يابانى جديد كله صينى أو تايوانى مضروب راحت أيامها لما سألت عن موتور قوى ليها ، اصلى كنت فاكر انى فى يوم من الأيام هقدر أسقطلها نص أكسيل موتور بالعفشة والتكييف والتبلوه إتضح انى موهوم وهم كبير ومع الأسف اتدبست وإشتريتها لواحد صاحبى ، وطلعت م***** نا والواد دلوقتى بيدعى عليا طبعا ، وحسبى الله ونعم الوكيل ، انا ماكنتش أقصد إلا الخير بس العربية خنقت أهله وياعالم هيبيعها ولا هيعمل اه الـ131 بقى حدث ولا حرج ، بكرة بإذن الله هحكيلكوا معاناتى معاها ، منظررررررر بس ماتتقارنش مع المازدا بأى حال من الأحوال بأى حال من الأحوال بأى حال من الأحوال بأى حال من الأحوال بأى حال من الأحوال بأى حال من الأحوال بأى حال من الأحوال أشوفكم بكرة بإذن الله لأنى Failure Error 404 |
| الساعة الآن 03:41 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017