|
لو جيرانك مش تمام وانت جديد معاهم تعمل ايييييييه
السلام عليكم القصه دى طازه لسه حاصله امبارح واحد زميلى اشترى شقه فى مدينة بدر يعنى جانبى وجانب العمل وطبعاً انا لازم اقف معاه وهو بيوضب بحكم الزماله وكده يعنى وهو مش فى نفس القسم بتاعى وعشان كده زرته بعد فترة العمل واديتله نمرة تليفونى وقلتله لو عايز حاجه بويات او اى شىء رن عليا وانا اجيلك على طول وروحت البيت مافيش ساعه ولاقيته بيرن عليا تعالى بسرعه عشان انا باتخانق مع الجيران وبسرعة البرق كنت عنده لاقيت الجيران والله متلميه عليه زى لاموئاخذه الكلاب البلدى وعماله هوهوهو وطبعا بقى بيشتمو براحتهم لانهم عند بيتهم وهو عمال يقولهم محدش يغلط عشان ماغلطش اخدته وقلتله سيبك منهم وتعالى احنا نطلع نشرب شاى وهدى نفسك وانا هاتصرف معاهم بس مش دلوقتى المهم طلعنا الشقه وعملت شاى وقعدنا وسالته المشكله ايه بالظبط قالى المجارى كانت عندى مسدوده وسلكتها ويظهر ان بعد التسليك اتسدت تانى بس فى الشقه اللى تحتيا قلتله بسيطه وايه المشكله نبعت نجيب السباك ونخلص ولا انت مش راضى تجيب سباك على حسابك قالى بالعكس انا قلتلهم انا هاجيب السباك حالا بس هما مش صابرين عليا وعمالين يقولولى الشقه باظت وهو السباك ده واقف تحت الشقه قلت لاحول ولا قوه إلا بالله برضه بسيطه واتصلت بواحد زميلى فى الشغل معاه السلك بتاع التسليك وطلع على السطح وسلكها والحمد لله مافيش خمس دقايق ولاقيت اللى كانوا عمالين يشتموا جايين وباسو دماغه وفضلو يقولولو حقك علينا واحنا اسفين قلتله شفت لو احنا كنا ردينا عليهم كان زمان المشكله بقت اكبر ومش هانخلص منها الا بعد سنين وكل اللى باسطنى فى الموضوع ان احنا كسبنا المعركه بالصمت الرهيب ولا كأنهم موجودين وصمتنا خلاهم يحسوا انهم ناس مش محترمه |
رد: لو جيرانك مش تمام وانت جديد معاهم تعمل ايييييييه
لا حول ولا قوة الا بالله , ربنا يهدينا ويصلح حالنا
|
رد: لو جيرانك مش تمام وانت جديد معاهم تعمل ايييييييه
اقتباس:
وبالتالى مفيش أفضل من مقابلة الإساءه بالحسنى ففى هذا ترقيق للقلوب وإذابه للأحقاد والضغائن بين بنى البشر ولقد صدق الخالق سبحانه وتعالى حينما قال فى محكم آياته بسم الله الرحمن الرحيم إدفع بالتى هى أحسن ....فإذا الذى بينك وبينه عداوه ....كأنه ولى حميم صدق الله العظيم |
رد: لو جيرانك مش تمام وانت جديد معاهم تعمل ايييييييه
اقتباس:
شكراً اخى على المرور الكريم |
رد: لو جيرانك مش تمام وانت جديد معاهم تعمل ايييييييه
اقتباس:
إيه النور ده إزيك يا باشمهندس أخبارك ايه وعامل ايه يعنى الواحد مايعرفش اخبارك إلا من ردودك على الاعضاء على العموم نورت موضوعى بكلماتك الجميله دائماً |
رد: لو جيرانك مش تمام وانت جديد معاهم تعمل ايييييييه
اقتباس:
وسلامنا لكل الأسره الكريمه وخصوصا والدتنا الكريمه وعمره مقبوله بإذن الله |
رد: لو جيرانك مش تمام وانت جديد معاهم تعمل ايييييييه
اقتباس:
ربنا يخليك ويطمنك على الاهل والاحباب :w6w200504111340266d |
| الساعة الآن 12:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017