العربيه بتطلع دخان من تحت ومن الكبوت !؟
 

انا يا جماعه روحت اسخن العربيه من شويه فى الجراج لقيت حاجه غريبه لما بدوس بنزين العربيه بتطلع دخان من تخت الباب !! ولما فتحت الكبوت لقيت شويه دخان برده بس مش كتير للدرجه اللى تخوف يعنى
فى ملحوظتين ممكن يكون ليهم علاقه :
1- انا كنت راكن على أرض غير مستويه وبالتالى كان الجنب اللى جنب السواق واطى ووالجنب بتاع السواق عالى بس مش اوى يعنى
2- العربيه عندى الزيت ناقص الى حد ما لانها بتسرب زيت من تحت
انا كنت راكنا مش بطلع بيها من يوم الحد لحد النهارده الخميس على الوضع ده
على فكره انا ناوى اركنها شهر ونص لحد ما اخلص امتحانات يعنى مش طالع بيها
بس حابب اعرف ايه السبب مره واحده لوحدها كده بتطلع دخان ؟َ!

رد: العربيه بتطلع دخان من تحت ومن الكبوت !؟
 

دخان ريحة زيت ولا بنزين ولا بلاستيك مثلا444546
ساعات القطط بترمى الزبالة فى حوض الموتور :bb127bc6eab060e3e23
وخصوصا لما العربية تكون مرمية فى جراج ومحدش بيمشى بيها:1281F1~121:

رد: العربيه بتطلع دخان من تحت ومن الكبوت !؟
 

رد: العربيه بتطلع دخان من تحت ومن الكبوت !؟
 

غالبا طالما انت بتقول ان الموتور بيرشح زيت
شوف الزيت بيترشح على فين.....لو فى زيت بيجى على الشكمان ....يبقى أكيد لما الشكمان بيسخن الزيت بيتبخر و يطلع الدخنة دى..... بص عليها تانى و قولنا أيه النتيجة
تحياتى:fun_36_1_39[1]:

رد: العربيه بتطلع دخان من تحت ومن الكبوت !؟
 

شكرا يا جماعه على الرد والاهتمام
الموضوووووع فعلا محير
هوا انا كنت شامم ريحة شياط بسيطه

رد: العربيه بتطلع دخان من تحت ومن الكبوت !؟
 

شكرا يا فندم على الرد والاهتمام واعتقد والله اعلم ممكن يكون ده السبب
لان انا عندى فى زيت بينزل من تحت باستمرار وفى نفس الوقت الدخان كان طالع من تحت يمكن من تحت الباب

رد: العربيه بتطلع دخان من تحت ومن الكبوت !؟
 

بص على طبة الزيت ممكن تكون بتهرب
لو سليمة يبقى الكارتيرة كلها تتفك و تتنضف و لو فيها خرم تتلحم لو ما فيهاش يبقى الجوان بتاع الكارتيرة عايز يتغير
و دى الحلول ل 99 %من المشاكل اللى زى دى
ماتقلقش و توكل على الله