|
أستاذنا الباشمهندس سمير عياد- سؤال فى بن 51 كتاوت مارش
الاستاذ الباشمهندس أ/ سمير عياد
امبارح قررت اركب كتاوت للمارش اشتريت كتاوت مارش وسلك وترامل وركبت الكتاوت والحمد لله اشتغل زى الفل 85 على مفتاح الكونتاكت 86 عطيته ارضى 87 رايح للمارش 30 خدتله من البطارية مباشر http://www.masr1.com/?di=R66K فيه طرف رقمه 51 ده كهرباء برده ولا ايه ؟ لانى وصلت وشغلت وتمام وما عرفتش ده بيروح فين وبيجيى منين وفايدته ايه بس شاكك انه كهرباء برده والله اعلم مستنى من حضرتك تنورنى |
رد: أستاذنا الباشمهندس سمير عياد- سؤال فى بن 51 كتاوت مارش
عزيزى التوصيله بتاعتك غلط 85 هوه الأرضى و86 هوه اللى جاى من الكونتاك اللى كان راكب فى المارش وهاتجرب لو إشتغل معاك كان بها متوصلشى اللى مكتوب عليه 51 خالص ولو لم يعمل وصله كهرباء بس السؤال هل أنته متأكده من الكتاوت ده لأنه إحتمال يكون كتاوت لمبه وده مخلف عن المطلوب لو لم يشتغل معاك أو فضل المارش بيشتغل بدون الكونتاك يبقى مش هايفع لو فكيت الغطاء بتاعه وصورته من الداخل أفضل للتأكد من أنه هوه المطلوب أم لا عموما المطلوب هو كتاوت كلاكس عربيه بس فيه سؤال حضرتك ما قلتش كده إشتغل وإلا لا وشكرا |
رد: أستاذنا الباشمهندس سمير عياد- سؤال فى بن 51 كتاوت مارش
اقتباس:
والتوصيله برضه مش دقيقه زى ما قالك أخونا / طارق يعنى أنت عاكس طرفين وغير مؤثرين على المعنى ولكنهما مؤثرين فقط فى المسمى بالإضافه إلى أن ده كتاوت إضاءه وليس كتاوت تقويه للمارش فممكن تعتبره زى كتاوت تقويه ذو مخرجين كما بيتم مع الكشافات الأماميه |
رد: أستاذنا الباشمهندس سمير عياد- سؤال فى بن 51 كتاوت مارش
لو صورته من على وجهه الآخر وأنت رافع غطاء
هيبان الوضع أفضل |
رد: أستاذنا الباشمهندس سمير عياد- سؤال فى بن 51 كتاوت مارش
استاذنا الباشمهندس أ/ سمير عياد
أشكرك جدا لاهتمامك انا قلت للبياع عايز كتاوت مارش قعد يفتى ويلك ويعك فى الكلام قلتله انا واثق ان مش هوه ده كتاوت المارش قاوح وقالى ده اخو الى راكب عندك الى انت جايبه قلتله طيب ورينى انواع الكتاوت الى عندك قالى كله بيشتغل ما فيش مشكلة روح والكهربائى هيركبهولك حسيت انه مش فاهم حاجة بس الى خلانى اشترى انه اخو القديم الى راكب فى العربية يعنى من الاول خالص وانا متاكد انه مش كتاوت مارش اللى فى الصورة ده القديم الى كان راكب فى العربية وباظ يظهر ان المالك القديم كان حاطط كتاوت نور او كلاكس الله اعلم طيب دلوقتى العربية شغالة والكتاوت شغال والمارش شغال على الكتاوت زى الفل بس حضرتك قلت ان ده كتاوت نور طيب كتاوت المارش شكلها ايه وايه الفرق بينها وبين كتاوت العربية نور او لمبة او غيره يعنى هل عدد البنز الاطراف بيختلف وال 51 ده كهرباء منين وليه ؟ ولا اروح لمحل تانى وأسال واجيب كتاوت مارش تانية .... وبالنسبة لموضوع اختلاف فى المسمى او المعنى بخصوص بنات 85 و86 حضرتك تحب اعكس البن الارضى والمفتاح لو كان ده الافضل ولا بقاء الحال كده ما فيهوش مشاكل وانا رفعت لحضرتك صور الكتاوت من جوه دلوقتى حالا اتفضل http://www.masr1.com/?di=U85P http://www.masr1.com/?di=9D1Y http://www.masr1.com/?di=VR33 ربنا يباركلك |
رد: أستاذنا الباشمهندس سمير عياد- سؤال فى بن 51 كتاوت مارش
عزيزى دى صوره القديم وإلا الجديد أعتقد إن ده القديم عموما ده لو القديم وفتحت الجديد لقيته زيه بالظبط يبقى ينفع إنما او ده الجديد ولااااااااااااااااااا أعتقد إنه الجديد يبقى ينفع بس فيه مشكله إن الريشه النحاس اللى فوق عاوزه تتظبط يعنى تنزل إلى تحت شويه يعنى تبقى عدله بحيث أنها لا تصل إلا اللى تحتها يبقى فيه فرق من 2 -إلى 3 ملى تقريبا بحيث لو ضغط عليها من فوق الملف بصابعك يلمسو بعض وشرط الفصين اللى زى بتوع اللأبلتين يكونو فوق بعض بأفضل صوره طبعا أنا وضحت إن ده لا يمكن يكون الكتاوت الجديد خلى بالك إن فيه زيه بالظبط بس الريشه بتكون كعس يعنى الريشه من ناحيه تحت والريشه الأخرى اللى رقمها 87 اللى هيا ثابته بتكون فوق والفصين الأبلاتين عكس ده يبقى إسمه كتاوت لمبه دينامو وده مش هايشتغل لو وصلته المارش ها يفضل شغال على طول إنما لو زى الصوره دى بالظبط هاينفع وده إسمه كتاوت كلاكس ويشتغل مارش تمام بس فيه سؤال إيه السبب لتركيبه عموما هو يركب لما يكون فيه مشكله فى أتوماتيك المارش مثلا بيعمل تكه وإنته بتدور من الكونتاك وأما تجرب من قدام بتوصل سلك من الأتوماتيك بالبطاريه يشتغل المارش تمام وده سببه عده عيوب منها الكونتاك نفسه أو السلك اللى واصل من الكونتاك إلى أتوماتيك المارش ضعيف محتاج سلك سميك شويه علشان يزود الأمبير وده وارد إن السلك بيكون ضعف شويه شوف شغال بقاله كام سنه موديل العربيه هو الحكم أما السبب الرئيسى هو أتوماتيك المارش نفسه وده له طريقه للتقويه بدون كتاوت وفيه سبب ثانى ممكن يكون الكتاوت مجرد حمايه للكونتاك وده مش وحش دى حاجه كويسه وفى إنتظاررد مهندسنا المحترم سمير عياد وشكرا وياريت يقول لنا كلامى ده مظبوط أم لا ومطلوب من مهندسنا المحترم سمير عياد لويشرح لنا طريقه فك البطاريه وتركيبها وهل له قاعده علميه أم لا وسبب ترتيب الخطوات عند فك قواطيش البطاريه وتركيبها هل هى قاعده علميه أم مجرد إحتياط أمن فقط لمن ليس لديه خبره فى التعامل مع البطاريه وشكرا لمهندسنا المحترم |
رد: أستاذنا الباشمهندس سمير عياد- سؤال فى بن 51 كتاوت مارش
اقتباس:
الأطراف التانيه إللى معكوسه إلى حد ما ولكنها غير مؤثره لأنك مش هتوصل من كتاوت لكتاوت على التوالى وبالتالى طالما إستجابة المارش والمكنه تسير للأفضل فلاتوجد مشكله تدعو للقلق |
| الساعة الآن 03:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017