ارجو الافاده للاهميه القصوى
 

السلام عليكم
انا عربيتى نوبيرا 2 موديل 2007
كانت عامله حادثه خفيفه كده وبعتها التوكيل(ودى اول مره ليا)سوقسوق
وتم اصلاح الاتى:(سمكره الجانبين/تغيير رفرف امامى يمين/تغير فنوس يمين/تغير اكصدام امامى).
وكان فى خبطه فى الشكمان من تحت طلعته من مكانه بس التامين مرديش يغيره
ولما سألت بتوع الشمنات بره قالولى لازم وحده الشكمان كلها تتغير من اول الماتور لحد الديل بس الغريبه انى لقيت فى واحد قالى 300 جنيه والتانى قالى 700 جنيه وانا علشان مليش خبره قد كده قولت اسالكوا ايه الصح او اعمل ايه
وياريت لو حد يعرف حد كويس وثقه يقولى عليه ..مع العلم انى ساكن فى شارع السودان/المهندسين
ارجو الرد للاهميه القصوى

رد: ارجو الافاده للاهميه القصوى
 

ايه ياجماعه 56 مشاهده ومفيش حد عايز يفدنى بأى حاجه ؟؟؟؟؟!!!!!
ده انا حتى طالب مساعده:12B1B3~136:

رد: ارجو الافاده للاهميه القصوى
 

اللي قالك 300 واللي قالك 700 الاتنين صح بس فيه انواع شكمانات بلدي ودا اكيد ابو 300 فيه انواع استثماري ودا ابو 700 وانت عليك الاختيار ومن الاخر لو واحد بتاع شكمانات نضيف عملك واحد بلدي حيبقي نضيف برضة ومفهوش مشكلة

بس للاسف انا من اسكندرية ومش حقدر افيدك في واحد عنك في القاهرة

رد: ارجو الافاده للاهميه القصوى
 

متابع و ربنا يوفقك

رد: ارجو الافاده للاهميه القصوى
 

شكرا على المرور والافاده

رد: ارجو الافاده للاهميه القصوى
 

متشكرين ياشباب
انا الحمدلله استلمت العربيه من التوكيل بعد اجراء الاصلاحات اللى قولت عليها فى اول الموضوع ودفعت 165.00 جنيه.
وبالفعل اول ماطلعت من التوكيل طلعت على الميكانيكى وغيرت جوان التكيهات وظبط التكيهات بحوالى 50 جنيه.
وغيرت وحده الشكمان كلها ماعدا علبه البيئه والعلبه الخلفيه لان حالتهم كانوا كويسين ودفعت 425.00 جنيه.
وركبت زينون فى الشبوره وليدات بيضا فى الواطى علشان الشغل يبقى كله ميه واحده ودفعت 50.00 جنيه.

ايه ياشباب كده تمام ولا ايه؟؟؟؟؟!!!

رد: ارجو الافاده للاهميه القصوى
 

ايه ياشباب ؟؟؟؟ انا كده تمام ولا اتخميت؟؟؟؟محدش عايز يرد عليا ليه؟؟؟؟