مشكله فى انذار العربيه
 

شباب معايا عربيه فيرنا موديل 2010 كامله النهاردة فؤجيت بان جهاز الانذار شغال لوحدة كل شويه المهم فتحت العربيه وقفلتها تانى برضة نفس المشكله عمال يشتغل الكلاكس والاشارات كل 10دقائق المهم واحد معاة لانوس قال ليه اقفل العربيه بالمفتاح من غير الريموت فعملتها فهل فى حل للمشكله دى ولا لازم الاوح للتوكيل وتضيع يوم

رد: مشكله فى انذار العربيه
 

لازم التوكيل علشان يغيروه بس يا ريت متكونش ركبت حاجة برة التوكيل علشان متخرجش من الضمان :1281F1~121:

رد: مشكله فى انذار العربيه
 

شكرا بس المشكله انى برة الضمان علشان عديت100الف فنشوف حيتكلف كام

رد: مشكله فى انذار العربيه
 

يبقى تروح لواحد كهربائى كويس يشوفلك فى ايه وممكن تكون سلكه ملمسه ولو مكنش هو مش غالى ممكن تجيب واحد جديد ب150 جنيه على ما اعتقد

رد: مشكله فى انذار العربيه
 

شكرا على المعلومه وكويس انك طمنتى على انه مش غالى قوى عموما انا حشوف كهربائى وبعدين حبقى اسال على ثمنه فى التوكيل وانشاء الله حبلغكم بالنتيجه هو عموما دلوقيتى انا باقفل العربيه بالمفتاح وبافتحها بالريموت ومفيش مشاكل

تم علاج مشكله الانذار
 

شباب الحمد الله تم علاج مشكله الانذار طبعا انا واحد من الناس مبحبش اروح اصلح الحاجه اللى بعد ما افشل تمام المهم اخذت العربيه وفتحت الكبوت وقعدت اتاكد من كل الوصلات متركبه وثابته لاقيت على الناحيه اليمين سلك طالع من صدرالعربيه وواصل لزرر صغير دست عليه لاقيت الانذار اشتغل دة زرر محطوط بحيث لو حد حاول يفتح كابوت العربيه يشتغل المهم لاقيت بين مخرج السلك والمفتاح وصله صغيرة روحت رشتها بالدبليوا فور رشه محترمه وروحت مجبر لاقيت الدنيا تمام وجهاز الانذار ماشتغلش لوحدة الحمد الله وبقيت افتح واقفل بالريموت والحمد الله وسلام بقى على توكيل غبور

رد: مشكله فى انذار العربيه
 

زى مقولتلك هتكون مشكله بسيطه ان شاء الله