مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   لادا LADA (https://www.masrmotors.com/vb/forumdisplay.php?f=120)
-   -   بالله عليكم ياجماعه افيدونى كل خبراء اللادا (https://www.masrmotors.com/vb/showthread.php?t=86165)

ahmedmido2011 09-05-2012 06:12 PM
بالله عليكم ياجماعه افيدونى كل خبراء اللادا
 
يا جماعه انا معايا لادا 2107 موديل 2011 وكنت جايبها زيرو ومرحتش التوكيل فى صيانة 1000 كيلو وقابلتنى بعض المشاكل منها البوجيهات بتاعت العربيه باظت بعد200 كيلو وبعد كده غيرت ماستر الفرامل وجبت واحد ايطالى الميكانيكى اللى قالى عليه عندى بقى كام سؤال دلوقتى
اولا فى صوت تسقيف كده او كركه هل هو من البنزين 80 الميكانيكى بيقولى التاكيات مش متاكد من اسمها عاوز تتنضف هل ده صحيح؟؟؟
ثانيا وانا ماشى مره فى زحمه خرطوم التبريد اللى طالع من الريداتير فك لوحده ولحقته على اخر لحظه بعد اما الميه الخضرا خلصت من وزودته ميه خضره خلصت الجركن وبعدين روحت على الميكانيكى قالى موضوع الحراره ده حله بعد كده تجيب مروحه سته وتركب قميص بس واحد صاحبى قالى متلعبش فى اساس العربيه هات ترمستات 85 اسبانى وركبه المروحه هتشتغل فى اول الاخضر
ملحوظه انا عندى المروحه بتشتغل عند اول تلت الاخضر عند الشجره بس بتشتغل حوالى 5 او6 او7 مرات فى المشوار لو زحمه هو ده طبيعى ؟؟ ياريت تفيدونى وجزاكم الله خيرا

محمد التهامى 10-05-2012 06:22 PM
رد: بالله عليكم ياجماعه افيدونى كل خبراء اللادا
 
انتظر مستر استرا اكتر واحد بيفهم فى الادا وممكن يفيدك

kimo10 10-05-2012 06:45 PM
رد: بالله عليكم ياجماعه افيدونى كل خبراء اللادا
 
السلام عليكم
اولا الكركره والتصقيف من بنزين 80 فعلا وممكن تجرب التفويله اللى جايه تحط فقط 10 لتر 92 وحتحس بالفرق
المروحة عند حضرتك اوتوماتيك وبتشتغل فى تلت المؤشر وهى تشتغل وبتفصل عادى المهم ان الحرارة مبتعلاش عن منتصف المؤشر
وربنا يبارك لك فيها ويعطيك خيرها

YahiaAshraf 10-05-2012 07:30 PM
رد: بالله عليكم ياجماعه افيدونى كل خبراء اللادا
 
مش المفروض العربيه بالضمان


ليه مروحتش التوكيل هى اللى يشوفها

:fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]:

ahmedmido2011 10-05-2012 08:32 PM
رد: بالله عليكم ياجماعه افيدونى كل خبراء اللادا
 
يعنى كده مفيش مشكله من الحراره هى مبتعديش تلت الاخضر والصوت ده من البنزين 80 ونصيحتكم ان انا مغيرش الترموستات ل 80 او 85 علشان المروحه تشتغل بدر شويه وهل على المدى الطويل الحراره كده ممكن تاثر على الموتور وشكرا لكل واحد رد وجزاكم الله خيرا

kimo10 10-05-2012 08:37 PM
رد: بالله عليكم ياجماعه افيدونى كل خبراء اللادا
 
الحرارة طالما انها معدتش الاخضر لا يوجد تاثير على الماتور متغيرش حاجة عشان مش لازم تتغير عشان ممكن ان الصنيعى وهو بيغير اى قطعة يبوظة حاجة تانية
:THUMBS~220::THUMBS~220:: THUMBS~220:

mr_astra 10-05-2012 08:51 PM
رد: بالله عليكم ياجماعه افيدونى كل خبراء اللادا
 
اقتباس:
المشاركة الأصلية كتبت بواسطة ahmedmido2011 (المشاركة 667688)
يا جماعه انا معايا لادا 2107 موديل 2011 وكنت جايبها زيرو
الف الف مبروك وربنا يكفيك شرها
ومرحتش التوكيل فى صيانة 1000 كيلو وقابلتنى بعض المشاكل منها البوجيهات بتاعت العربيه باظت بعد200 كيلو
عادى ساعات بنجيب البوجيهات بالعلبة وتطلع مرطبة
وبعد كده غيرت ماستر الفرامل وجبت واحد ايطالى الميكانيكى اللى قالى عليه عندى بقى كام سؤال دلوقتى
دى بقى اللى غريبة شوية
اولا فى صوت تسقيف كده او كركه هل هو من البنزين 80 الميكانيكى بيقولى التاكيات مش متاكد من اسمها عاوز تتنضف هل ده صحيح؟؟؟
التسقيف حاجة وصوت التاكيهات حاجة تانية بس انا اعتقد ان العيب عندك فى التاكيهات وبنقول عليها عاوزة تتظبط مش تنضف والموضوع ملوش دعوة ببنزين 80 لان المواتير دى تصميمها من بداية التمانينيات يعنى مكنش فى بنزين 90 اكرر الموتور دة مصمم لبنزين 80 وموضوع التاكيهات سهل جدا ابسط مما تتخيل ودة طبيعى لان الصيف دخل علينا وحضرتك عارف ان التاكيهات بتتظبط فى الصيف وفى الشتا واللى بيحصل ان الميكانيكى بيفك وش التاكيهات وبكرر الميكانيكى مش الخراط لان التاكيهات بنظام الشواكيش او العصافير وبعد فك الوش بيجيب فلر وبيظبط الـ 8 تاكيهات عملية بتستغرق ربع ساعة بس تروح بدرى وتسيب العربية تبرد تماما ادام الورشة وبالمرة خلية يربط البلف شوية عشان صوت الموتور ينعم

ثانيا وانا ماشى مره فى زحمه خرطوم التبريد اللى طالع من الريداتير فك لوحده ولحقته على اخر لحظه بعد اما الميه الخضرا خلصت من وزودته ميه خضره خلصت الجركن وبعدين روحت على الميكانيكى قالى موضوع الحراره ده حله بعد كده تجيب مروحه سته وتركب قميص بس واحد صاحبى قالى متلعبش فى اساس العربيه هات ترمستات 85 اسبانى وركبه المروحه هتشتغل فى اول الاخضر
ملحوظه انا عندى المروحه بتشتغل عند اول تلت الاخضر عند الشجره بس بتشتغل حوالى 5 او6 او7 مرات فى المشوار لو زحمه هو ده طبيعى ؟؟ ياريت تفيدونى وجزاكم الله خيرا
فعلا طبيعى وما فيش داعى تغير تروموستات او تغير الرريشة طالما فى نطاق الاخضر وسيبك من عدد مرات التشغيل دة بيرجع لدرجة حرارة الجو واذا كنت ماشى فى وش الهوا بسرعة او واقف فى اشارة اهم حاجة تحافظ على منسوب مياة التبريد

اقتباس:
المشاركة الأصلية كتبت بواسطة محمد التهامى (المشاركة 668327)
انتظر مستر استرا اكتر واحد بيفهم فى الادا وممكن يفيدك
اشكرك على الثقة الغالية دى وتحت امرك اى وقت


الساعة الآن 05:58 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017