هوندا اكورد بتحدف يمين
 

السلام عليكم يا اخواني

معايا عربية هوندا أكورد 2008 ، وانا بغير فردة الكاوتش الشمال الامامية البيه الصنايعي قطم مسمارين من الخمسة واضطريت افك الجزء الشمال كله عند بيه عفشجي تاني علشان نغير المسمارين وقلتله علم كويس مكان ربط الصواميل بتباشيرة ولا بقلم ماركر علشان ترجعها زي ما كانت - انا لسه ظابط زوايا ، المهم عملي فيها سبع رجالة وقاللي متخفش وبرقبتي.

بعد ما عملنا المطلوب روحت لبتاع الكاوتش علشان يغيرلي فردة الكاوتش بفردة تانية لآن الاولانية اتكشط منها حتة قد نصف كف اليد وباظت.

بعد التركيب والترصيص طلعت اجرب لقيت العربية بتحدف يمين - الطارة ثابتة في النص لكن العربية بتسرح يمين - قولت امري لله اظبط زوايا كمان مرة - طلعت العربية على الميزان وبعد ما شيك على العربية بماسورة من تحت علشان يقيس المسافة بين الفردتين قاللي العربية تمام والعيب ان الفردتين اللي قدام مش نفس الرسمة - روح لحد بتاع كوتش - قولتله انا رصصت وظبطت زوايا على فردتين مختلفين قبل كده والعربية كانت تمام - ما اقتنعش.

تنصحوني بإيه يا جماعة مع جزيل الشكر.

رد: هوندا اكورد بتحدف يمين
 

فعلا لازم تكون كل عجلتين جنب بعض شبه بعض ونفس الحالة والمقاس

رد: هوندا اكورد بتحدف يمين
 

رد: هوندا اكورد بتحدف يمين
 

اشكرك على الرد - بس الاول الفردتين مكنوش زي بعض والعربية كانت مكنتش بتحدف

رد: هوندا اكورد بتحدف يمين
 

الله يعينك والله الصنايعية معدومي الضمير ممكن يدفعوك أكتر ما إنتا المفروض تدفعه لمجرد إنهم معدومي الضمير.
حسبي الله ونعم الوكيل وربنا يعوض عليك.

رد: هوندا اكورد بتحدف يمين
 

اسباب الحدفه - جنوط او كاوتش - ضغط هواء الكاوتش - علبة دركسيون - بيض المقصات و علبة الدركسيون
عجلة مرحله عن التانية اللى قدمها أو مقص معووج

بس أقترح الأول تعمل زى ما مشمش1 هات الفرد اللى ورا قدام وشوف أتحدف معاك ولا لأ وربنا يوفئك وتتحل المشكله إن شاء الله :CHUBBY~36:

رد: هوندا اكورد بتحدف يمين
 

وممكن يكون الجنوط عايزه تتعدل فى واحد فوق نفق الملك الصالح معروف

اسمة المركز الفنى الهندسى لأستعدال الجنوط

وهوة فوق نفق الملك الصالح بالظبط

وانت جاى صلاح سالم من ناحية السيدة عائشة هتنزل نفق

الملك الصالح وأول لما تطلع من النفق هتلف يمين مع سور النفق

وهتلاقى اللفة صغيرة وجنب النفق علطول هتدخل فيها هتلاقى

الراجل اخر الشارع على الشمال