هي ليه الناس بتكره الاوبترا ؟؟؟؟؟؟؟؟؟
 

انا يعني حابب استفسر عن موضوع ملاحظه بقالي فتره في اماكن كتيره وبجد مش فاهم ايه سببه الموضوع اني دايما لما الاوبترا تتحط في مقارنه مع النيسان صني واللانسر والالنترا والجين تو والبيرسونا والنيو اكسنت الاقي دايما الناس تطلع الاوبترا وحشه وقبل الاخيره في الترتيب ده ان لم تكن الاخيره واللي يقول ابعد عنها والللي يقول مش كويسه ومش ببقي فاهم ايه اسبابهم واخرها النهارده لما كنت قاعد في الكليه بتكلم مع واحد صاحبي عادي وواحد ورانا عمال يتكلم مع واحد يقوله ياعم الاوبترا دي اي كلام وبصراحه عصبني انه كان عمال يهاجمها من غير اسباب واضحه مع اني مش شايف انها وحشه اطلاقا وتستحق اكتر من كده بكتيربس قولت جايز فيه حاجات انا مش عارفها او في عيوب فيها ولا حاجه فقلت أسال وياريت اللي يعرف سبب واضح ياريت يعرفنا بس ياريت متكنش الاسباب مش منطقيه زي الكوري بوري والياباني ان راح مش راجع تاني والكلام ده ياريت تكون الاسباب منطقيه وتكون عيوب واقعيه في العربيه

رد: هي ليه الناس بتكره الاوبترا ؟؟؟؟؟؟؟؟؟
 

للمتــــــــــــبعة

رد: هي ليه الناس بتكره الاوبترا ؟؟؟؟؟؟؟؟؟
 

ههههههههههههههه حلة الكورى بورى دى
رووق بس الاول
انا شخصيا مش بحب الاوبترا لسبب انى شايفها لا تناسب سنى وانها عواجيزى شوية
والتابلوة مفتقر لاى ابداع او تجديد ف المقابل مثلا حاجة زى الجين 2 بما انك دخلتها ف الكلام
انا بحب العربية دى جدا وبتمنى انى امتلكها لانها مناسبة سنى كشاب
دى جهة نظرى
تحيااااااااتى

رد: هي ليه الناس بتكره الاوبترا ؟؟؟؟؟؟؟؟؟
 

كفايه انها من منصور

رد: هي ليه الناس بتكره الاوبترا ؟؟؟؟؟؟؟؟؟
 

رد: هي ليه الناس بتكره الاوبترا ؟؟؟؟؟؟؟؟؟
 

سيبك من كلام الناس اللي هيمشي ورا كلام الناس عمره ما هيفلح .. أنا معايا كابريس كلاسيك 77 .. كل واحد يسمع الموديل يقولي حرام عليك .. مع انها بالنسبالي احسن من عربيات 2012 .. وصحيح انا ببيعها الوقتي بس ان شا الله لما الظروف تتحسن هشتري كابريس صابونة .. عند في الناس اللي بتقولي يا لهوي 5000 سي سي و8 سلندر .. اهي هتبقى 5700 سي سي و8 سلندر وشيك وشكلها احلى كمان .. انا ركبت الاوبترا .. عربية جميلة على فكرة جدا .. واحسن من كتير عربيات .. واللي بيقول مفيهاش ابداع يبقى يطلع ابداعه فيها .. جنوط .. بودي كيت .. ورق عدادات .. وفرش واضائة من جوة .. وفي الموتور فلتر رياضي .. ممكن تيربو .. زي ما يحب يظبط .. وممكن يجيبها مستعملة ويركبلها عفشة رياضية ويديها لون رالي ازرق سماوي في ابيض مع البودي كيت هتبقى عربية فاجرة .. وهبطها مع العفشة السبور على جنوط 18 .. ولو تغير الموتور كمان بموتور لومينا من الخليج ب الجير بوكس بتاعه ولما تبقى تيجي تبيعها رجعها على طبيعتها وبيعها .. وخلي قطع التعديل بيعها لوحدها او سقطها على عربية تانية .. وادعيلي قال الاوبترا وحشة قال .. مفيش بعد جنرال موتورز واللهي

رد: هي ليه الناس بتكره الاوبترا ؟؟؟؟؟؟؟؟؟
 

المفروض الواحد يحكم عن العربية من تجربته الشخصية FLASHCar
مش اسمع ان واحد صاحب ابن خالتى اخوه كان معاه العربية نص ساعة و مش عاجباه.
و العيوب تكون حاجات اساسية فى العربية مش الواحد تكون معاه عربية خلصانة و مش قادرة و يقولك العفشة بتاعتها ناشفة او بتزيق او الابواب بتخبط :w6w200504111340266d