مشكلة فتيس السويفت
 

السلام عليكم ورحمة الله وبركاتة
دلوقت ياجماعة انا معايا شيفرولية سبرينت 91 (اخت السويفت الهاتش باك )
العربية 1300 اوتوماتيك
العربية فتيسها 3 غيار بس
ودة بصراحة هيشلنى
لان العربية بتنقل التالت على ال 60
وعلى ما توصل لل 90 بيكون صوتها عالى جدا
وطبعا اقصى حاجة جبتها بيها كان 120
فهل فى حد جرب غيرلها الماتور بواحد اربعة غيار ؟؟
او حد عند عندة اى حل للمشكلة دى
اتمنى ان حد يقدريفيدنى :fun_36_3_11[1]:

رد: مشكلة فتيس السويفت
 

رد: مشكلة فتيس السويفت
 

ربنا يهديك للحل إنشاء الله (أنا بس ما أعرفشي عربيتك خالص ولا عمرى شفتها فا علشان كدة مش عايز افتي)
بس عموما إبدأ بالبحث عن فتيس فقط يركب على نفس الماتور بدون تعديلات سواء في وش الفتيس أو في الفيش بتاعته ولو حتى رسيت على تعديل في وش الفتيس مافيش مشكلة بس روح لخراط كويس علشان مايبقاش فيه مشاكل لاحقة وإبعد عن تعديل في الفيش بتاعت العتيس لأنه غير مأمون العواقب.
ملحوظة: الي فهمته من كلامك إني عربيتك أتوماتيك.
على فكرة إنتا ممكن تراسل الشركة الأم وتشوف هما هينصحوك بفتيس إيه يركب عليها وشوف تكلفته جديد بالشحن هتبقى غالية ولا إيه ولو غالية دور عليه إستيراد.
إنما الخطوة الأخيييرة خالص إنك تدور على ماتور بفتيس على بعضيه تخفيضا للنفقات بس.

رد: مشكلة فتيس السويفت
 

باشا انامعايا اخت عربيتك وتقريبا والله اعلم كانت اوتوماتيك وصاحبها حولها مانيوال لان دواسة الدبرياج عندى واضح انها معمولة عمولة

فتقريبا الموضوع دة شائع فى السويفت الاوتو
فأنت لو هتغير هتجيب فتيس استيراد 6 غيار بتاع السويفت المانيوال وتركبة بأذن الله بدون مشاكل وهيفوقلك العربية ويظبط معاك الاداء على المكنة ال 1300 اللى عندك

اة على فكرة انا عندى المكنة ال 1000 سىسى 3 سلندر وماشاء الله سحبها جميل جدا وبتجمع معايا سرعة لغاية 140 على3.5 ار بى ام على الخامس

فأعتقد المكنة اللى عندك هتبقى ممتاازة بس على المانيول
وبالتوفيق ان شاء الله

رد: مشكلة فتيس السويفت
 

3 غيار :w6w200504112236376d
خليك فى المانيوال يا عمنا

رد: مشكلة فتيس السويفت
 

انا متشكر جدا على ردودكم جميعا ROSE4U
وللاسف انا مش بقدر اسوق المانيول لان عندى مشكلة فى رجلى
انا بس كان نفسى الاقى حد كان عندة نفس المشكلة وسقطلها ماتور تانى اوتوماتيك
لانة كان هيسهل عليا انى ادور او حد يفتى ويبوظ الدنيا
ان شاء الله هبقا ادور بقا ويمكن الاقى

رد: مشكلة فتيس السويفت
 

معلش انا اسف انا فهمت السؤال غلط
حضرتك عايز موتور بفتيس اوتوماتيك برضو
المشكلة هنا ان مافيش سويفت اوتوماتيك الا زى اللى مع حضرتك
وهتبقى متقيد برضو بقانون المرور اللى بيمنعك انك تسقط اى مكنة من نوع تانى غير نوع العربية
يبقى مافيش حل غير موتور الفيتارا ال 1600
وبصراحة ماعرفش يركب عندك ولا لأ
اما اشوف الميكانيكى بتاعى هبقى اسئلهولك ان شاء الله
والف سلامة على رجل حضرتك