|
اشترى اسبرانزا 516 ولا 113 ولا كيا بيكانتوا ؟؟
ياجماعة انا عاوز اشترى عربية زيرو ومحتااااار جدا بين الاسبرانزا 516 والاسبرانوا 113 و الكيا بيانتوا
بقوول الـ 516 كبيرة وصالونها واسع ومحترم وشكلها الخارجى فخم وسعرها مقارب ويمكن اقل بـ 3000 جنيه عن الكيا بيكانتو بس برجع واقول انها صينى والكيا بيكانتوا كورى واكيد فى فرق فى الصناعة والبيكانوا شييك بردو مش وحشة وبعدين ارجع تانى اقول يواد بص على قطع الغيار الارخص وبعدين اقوول لنفسى ما تريح نفسك واشترى الاسبرنزا 113 وريح نفسك واهو توفر بتاع 20 ولا 17 الف جنيه وبعدين بتاخد 5 اشخاص يعنى كويسة وشيك بصراحة ياجماعة ولوجه الله حد خبرة يريحنى ويقولى احسن عربية فى التلاتة ايه من ناحية استهلاك الوقود و اسعار قطع الغيار والاعطال وانهى الاسهل فى التعامل واللى مش هتقرفنى وتستنزف فلوسى بعد كدا وجزاكم الله خيراً |
رد: اشترى اسبرانزا 516 ولا 113 ولا كيا بيكانتوا ؟؟
الاول حدد انت عايز ايه ؟؟
عايز عربيه عائليه صالون وسط ولا عايز عربيه شبابى وصغيره ال 113 والبيكانتو فئه وال 516 فئه مفيش مقارنه بينهم |
رد: اشترى اسبرانزا 516 ولا 113 ولا كيا بيكانتوا ؟؟
لو عايز عربية واسعة و هتحافظ عليها هات ال 516
لكن لو محتاج سيارة صغيرة تبقى بيكانتو علشان فى تحافظات على ال 113 من ناحية العفشة ناشفة و الباور احيانا تقيل |
رد: اشترى اسبرانزا 516 ولا 113 ولا كيا بيكانتوا ؟؟
516 حاجه
113 وبيكانتو حاجه تانيه خالص شوفانت عايز ايه من العربيه لكن عايز عربيه ركوبه وشكل وقطع غيار واتساع وثبات يبقي 516 البكانتو دي عربيه حريمي داخل المدينه مش اكتر |
رد: اشترى اسبرانزا 516 ولا 113 ولا كيا بيكانتوا ؟؟
اقتباس:
|
رد: اشترى اسبرانزا 516 ولا 113 ولا كيا بيكانتوا ؟؟
شكرا لكل اللى رد انا عارف ان 516 فئة والبيكانتو و113 فئة تانية انا اقصد ان العربيات دى هى اللى انا عاوز اختار من بينهم بالعربى اللى أقدر على ثمنهم انا عاوز اعرف بس انهى واحدة فيهم اقل استهلاكا للوقود وانهى واحدة بالعربى ميتقلش عليها بلاعة فلوووس وبعدين انا عجبانى 516 جدا بس سمعت ان صوت الموتور بتاعها عالى وانا خصيمى العربية اللى صوت موتورها عالى وواحد بردو قاللى انه مغير زجاج الخلفى لما اتكسر ب 1500 جنيه بس فى التوكيل يعنى قطع غيار نار و قاللى ان الاسبرانزا عامة والـ 516 خاصة أخرها معاك سنة لو انت محافظ عليها كمان خوفنى منها يعنى وبعدين الصراحة هى تنفعنى لان شكلها فخم وجميل طيب لو فكرت اشترى ال 516 اشترى ال 516Ls والا لأ وهل موديل 2012 تلافو فيه العيوب اللى كانت بتظهر في الموديلات اللى قبل كدا ولا لأ وانا متشكر جدا
|
رد: اشترى اسبرانزا 516 ولا 113 ولا كيا بيكانتوا ؟؟
اللي كلمك ده معلش مايفهمش حاجه في العربيات
سنه ايه اللي اخرها في الاسبرانزا وزجاج ايه اللي 1500 جنيه ال 516 قطع غيارها ببلاش بببلاش انا وصلت ل 100000 كيلو استهلاك والعربيه زي الفل |
| الساعة الآن 02:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017