"بوابة الأهرام" تنشر أسعار وكيفية توزيع السولار والبوتاجاز والبنزين بـ"الكارت الذكى"
 

أكد المهندس محمد شعيب، رئيس الشركة القابضة للغازات الطبيعية، الانتهاء من وضع برنامج شامل لعلاج الخلل فى منظومة دعم المنتجات البترولية، دون المساس بمحدودى الدخل، وهذا البرنامج فى حالة تنفيذه سيوفر 70 مليار جنيه سنويًا، وفقا لدراسات دقيقة أوضحت وجود 4 ملايين مركبة تستخدم البنزين ومليون مركبة تستخدم السولار.
وفقا للبرنامج، فإن كل مالك سيارة سيحصل على كارت ذكي، يتيح له الحصول على ألف لتر سنويا بسعر جنيه واحد لكل لتر، وما زاد على ذلك تتم المحاسبة عليه بقيمة 3 جنيهات للتر، حيث أن دعم البنزين يكلف الحكومة 20 مليار جنيه سنويا، وتطبيق هذا البند يكلف 8 مليارات جنيه سنويا، فإن الوفر فى دعم البنزين يقدر بحوالى 12 مليار جنيه كل عام.
وأضاف أنه بالنسبة للسولار، الذى يبلغ دعمه السنوى 55 مليار جنيه، فإن كل سيارة ستحصل على 3200 لتر سنويا، بالسعر المدعوم، وتحصل على أى كميات إضافية بالسعر الحر، وهو 4 جنيهات لكل لتر، وهذا البند سيكلف الحكومة 10 مليارات جنيه سنويا، وبالتالى فإنه يحقق وفرا فى قيمة الدعم يبلغ 45 مليار جنيه سنويا.

رد: "بوابة الأهرام" تنشر أسعار وكيفية توزيع السولار والبوتاجاز والبنزين بـ"الكارت الذكى"
 

الحمدلله انا مبسوط جدا جدا جدا لو ده حصل
وانا عارف ان الحكومة بتدعم الوقود بمبالغ مهولة ومحدش حاسس كله ماشى يحرق ويدلق ويعاكس ومحدش هامه حاجة
انا بجد مبسوط جدا من الموضوع ده

رد: "بوابة الأهرام" تنشر أسعار وكيفية توزيع السولار والبوتاجاز والبنزين بـ"الكارت الذكى"
 

على فكرة الموضوع ده اتقال من اكتر من شهرين واستحالة تطبيقه لان غلو اسعار البنزين والسولار سيترتب عليها مصايب جمه منها ارتفاع سعر رغيف العيش كابسط مثال تقولى ومال رغيف العيش بالسولار يا عم الاهبل انتا اقولك امال المخابز بتشتغل بايه بالمياه الساقعة مثلا وارتفاع اسعار المواصلات لعشر اضعاف وارتفاع اسعار الماكولات لارتفاع اسعار النقل وووووووووMAD

رد: "بوابة الأهرام" تنشر أسعار وكيفية توزيع السولار والبوتاجاز والبنزين بـ"الكارت الذكى"
 

ماهوا كده الحكومة هتظبط الدعم وتوجه بقيته للمواصلات والعيش
بدل ما الشباب يشتروا البنزين بجنيه ويلفوا طول النهار يعاكسوا فى البنات هيبقى كل واحد عارف اللى ليه واللى عليه ومحدش هيرمى البنزين فى الصحراء
واحنا مشلاقيين البوتجاز
مجلس الشعب علق الجلسات وقاطعها عشان الجنزورى يستقيل
بعد ماكان فعلا بدأ يظبط البلد ، وياريت لو حد وجهة نظره مخالفة
وأكيد فى ناس كتير بتختلف ، يفهمنا لو انا غلطان

رد: "بوابة الأهرام" تنشر أسعار وكيفية توزيع السولار والبوتاجاز والبنزين بـ"الكارت الذكى"
 

يا كبير مع احترامى لكلام حضرتك انا موش شايف حاجة اتظبطت بس شايف ان الازمات اصبحت بتزيد يوم بعد يوم والمحسوبيات بدل ما كانت لاتباع الحزب الوطنى اصبحت لاتباع الحزب الوطنى الجديد هههههه

رد: "بوابة الأهرام" تنشر أسعار وكيفية توزيع السولار والبوتاجاز والبنزين بـ"الكارت الذكى"
 

========================= =
امثله لتظبيط البلد فى عهد المجلس العسكرى فترة حكومة الجنزورى كامله الصلاحيات كما قيل
- احداث مجلس الوزار
- جريق المجمع العلمى
- تهريب المتهمين الاجانب فى قضية التمويل
- احداث بورسعيد
- حريق السويس
- ازمه انابيب البوتاجاز
- ازمة البنزين
- ازمة رغيف العيش
- تفشى مرض الحمى القلاعه وعجز الحكومة عن مواجهته
- ارتفاع اسعار اللحوم والدواجن
. الخ الخ الخ .

كل حاجة بقت الجنزورى يمشي ، ده كلام برضه؟؟!!!
 

انا من وجهة نظرى ما نربطش ده بالجنزورى ، كفاية ان الحراميه بيتلموا
ده غير الظباط اللى بيتقتلوا فى الحملات والكماين ( ده برضوا تمثيل )
بس اللى انا متأكد منه ان دى حرب على البلد من طرف خارجى كلنا عارفينه
ولازم الناس كلها تفهم اننا فى حالة حرب والحكومة محتاجة لكل الموارد
مش نبعزق الفلوس فى كل كبيرة وصغيرة
مين فينا عارف دلوقتى جاره حالته عامله اه وبياكل اه وبيصرف إزاى
حد فكر انه يكلم جيرانه وصحابه وقرايبه ويطمن عليهم
الغلاء بقى فى كل حته والوضع من بعد الثورة بقى فى النازل ولما بتدينا نشم نفسنا
تحصل مشاكل تانى ونرجع من أول السطر