مصر موتورز مجتمع السيارات

صدقني مع احترامي لكل اللي ابدى رأيه بس الكورولا اللي بيقولوا عليها وحش ياباني انا معرفش اطلقوا عليها كدة منين لا واللي يقول ان ال1300 مش هتحس ان الموتور ضعيف .. أنا جربت تويوتا كورولا 1300 موديل 2007 اوتوماتيك .. كانت بتاعة واحد صاحبي جرب شغل التكييف واجري وشوف السحب زي الزفت .. تاني حاجة جرب تدخل في لفة جامدة حبتين بسرعة قريبة من ال100 .. صاحبي جربها بعد 3 شهور من شراها يشوف الاستابيليتي بتاعتها اتكلفت معاه اكتر من 30 الف جنيه منهم 6 بس يرجعوا ال air bags هما كصيانة ناس محترمة تويوتا ايجيبت بس كاسعار نار يا حبيبي نار .. بعدين ده في واحد من اللي قالك كورولا طبعا حاطط صورة سيفيك من جوة .. في حاجة اسمها محلات تاجير سيارات اجر وجرب واحكم بنفسك ومتمشيش ورا كلام حد .. وبص الجولف 5 نفس فخامة الجيتا بس بياعة اكتر وماسكة تمنها ومميزة فوق كل ده .. ووكيلها محترم جدا .. كمان الفطيم بتاع هوندا توكيل ممتاز وياباني وتقدر تجيب قطع الغيار من اي حد برا لو مش عايز تجيب من التوكيل .. واخر حاجة قولتهالك سكودا دي حاجتها موجودة في اي حتة ومراكز خدمتها على اعلى مستوى .. سواء تابعة للتوكيل او برا .. ولو ركبتها مقابل جيتا 2008 هترتاح فيها اكتر لان نظام التعليق بتاعها اعلى من جيتا مع ان ال2 في الاول وفي الاخر تابعين لمجموعة فولكس .. نصيحة لله اركب الافضل واستمتع بيه لفترة بدل ما تحط في دماغك انك هتجيبها وتبيعها وتفضل طول فترة استعمالك بتستعمل حاجة مواصفاتها اقل بكتير من اللي تستحقه بالمبلغ اللي موفره للعربية .. أنا عربيتي امريكاني يعني مش هستفيد حاجة ولا هبيعلك عربية عايز ابيعها انا بنصحك لوجه الله وده رأيي ولو عايز تتاكد اجر وجرب بنفسك