التكلفة كدا كويسة والا لأ ؟؟؟؟
 

لو سمحت كنت عاوز اعرف حاجة : انا عندى مشكلتين

الاولى : انا ببص بالصدفة على البوجيهات رقم 2 و 3 ولقيت البوجيه بيلمع كدا فافتكرت عليه زيت بس بمسحه بايدى مش بيطلع حاجة غير خفيف جدا لكن ملمسه مش زيت خالص هو تقدروا تقوله كدا معرق
المهم رحت لميكانيكى اول مافكيته شافه حتى من غير ما يمسكه وراح قايللى شنبر وخلافه كدا وطبعا انتوا فاهمين

المهم سيبته وروحت لواحد ثانى اول ما شافه ومسكة راح قاللى ان دا بنزين عليه والكربراتير عندك فيه مشكلة وبياكل بنزين وسمعته صوت المكنة قاللى المكنة حلوة ومفيهاش اى حاجة
وعلى فكرة فعلا انا معنديش اى مشكلة من مشاكل الشنبر خالص يعنى لا دخنة بيضا ولا سحب ضعيف ولا اى حاجة من الحاجات دى خالص والمكنة معايا بسم الله ما شاء الله كويس جدا .... المهم هو قاللى انت عندك مشكلة فى الكربراتير هو اللى عامل كدا وفعلا انا الفترة دى لقيت العربية بتدور بصعوبة جدا حتى وهى سخنة مش عارف ليه يعنى ممكن اكون ماشى بيها ووقفت صدفة وطفيتها واجى اشغالها تانى تطول عقبال ماتدور مش عارف ليه

الثانية : دلوقتى انا عندى الموتور بيرشخ زيت من تحت بس مش بينقص بصراحة ...... فوريته للميكانيكى فقاللى ان دا جوان كارتيرة و اويل سيل خلفى ودا هيحتاج يفك المكنة ويطلعها علشان يعمل الاويل سيل والكارتية طبعا بالمرة وقاللى المصنعية بس هاتبقى 100 جنيه

فكنت عاوز اعرف التكلفة كدا كويسة والا لأ ؟؟ وكما ايه رأيكم فى المشكلة الاولى ؟؟؟

على فكرة التعريق على سن البوجيه الخارجى اللى بيبقى مثنى وليس السن الصغير الداخلى

رد: التكلفة كدا كويسة والا لأ ؟؟؟؟
 

رد: التكلفة كدا كويسة والا لأ ؟؟؟؟
 

رد: التكلفة كدا كويسة والا لأ ؟؟؟؟
 

والله ياجماعة انا رحت لواحد معرفة وبصراحة كشف كويس على الزيت اللى بيترشح وكمان بص على البوجيهات اللى جايبة زيت
وقاللى فعلا ان جوان الكارتيرة عاوز يتغير وعلى فكرة انا قرطت قبل كدا على الكارتيرة ولكن مش نافعة اما بالنسبة للاويل سيل فهو اكدلى كمان ان الاويل سيل عاوز يتغير الخلفى وكمان الامامى

اما بالنسبة للتعريق اللى على البوجيه فهو قاللى انى مقدرش احكم على العربية دلوقتى لان التعريق خفيف على بوجيهين فقط وقاللى انت روح الاول اظبط التاكيهات لان ممكن تكون التاكيهات محملة وبالتالى ممكن تكون هى اللى عاملة المشكلة دى وبعد كدا نشوف

ايه رأيكم فى الكلام دا ؟؟؟؟؟؟

رد: التكلفة كدا كويسة والا لأ ؟؟؟؟
 

رد: التكلفة كدا كويسة والا لأ ؟؟؟؟
 

هو لو العربية كانت مركونة فترة كده كده بيبقى كاوتش الصباب بالسلامة وهو سبب تعريق الزيت بس مش مشكلة
انت هتتابع إستهلاك الزيت للعربية وانت اللى تحكم انك تفكها ولا لأ وعلى حسب ظروفك
إنما الحل اللى ممكن يبقى مسكن للموضوع ده انك تجيب زيت شنبر مع غيار الزيت الجديد
والبوجيهات اللى بتعرق دى تغيرها ببوجيهات سن قصير ومش هتلاحظ أى فرق فى الأداء وده عن تجربة وإن شاء الله هتدعيلى
انا كان بيحصل معايا نفس اللى بيحصل عندك
وفعلا جوان كرتيرة الزيت لازم هيعرق تانى
انا ركبت جوان فلين أصلى بإيدى و انا اللى ربطته ومحكوم الحمدلله زى الفل
بس مع الأسف هما سفريتين و رجع تانى مرشح شوية
هيا مواتير الفيات كده
بس بينى وبينك الحمدلله على كل حال وخصوصا لما تسمع الجماعة إخواننا بتوع العربيات الكورى واليابانى لما بيشتكوا من عربياتهم ، اللى يشوف بلاوى الناس يقول الحمدلله

رد: التكلفة كدا كويسة والا لأ ؟؟؟؟
 

والله يافندم الف شكر على ردك فى الموضوع بس انا مكنش عندى ترشيح خالص لحد ما مرة سرحت وطلعت على الرصيف وبالتالى الكارتيرة بقت بترشح من ساعتها
اما بالنسبة للبوجيهات فكل اىللى يشوفها يقوللى طقم شنبر ومحدش يقوللى كاوتش صباب خالص مش عارف ليه
ثانيا بالنسبة لتغيير البوجيه بسن قصير هو عموما مش بيقطع معايا اصلا السن الطويل لكن كل الحكاية انى مش عاوز العربية فيها عيب فانا كنت عاوز اصلح العيب دا ومش عارف ايه هو العيب