|
مصر التى .....جلست والخوف بعينيها ....تتأمل فنجانى المقلوب
جلست والخوف بعينيها .........تتأمل فنجانى المقلوب قالت ياولدى لاتحزن ...........فالغلب عليك هو المكتوب ياولدى قلتلها ....ليه يا أمى .........قالت لأنك لم تتعلم ياولدى عملت ثوره ....وأزاحت غمه ......ولسه خايب ياولدى إستعجلت ....وإنضخك عليك ......كالمعتاد ياولدى قلت نعم للتعديلات ......وإنضحك عليك ياولدى عملت مجلس .....مهوش كويس وملوش لازمه ....ياولدى ودلوقت تايه ......فى إنتخابات رئاسه ياولدى هتفهم أمتى .....وتعرف أمتى ....ياولدى إن شعرى شاب .....مع أنى شباب ياولدى خليتى أحس .....إن خلفتى هباب ياولدى ياريتنى ماكنت خلفت .....عيال هباب ياولدى أنا كنت فاكره .....إنك واعى ...ولنصايحى فاهم ...ياولدى فياما نصحتك ....وقولتك ...إخواتك يكونوا جنبك ياولدى ليه ياخايب ....عاوز تاخد حقوق غيرك ياولدى هو دينك قالك كده ....كل حقوق غيرك ياولدى خللى بالك ....أنت أول واحد ....هتغنى ظلموه ياولدى لأن ربك ....مبيسيبش ظالم .......ياولدى ففكر كويس ....وإلحق أخواتك ....ومتسيبهموش تانى ياولدى فبدون أخواتك ......الخير هيفوتك .....ياولدى أسمع كلام أمك ......دا الأم واضحه ....ياولدى ومتسمعش كلام شيطانك .....هتلاقى نفسك ضايع ياولدى أنا نصحتك ياما .....فتوب لربك ....وأرجع لعقلك ياولدى بدل ماتشمت فينا غيرنا ....ونبقى عدم ياولدى أرجع لربك ..........وفكر كويس ...وبلاش تهيس ...ياولدى دا الجيب مفلس ......والخير قليل .....ياولدى أنت مبتشوفش غيرك ....من الدول عامله إزاى .....ياولدى دا إللى مبيشوفش ...من الغربال ....بيبقى أعمى ياولدى لحد أمتى ....هتفضل ضايع ....وسايبنى أنا وأخواتك نشحت من غيرنا ياولدى أمال عامل مفتح .....وواد مدردح .....على إيه ياولدى يارب يهديك ...وترجع لإخواتك وتفهم صح ياولدى ماليش غيره ....بأتوسل إليه ....يهديك لرشدك ياولدى |
رد: مصر التى .....جلست والخوف بعينيها ....تتأمل فنجانى المقلوب
:140109~347::140109~347:: 286::140109~347::140109~3 47:
|
رد: مصر التى .....جلست والخوف بعينيها ....تتأمل فنجانى المقلوب
رائعة يا باش مهندس سمير. انا بجد عرفتك بشكل احسن من خلال مشاركاتك اليوم
|
رد: مصر التى .....جلست والخوف بعينيها ....تتأمل فنجانى المقلوب
الله يخليك يا دكتور أو يا أستاذ/ سام
اقتباس:
ومتشكر على مرورك الكريم وصباح الفل عليك |
رد: مصر التى .....جلست والخوف بعينيها ....تتأمل فنجانى المقلوب
الله .. ربنا يغير الاحوال ويعود الولد لقارئة الفنجان فتقول طريقك يامصرى منور بنور الله ودعاء والدين وضحكة طفل رضيع ومساعدة ضرير لعبور طريق ..وسؤال لسيدة عجوز بتدور على عنوان اساعدك ازاى ياامى ...وقيام ركعتين فى جوف الليل يرفع الغمة ويوحد الامة اسعدنى مرورى م/همت |
رد: مصر التى .....جلست والخوف بعينيها ....تتأمل فنجانى المقلوب
ربنا يسمع منك يابشمهندسه وتنزاح تلك الغمه وتعود ست الكل للوضع الذى تستحقه بين الدول |
رد: مصر التى .....جلست والخوف بعينيها ....تتأمل فنجانى المقلوب
بصرت وأحترت كثيرا ...........لكنى لم أعرف أبدأ فنجانا يشبه فنجانك أنا كنت فاكراك ياولدى ..................مفيش زيك ...............فى زمانك كنت بأشوف فهلوتك وحداقتك .............بين أصحابك .....وأخوانك أأقول لنفسى ....قرى ياعينى ...............هو فيه حد فى الدنيا من أمثالك وعماله أصبر نفسى ..................وأقول لنفسى متقلقيش ....وشوفى أنجالك بيفهموها إزاى وهى طايره ...............وكان عندى أمل علشانك وزاد أملى فيك ......لما لقيتك ........واقف جنب أخوانك فى ثوره .....شهد لها العالم ...........والكل سقف علشانك قولت لنفسى ....حلو .....وأهو كده ...بدأ يحلو زمانى وزمانك ويافرحه ماتمت ....عاوز ياخدها ...إللى فى بالى وفى بالك وبدأت ياخايب ....ينضحك عليك .....علشان تغدر بأخوانك وغدرت فعلا ....بأل إيه نعم للتعديلات ....وأهو جالك مجلس ركيك ....غير دقيق ....لايليق بزمانى وزمانك يقول ماهما يقول ....من أى أصول .....ليا وليك ولإخوانك يطلع عزول ....تقولشى فلول ......لسه باقيالى وباقيالك ضيعوا شويه من أولادى ..............وأخوانك فى بورسعيد ....وغيره ماتوا ......ولسه الخيبه جايالك علشان مبتشغلش عقلك ..............وعاوز لسه تتمالك رئاسه لوحدك .....وتسيب أخوانك وأخوالك هتفوق أمتى ....ولحد أمتى .........هتفضل مش واخد بالك هو أنت ناوى ......تفضل تتخايب...........لحد مايرجع مبارك يمسكنا تانى .....ونفضل نعانى ......أنا وأنت وكل جيرانك على الله تفوق ....ياحبيبى يازوق ....وتبطل حبك لنفسك وتسيب أخوانك ياهتلاقى عزول ....مابياكلش فول ........ولا أم الخلول ...وراح ضاحك على أمثالك وترجع تقول ..........ياريتنى كنت سمعت كلام أمى ....دا ياما قالتلى خد بالك |
| الساعة الآن 09:58 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017