الباور بقى تقيل جدا
 

انا معايا كيا سيفيا موديل 2000 روحت لعفشجى علشان اغير كوبلن وراح مربط على العفشه كلها وبعد ما خلص ببص لقيت الباور تقيل جدا روحت للميكانيكى وكشف على ماكينة الباور والزيت بتاع الباور قالى مفيش حاجه ولحد دلوقتى مش عارف العيب منيين علما بأن الموضوع ده بقالو حوالى عشرين يوم لو حد يعرف العيب منين ياريت يقولى .

رد: الباور بقى تقيل جدا
 

للمتابعة؟؟؟؟؟
ربنا يقومهالك بالسلامة إن شاء الله

رد: الباور بقى تقيل جدا
 

ياريت توضح ازاي الميكانيكي كشف علي دائرة البور
عامتاا
1:اخر مرة غيرت زيت البور امتا
2:هل في صوت ونة في الطرمبة وهل بيزيد لما تكسر الدريكسيون للاخر
3:سير الطرمبة غيرتو امتا وهل مشدود كويس
4:ما هوا منسوب الزيت عنك
في انتظارك

رد: الباور بقى تقيل جدا
 

لو المشكلة ظهرت مباشرة بعد تربيط العفشة فكده ممكن يكون ربط حاجة غلط او اكتر من اللازم

رد: الباور بقى تقيل جدا
 

فى ناس قالولى انة ربط جامد على علبة الدركسيون فهل الكلام ده صحيح ولا لا .

رد: الباور بقى تقيل جدا
 

أعتقد الميكانيكى قرط جامد على صامولة نهاية مشرشر رؤؤس الكبالن الجديده

علشان يقدر يركب تيلة نهاية المشرشر

فلو كانت التيله مبوشه فعلا

فكده هيكون خانق مكونات الكبلن الداخليه زى شبكة البلى على راس الكبلن من الداخلى

وبالطبع ده يشكل حمل ميكانيكى على دايرة التوجيه

---------------------

أو يكون عجن وهو بيحل بيض الدركسيون أو بيض المقصات

وأستعمل بأه المرزبه علشان يعرف يفصل هذه المكونات عن أعمدة الكبالن ورؤسها


ومع رزعه على البيض ....تقل البيض

وده برضه يعمل حمل ميكانيكى على دايرة التوجيه

رد: الباور بقى تقيل جدا