|
مساعده في سعر سيراتو 2010
السلام عليكم اخواني النمور معروض علي صديق لي سيراتو 2010 خليجي -كويتي فابريكه بره وجوه 8 اير باج بصمه تكيف تاتش فوجات الفتيس الجديد 6 غيار سينسور بارك نواكل بره وجوه اشارات مرايات وكمان لونها اسود عامله بأه 90 الف كيلو وصاحبها طالب 90 الف جنيه بردو ههههههههههه افيدوني احسن صاحبي قالي وريني بأه منتدي مصر موتورز ده هيفدني والا لا هههههه ملحوظه انا عندي في عربيتي كوتش 15 عادي طاسات وناس كتير بيشتكو من الجانت ال17 فهل دي عقبه والا لا وهل سعرها كده مناسب والا يفاصل واذا فاصل في الثمن لحد كام وشكرا ليكو يا اجدع رجاله واحلي منتدي حتي لو ماافتدونيش بردو |
رد: مساعده في سعر سيراتو 2010
14مشاهده ولا واحد حتي قال مساء الخير ايه يا رجاله هو مفيش عربيه بالمواصفات دي والا ايه:thnkr: |
رد: مساعده في سعر سيراتو 2010
مساء الخير........متزعلش يا سيدي
انت عامل الموضوع بتاعك من ساعة بس اصبر شوية و هتلاقي ردود ان شاء الله بالنسبالي انا معنديش رد مفيد ليك للاسف كان نفسي اخدمك |
رد: مساعده في سعر سيراتو 2010
حاسس ان السعر مبالغ فيه شوية :sd:
ياراااااجل دى عاملة 90 الف كيلو..يعنى موتورها جاب اخره خلاص..دى تخلص على 85 او اقل من كدة وصاحب العربية يبوس ايده وش وضهر...ميغركش بس الكماليات اللى فيها..ثم حرام اصلا يرمى المبلغ ده فى عربية زى دى وكمان مستعملة..ياعم ادخل شويف منتدى السيراتوا الكل بيشتم فى العربية دى تقوم تدفع 90 الف فيها !!!! حراام والله الفلوس تترمى كدة :w6w2005041113562663 والله انا بنصحك بس مش اكتر..شوف حاجة تكون محترمة وسيبك من سيراتو مستعملة لانها هتكون عاملة حاجة بالذات انها جيابة 90000 كم !!! وتقبل مرورى وتحياتى HPPYBUS |
رد: مساعده في سعر سيراتو 2010
اقتباس:
انا عمري ما ازعل من اخواني عارف العشم قتلني بس ههههههههه اصل انا في الشغل ومش قاعد علي الكمبيوتر بأستمرار علشان كده كنت مستعجل شويه وشكرا علي مرورك اخي الكريم:THE_PR~18: |
رد: مساعده في سعر سيراتو 2010
اقتباس:
اولا :طبعا شكرا ليك علي النصيحه فعلا العربيه كتير عليها 90 الف لانها ماشيه 90 الف كيلو بس مش عارف ليه حسيت من كلامك انك متحامل شويه علي السيراتو انا والله مش بدافع عنها احنا مش قرايب هههههههه كل الحكايه اني معايه سيراتو ومريحاني جدا بتروح مطرح ما انا عايز بضغطه بنزين هههههههه الحمد لله طبعا وبردو احمدك واشكر فضلك يا رب بدل التاكسي والمواصلات الاوربيه اللي عندنا في مصر اما بأه موضوع ان كل الناس بتشتم عليها ده مش من اختصاصي لاني بردو اهم شئ ليا انها توديني مكان ما انا عايز لانها في الاصل وسيلة مواصلات وشكرا ليك مره اخري علي النصيحه اخي الكريم :ff5a34af6efef0e643e |
رد: مساعده في سعر سيراتو 2010
سعر مقبول لو فبريكا
|
| الساعة الآن 11:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017