|
قالها أحمد عدويه .....إتعلموها بقى
ياخساره عليك يافكر ولاد بلدى .............والله تفكيرك بلدى فين تفكيرك الصح .....وفين حداقتك وفهلوتك .....وفين شغل الخربشه :shyy: أنا بدأت أنخدع فيك ........لأننى كنت فاكرك بتفهمها وهى طايره :011::011::011::011::011: :011::011::011::011::011: :011::011::011: ومتقوليش ومتعدليش .......إنك سلفى أو إخوانى فيا عمنا وسيدنا كلنا ........أنت أساسك مسلم مصرى وبلاش تقولى ......ياعم فووووق ....دا أنت باين عليك ليبرالى لا ياحبيبى .....ويا أخى وقريبى .....أنا مسلم زيى زيك وعارف ربى من كل قلبى .........يمكن يكون أكتر منك ففكر صح وراجع نفسك .........بدل متودينا للخلف تانى وبلاش تقولى .....ياراجل روح ....دا أنت فهمك للدين تعبان وربك قال .....( وماخلقت الجن والإنس إلا ليعبدون ) هقولك ....ياخساره ......على فهمك الخاطىء لمبادىء دينك فخللى فكرك متطور عن كده .....وشوف زمانك ماشى إزاى دا الناس الكفره طلعت القمر من زماااااااااااااااان وإحنا للأسف .........لسه عايشيين فى البتنجان ليه منكنش أحسن منهم أو زيهم ......هو إحنا لامؤخذه أأقل منهم هو حد إعترض على أن يكون دينك مصاحب لدنياك فخليك معايا .....وخدنى على هوايا .....ومتعارضنيش إلا أما تسمع الحدوته والحكايه ولو كنت يا أخويا ....مشيت شويه خطأ ....فعادى ....وده مش عيب لأن ربك قال......كل إبن آدم خطاء لكن العيب هو التمادى فى الخطأ .......وخير الخطائين التوابون فأنا يا أخى الفاضل ........ليك ناصح أمين فخدها نصيحه من العبد الغلبان .....أبو قلب حزين :w6w200504112220146b إستنانى .....ومتمشيش .....هحكيلك الحدوته وقوللى فى الآخر هى حدوته حلوه .....ولا ملتوته ---------------------- يتبع <<<<<<<<<<<<< |
رد: قالها أحمد عدويه .....إتعلموها بقى
:fun_36_3_11[1]::dzy::fun_36_3_11[1]:
|
رد: قالها أحمد عدويه .....إتعلموها بقى
نبدأ الحدوته ....مع وجود شوية موسيقى هاديه علشان تتعايش معايا فى قصة الحدوته :playing_music: - كان ياما كان .....فى سالف العصر والأوان كان فيه ملك ظالم لنفسه ولشعبه - قعد الملك ده يغنى على شعبه ....ويألف فى قصص وحكايات - الصراحه كان واد معلم أوى ....وعرف يلعبها صح وضحك على شعبه كله ......كبيره قبل صغيره - مره برفع الأسعار .....لإلهاء الناس فى السعى وراء لقمة العيش - ومره يرفعله أسعار العلاج .....وخدمات تعبانه - ومره يشغله بالكوره والمسلسلات وفوازير رمضان ( كان فزوره فعلا .....بدليل أنه عرف يخدر شعبه ثلاثون عاما ) الشعب طهق وطفح بيه الكيل .....بس مش عارف يعمل إيه هيوكل عياله منين ....ويعالجهم منين ....ويديهم دروس خصوصيه منين ويجوز شبابه منين .....ويستر بناته منين الناس طهقت ....لحد ماجالها الهوسهوس لدرجة أنها كانت بتقوله إخترناك .....إخترناك ....وعلشان كده إحنا بايعناك ( حاجه بتنجان ..........خاااااااااااااا ااالص ) - وإللى زود الطين بله إن الملك ده كان موجود معاه قوى ظالمه ومخابرات ظالمه يشوفولك واحد بيقول ( قال الله وقال الرسول ) يروحوا مودينه وراء الشمس على طول وعينك ماتشوف إلا النور واحد بيقول كلمة حق .....يروحوا حابسينه وقايلينله لأ آه ..........ياولاد التيييييييييييييييييت هو الحق وحش أوى كده !!!!!!!!!!!!!!!!!! - إستمر الظلم والمعاناه لفتره كبيييييييييييييييييره جدا ( حوالى ثلاثون عاااااااااااااما ) هاجر إللى هاجر ....وسكت إللى سكت وفوض أمره لله ( خللى بالكم من جزئيئة تفويض الأمر لله دى ....لأنها مفتاح السر ) - الملك ده برضه كان ليه وزراء كتيييييييييييييييييير وأصحاب وحاشيه كتيييييييييييييييير ده ياخد منصب كبيييييييير ...........وهو لايفقه شىء عن البطيخ وده ياخدله ولايه كبيره ( حتة أرض محترمه ) ببلاش ميغه بأه ............ومولد وصاحبه غايب وده يبيع فى أملاك الشعب وده يكوش على قلبه .....ويكرش ويرحرح ويبرطع فى خلق الله ----------- يتبع <<<<<<<<<<< |
رد: قالها أحمد عدويه .....إتعلموها بقى
اقتباس:
إستنانى شويه بس يادكتور / نوح على ما أخلص الحدوته |
رد: قالها أحمد عدويه .....إتعلموها بقى
إستمر الظلم وفاحت ريحة الخيانه وربك مراقب لكل شىء ولا تخفى عليه خافيه فى الأرض ولا فى السماء وصبر عليه كتير أوى لأنه هو الصبور والذى يقبل التوبه عن عباده --------------- لكن مفيش فايده وزى مايقولوا كده فى الأمثال إللى فيه خصله مابيبطلهاش ....ويموت الزمار وصوابعه بتلعب ------------------ وربك منتظر ......وأمهله كتييييييييييييير أوى - ربك لقى برضه الملك ده عاوز ينهى على الأخضر واليابس لهذا الشعب الغلبان فلقالك الملك ده هو وزوجته المصون ....بيخططوا كمان علشان يسيبوا ولاية العرش لأبنهم الصغير بعد مايموت الملك هى العالم دى مبتفهمش .....؟ دا حتى فيل مثل بيقول ( إللى أبوه الطين وأمه اللياسه .....منين تجيه الكواسه ) والشعب خلاص .....فاضله شويه ويرمى نفسه فى البحر يانهار .....مش عارف إيه !!!!!!!!!!!!!!!!!! ربك قال لأ بأه مبدهاش ....ولازم أقضى على هذا الظالم مش هسيبه يعمل أكتر من كده فى عبادى وأنا صبرت عليه كتيييييييييييير أوى -------------------- وهب .....وبدأ التخطيط الإلهى حصل إزاى التخطيط الإلهى ده ................؟ الملك ده كان له رئيس وزراء وقال إيه أخصائى فى تكنولوجيا المعلومات راح للملك فى يوم وقاله بأقولك إيه يامولانا إحنا عاوزين نشغل شعبنا كمان وكمان فى شغل الإتصالات عن بعد زى بلاد بره فلما نعمل للشعب قريه زكيه هينشغل الشعب فى المنتديات والمواقع الإباحيه وغيره من الأمور التى تستنفذ الفكر والوقت طبعا الملك ....علشان الفكره جاتله على الطبطاب قاله خلص ....هو إحنا عاوزين إيه غير كده خليهم يتنيلوا ويتلهوا عننا هما فى النت بتاعهم والفيس بوك وإحنا ( أنا وأنت والأربعون حرامى ) نقسم بأه ....ونظبط أمورنا مع بعضنا ---------------- رئيس الوزراء ده عمل فعلا القريه الزكيه وبإيديهم بدأوا فى حفر قبورهم ________________ <<<<<<<<<<< يتبع |
رد: قالها أحمد عدويه .....إتعلموها بقى
بعد ماإتعملت القريه الذكيه وهى فى واقع الأمر كانت القريه الغبيه وكانت بمثابة القشه التى قصمت ظهر البعير -------------------------- أولاد الشعب بدأوا بأه فى الدخول على المواقع والتحاور عن بعد وخلاص إنتهت صعوبة التواصل بين الناس ------------------------- برضه الناس عايشه وحالتها بؤس موظف غلبان .....مرتبه مش محصل تمن جزمة وزير عامل غلبان .......دخله بطول السنه مش محصل تمن شبشب وزير فلاح غلبان ...........هو عياله حالتهم بؤس وغيره من طوائف الشعب كل واحد من دول ....إبنه بيقوله يأ أبا ....عاوزين نجيب كمبيوتر زى إللى عند الناس حتى لو كان بالقسط وفعلا بدأ أن يكون موجود فى كل بيت كمبيوتر وببلاش تقريبا والبركه فى الصين عيال الأسر دى( فى الواقع دول موش عيال ولكنهم رجاله بمعنى الكلمه ) بدأت تخش على النت وتسهر بأه وتكون مجموعات على المواقع ومن أشهرها موقع التواصل الإجتماعى ( المسمى بالفيس بوك ) الواد من دول شايف أحوال أهله وشايف أبوه شايل الهم إزاى وعمال بيفكر هناكل إيه بكره ....وهجيب للواد الفلانى جزمه منين دا الواد / محمد ....عاوز فلوس الدرس بكره وأم / محمد ....عاوزه فلوس تروح السوق تشترى طلبات للبيت دا خلاص رمضان داخل ....وعاوز مصاريف كتير يانهار أبيض ....هو رمضان خلص دا إحنا عاوزين مصاريف للعيد --------------------- زاد الهم وبدأت الخناقات فى البيوت على المصاريف وهنا بدأ التوجيه الإلهى للأولاد وبدأو يسألوا أنفسهم هى دى بلد ياولاد !!!!!!!!! إحنا لازم نغير الوضع المهبب ده وهب ............جاءت لحظة الصفر وكان يوم 25 يناير عام 2011 هو يوم العزه والكرامه وكسر العنطزه والطغيان وإستطاع الولاد بتنسيقهم وتخطيطهم من خلع الملك وإرغامه على ترك عرشه ---------------------------- <<<<<<<<< يتبع |
رد: قالها أحمد عدويه .....إتعلموها بقى
الخلع ليس صعبا ولكن الأصعب هو البناء مكان الخلع وأى شىء بيتخلع بيكون ليه زيول إللى بيقولوا عليها ( فلول ) -------------------- وبأت هيصه بأه بعد خلع المخلوع وبدأت أغنية ( خلص تارك ) للمطرب / مش عارف إيه كل واحد من أفراد الشعب كبيره وصغيره علشان مفيش ثقافه مبنيه صح عاوز يوجه الأمور فى إتجاهه وبالطبع فده غلط ------------------- ما إحنا كنا مع بعض ....وقت الخلع أمال عاوزينا ليه نفترق وقت البناء بالذمه مش ده وضع غريب وشاذ ------------------- يا إخوانا ....دا أحمد عدويه قالها إتعلموها بقى -------------------- مش ممكن تعرفوا تعملوا شىء بدون إتحادكم زى ماكنتم متحدين وقت الخلع ----------------------- فكروا صح ....علشان مانرجعش أسوأ مما كنا قبل الخلع --------------------- أنتم ليه ناسيين الزيول الموجوده بعد الخلع ------------------- الزيول بتاعة المخلوع لماشافت الفرقه شغاله بين طوائف الشعب بدأت تتشعب وتنتفش وتنتعش فى محاوله منها لضم ماخلع منها ( بغض النظر عن المخلوع نفسه ) -------------------- نقدر نشبه إللى حصل بعد الخلع بالضبط مثل ماحدث فى غزوة أحد لما تعجل الرماه بالنزول من خلف الجبل للم الغنائم --------------------------------- فلو لم نتعلم صح من مبادىء ديننا الحنيف ونتأسى به لحدث لنا مثل ماحدث فى غزوة أحد وأنقضت علينا الزيول الغير مخلوعه للآن وتحول النصر إلى هزيمه ----------------------- وعلشان كده أنا إخترت عنوانا لهذا الموضوع لما كنت راكب مع سواق ولقيت أحمد عدويه بيقول إتعلموها بقى !!!!!!!!!!!!!!!! -------------------- وتوته توته ...........لسه مخلصتش الحدوته ويارب تخلص على خير وسعاده لكل أبناء وطنى |
| الساعة الآن 01:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017