|
راحة البال
ضاعت مني
مش عارف ليه كنت بأحس أني جبل طلقة رصاص طلقة مدفع صاروخ سريع القدرة على أتخاذ القرارات مجرد أحساسي بقدرتي على أصدار القرار لراحتي النفسية له و بعدين تيجي النتائج ذي ما أنا توقعت سعات لما الفترة بتطول بأقدر أقدم اسباب لقراراتي الي كنت بأقدر أتخذها بس دلوقتي حاسس أني فقدت قدرتي على اصدار القرارات رغبتي في تهذيب اسلوب مراتي خفت بقيت بافوتلها مش ذي الاول مش عارف انا كبرت و لا انا تهت ف السكه كنت ف الاول احسن من كده بمراحل للأسف انا من نوع بيلاقي راحته في قعده البيت مع زوجته و العيال لكن دلوقتي القعدة دي خنقتني انا كنت السبب الأول لأنجاب 4 اطفال انا بأحب العيال اصلآ ساعدت زوجتي قدر المستطاع بس مش ذي ناس كتير بيساعدوا في مذاكرة العيال لسبب بسيط اني شغلي مواعيده مش مظبوطه يوم باجي بدري و يوم ياتأخر انا اتفقت معاها من اول يوم شغلي داخل البيت مش فرض عليا و شغلها خارج البيت مش فرض عليها و الحمد لله هيه من زمان ست بيت ساعدتها بكل اجهزة المنزل تقريبآ بوتاجاز كبير و غسالة ملابس حديثة و غساله اطباق و مكنسة كبيرة و ثلاجة كبيرة و كلهم ماركات عالميه احساس مني اني السبب في 4 عيال اصغرهم في الحضانه و اكبرهم في الثانوية العامة و عرضت عليها مرات تجيب حد يساعدها ف شغل البيت بس هيه رفضت دائمآ المهم لما باكون لوحدي ع النت بكون سعيد جدآ لما الديون زادت عليا نفسيتي ساءت و الشغل اتدهور و بدأت اركز من جديد الوضع بيتحسن بس حاسس اني لوحدي ف الموضوع يعني المركب عامت اه ليك غرقت تبقى فوق دماغك فكرت بجديه في الانتحار اكثر من مرة كنت على كوبري العزيز بالله و الشارع واقف قلت طيب لو كسرت الدركسيون شمال و دوست بنزين هيحصل ايه و كنت بابص من بلكونه الشقه ف الدور الثامن قلت يحصل ايه لو توازني اختل رحت لدكتورنفسي اداني دواء لاقيت نفسي فرحان مش عارف انا فرحان ليه مفيش حاجه اتغيرت في شغلي و لا دنيتي سيبته و رحت لدكتور محترم فعلآ الدكتور خليل فاضل اراجل ده خلاني احبه و احب الحياه بس للأسف تكلفة الزيارة رقم و الديون كتير بعد فترة انفصلت عنه و عن السيكو دراما و دي لوحدها موضوع جميل جدآ المهم فين راحة البال انا بافكر آخد شقة لوحدي و انفصل عن الاسرة و لو مومين كل اسبوع ممكن ده يكون مفيد انا حاسس اني ابتديت اكره زوجتي و الله |
رد: راحة البال
روعه.................:01F 6EB~150::fun_36_3_11[1]:
|
رد: راحة البال
تسلم ايدك استاذ حسين ولو انك خطفتنى أنا إفتكرتكها مشكلة بجد وكنت بفكر فى حل :fun_36_3_11[1]: |
رد: راحة البال
اقتباس:
دي كارثة بكل المقاييس سؤل الإمام علي عن اعتى جنود الرحمن قال الجبال ثم الحديد الذي يكسر الجبال ثم النار التي تذيب الحديد ثم الماء الذي يطفيء النار ثم الرياح التي تحمل الماء ثم إبن آدم الذي يحوي الريح في صدره ثم اعتى اعتى جنود الرحمن قال الهم |
رد: راحة البال
اقتباس:
دي فعلآ مشكله |
رد: راحة البال
لا حول ولا قوه الا بالله:sd: هو صاحب المشكله دي بيصلي ولا لا انا انصحه بالصلاه وكثرت الاستغفار |
رد: راحة البال
اقتباس:
و لله الحمد بأكثر من الأستغفار و متشكر لأنك بتذكرني الله يبارك لك |
| الساعة الآن 05:56 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017