تيل الفرامل A516
 

أرجو المساعدة فى تغير تيل الفرامل جربت اكثر من نوع بس الكل بيصفر وواحد بيطلع تراب اسود على الجنط والعجلات مافيش نوع كويس غير فى التوكيل بس انا عايز حاجة كويسه وسعرها يكون كويس مش غالى قوى ولا رخيص قوى ارجو الافاده للاهمية . وشكراً

رد: تيل الفرامل A516
 

رد: تيل الفرامل A516
 

انا عايز اشترى نوع اصلى من أين الاى انا مركبه دلوقتى لونه اسود بس بيعمل تراب اسود على الجنط بس برضوه بيصفر بعد حوالى ربع ساعه من المشي يبدأ فى الصفير

رد: تيل الفرامل A516
 

طب ما تجيبه من التوكيل وتركبه بره وخلاص فى فشارع دمشق معرض قطع غيار لابو الفتوح جيبه من هناك

رد: تيل الفرامل A516
 

انا ساكن فى المهندسين فين شارع دمشق ده وسعر التيل كام لو سمحت و متشكر جداً على كل الردود جزاكم الله خيراً

رد: تيل الفرامل A516
 

شارع دمشق فى مصر الجديدة

من المهندسين عندك طريقين

اما صلاح سالم ومن فوق النفق اللى عند بيت الريس تاخذ يو تيرن شمال وتدخل الشارع اللى فوق النفق يمين تكمل على طول لحد التقاطع تدخل يمين وتكمل على طول لحد ما تلاقى حديقه الميرلاند على شمالك ومطعم فرحات على يمينك ادخل اول يمين بعد مطعم فرحات وعلى طول تلاقى شارع دمشق قدامك


او من كوبرى اكتوبر
لاخره وتنزل تاخذ او يوتيرن شمال تلف وتدخل يمين الشارع اللى على ناصيته قاعه الموتمرات
وعلى طول فى الشارع هيقابلك كوبرى اطلعه وانزل الكوبرى خليك يمين اول اشاره ادخل يمين وعلى طول برضوه تلاقى نفسك فى مصر الجديده على شمالك الميرلاند ويمينك مطعم فرحات كمل اول يمين بعد المطعم وعلى طول


او كوبرى اكتوبر وتنزل منزل رمسيس و من شارع رمسيس تكمل على بعد ميدان رمسيس لحد ما توصل الى غمره تلاقى كوبرى اللى ينزلك عند مسجد النور فى العباسيه تدخل شمال فى اتجاه جامعه عين شمس وبعد كده تخليك على طول لحد ما توصل للميرلاند ونفس الوصف السابق
__________________

( الرد ده منقول للأمانة )

رد: تيل الفرامل A516
 

انا اشتريت نوع كوري ولكن مش فاكر اسمه
ممتاز ممتاز
وهو كوري اصلي حفر علي التيل
ولا في صفاره ولاتاكل بسرعه
كان سعره 60 جنيه
المحل في المطريه لكن اسال عليه في شارع دمشق
اكيد ها تلاقيه