استفسار بخصوص فتيس لانوس؟؟؟
 

السلام عليكم
هذه اول مشاركة لى فى المنتدى ولكنى من قبل ان اشترك وانا متابع للمنتدى ومواضيع الاعضاء واستفسارتهم والردود لدرجة انى قرات معظم الصفحات المتعلقة بالدايو لانوس وقبل ان ابدا فى طرح سؤالى اود التقدم بكثير الشكر والتحية لكل الاعضاء والمشاركين على هذا الاهتمام والمجهود الملحوظ والامانة فى الرد وادب الطلب وحقيقة اننى استفدت فعلا لمصادفتى بعض ما طرح فى سيارتى دايو لانوس ولذا ارجو ان تتقبلونى فى اسرتكم الدايوهية واسف للاطالة ولكنها تحية واجبة
السؤال : الفتيس عندى بحس انه مش سلس او ناعم معايا وممكن اكون ماشى على التالت او الرابع ويقابلنى مطب اهدى واحاول ادى التانى بس الفتيس بيعاكس بس ساعات لما اشيل رجلى من على الدبرياج وادوس تانى يدى الحارة عادى ودلوقتى انا مش عارف المشكلة فى الدبرياج مثلا عايز يعلى ولا المشكلة فى الفتيس نفسه ؟؟؟؟ وشكرا

رد: استفسار بخصوص فتيس لانوس؟؟؟
 

الشكوى غير محددة
ممكن طقم الدبرياج
زيت الفتيس
زيت مستر الفتيس
متابع معك

رد: استفسار بخصوص فتيس لانوس؟؟؟
 

لوقصدك انك وانت ماشى وقدامك مطب والسرعة ابتديت تقل لحد مثلا 10 كدة وتيجى تيدى الغيار الاول مش بيجى ولما العربية تكاد تكون هتقف الغيار يجيى بسهولة لو قصدك كدة كل الانوس كدة ودة نظام حماية بس فى وجهة نظرى نظام فاشل وانتظر رد باقى الاعضاء لانى ممكن اكون فهمت غلط وتقبل تحياتى

رد: استفسار بخصوص فتيس لانوس؟؟؟
 

يا أهلا بيك أولا

أخونا الفاضل بموقع مصر موتورز

ثانيا

يفضل قبل أن أبدى رأيا

أن تعطينى فكره

عن السياره بشكل عام

الموديل أى سنة الصنع

كفاءة السحب

الكيلومترات

موقف زيت الفرامل

موقف آخر صيانه تمت

وهل أنت أول مالك أم لا

----------------

لأن شكى حاليا فى الدبرياج

قد يكون مش شغال بكفاءه بسبب دورة زيت الدبرياج

رد: استفسار بخصوص فتيس لانوس؟؟؟
 

رد: استفسار بخصوص فتيس لانوس؟؟؟
 

اولا انا يكفينى الاهتمام بالرد لانها فعلا حاجة تفرح وده مش غريب على الاعضاء الكرام شكرا مرة تانية
ثانيا كلام الاستاذ محمود زيزوو قريب شوية الاختلاف ان انا طبعا مش بحاول اديها الغيار الاول لما بتوصل لسرعة 10 مثلا بحاول ادى الغيار التانى بلاقى الفتيس محجر اشيل رجلى من على الدبرياج وادوس تانى يدى الغيار عادى ده بالاضافة ان كل الغيارات مش ناعمة والمقصود بكونها مش ناعمة مش زى فتيس الفيرنا مثلا فانا مش عارف الدايو كله كدة ولا فى مشكلة عندى
وبالنسبة للعربية هى موديل 2006 نصف كماليات العربية حالتها كويسة جدا والحمد لله وسحبها حلو رغم ان انا بحط بنزين 80 وهى عاملة حوالى 140000 كيلو وانا كنت شاريها مستعملة من حوالى سنة وكل اللى عملته فيها غيرت السيور (كاتينة ودينامو وتكييف) وفلتر زيت وهواء وبنزين وكان مافيهاش زيت فتيس خالص اشتريت اربع جراكن موبيل الجركن 1 لتر وفى حاجة كمان افتكرتها اول ما اشتريتها غيرت بلية الدبرياج ده غير ان كل اللى قولتلكم عليه انا كنت عامله مرة واحدة اول ما اشتريت العربية فى شهر 6/2011 والعربية ماشية معاى مظبوطة الحمد لله من يومها بس انا عايز اغير فلتر الهوا والبنزين علشان معدل استهلاكها قل شوية عن الاول ده غير طبعا المشكلة الاساسية اللى هى بتاعة الفتيس وانا بصراحة مش عايز اروح لميكانيكى يحل وانا مش عارف المشكلة ايه ولو تقريبيا "" لان معظمهم بيحل وخلاص يقولك اعلى الدبرياج او يغير زيت فتيس ويريح نفسه يعنى مثلا انا عندى بلاقى ترشيح زيت اسفل الدواسة من ناحية السائق سالت اكتر من ميكانيكى قالى ده زيت باور زايد ولما كنت بالصدفة بتصفح المنتدى لقيت عضو كاتب نفس المشكلة بتاعتى وفى عضو كريم مش متذكر هو مين بس اعتقد م / سمير رد وقال ان ده اويل سيل علبة الدركسيون هو اللى بيهرب زيت الباور
الخلاصة ارجو ان تكون وضحت المشكلة ومستنى ردود السادة المحترمين وشكرررررررررا

رد: استفسار بخصوص فتيس لانوس؟؟؟
 

ده كلام مظبوط

وفعلا عندك أويل سيل علبة الدركسيون هيحتاج يتغير

المهم تتابع منسوب زيت الباور فى تنك الباور

على ماتغير الأويل سيل

وهل حطيت الأربعه لتر فى الفتيس ............؟

لو الإجابه

بنعم

يبقى ده إللى عاملك المشاكل

ولا زم على الأقل تشيل نصف الكميه دى

لأن الفتيس المانيوال فى الانوس

بياخد حوالى 1.8 لتر زيت

ويوم مانبقى مبحبحينها أوى

نقول لترين