استفاسار عن علبة البيئة ... لانوس
 

السلام عليكم ورحمة الله وبركاته ,,,, انا عربيتي لانوس 2008 وكنت بروح افول تقريبا كل 160 كم فقولت دي حاجة مش طبيعية .. رحت التوكيل رفع العربية وقالي استهلاك البنزين عالي لأن العربية مخنوقة :014FDA~117:

بيقولي ان علبة البيئة مكسورة وبايظة ولازم تتغير .. طبعا الجديد بعد ما سئلت عليه ب 1800 جنيه ... اما المصري ب950 جنيه ... والاستعمال تقريبا من 300 ل 400 جنيه .. بس مش دي الحكاية
المشكلة اني ملقتش استعمال وطبعاً الجديدة غالية وممكن تنكسر تاني وله حاجة بسرعة اصلي تخصص حك مطبات :w6w200504112257276b

بتاع التوكيل قالي انا هفكها وهنظفلك الفحم اللي جواها ونزله كله خلاها فاضية لغاية ما اجيب واحدة .. او بيقولي فيه اقتراح تاني يشيلها خالص ويعملي وصلة واحدة وهتأدي نفس الغرض ؟؟؟؟؟؟؟؟؟؟ انا مش فاهم بصراحة يعني الاحسن اغيرها واجيب استيراد وله اركب الوصلة دي .. وهل لو سيبتها كده فاضية فترة هتأثر على حاجة

رد: استفاسار عن علبة البيئة ... لانوس
 

كله بينصح بالوصله وانتظر ردود الناس الخبره افضل:loveu:

رد: استفاسار عن علبة البيئة ... لانوس
 

شيل يا باشا كل الناس بتقول انك تشيلها افضل 100 مرة

رد: استفاسار عن علبة البيئة ... لانوس
 

س فيه ناس مخوفني من الوصلة وانها هتقرفني وكده .. بس بصراحة لقيتها في التوكيل ب 280 جنيه وزي الفل مش بال1000 جنيه 444546والراجل قاعد يقنع فيا وانا مفيش فايدة مقلق والله حاسس ان الوصلة هتكون اقل كفائة من العلبة

وكمان انا مفديها من الرصاص اللي فيها دلوقتي .. هوه عادي كده وله فيه ضرر (ده غير ان انضحك عليا من اللي فضاها خد الرصاص لانه بيتباع :shyy: وانا اللي كنت مستغرب انه بيعينه على جنب ههههههههههه )

رد: استفاسار عن علبة البيئة ... لانوس
 

واسف على تعبكم يا جماعة .. هوه انا لو غيرت وركبت الماسورة الوصلة دي .. وبعدين حبيت اني اجيب علبة بيئة تاني ممكن اركبها وله كده يبقى خلاص مفيش رجوع ....
ويا ترى الوصلة دي هتسحب بنزين اكتر من الاول وله ملوش تأثير ........ مع العلم ان صعبان عليا اني اشيلها اصلا بس سعرها مش هينفع دلوقتي خالص :w6w200504112220146b

رد: استفاسار عن علبة البيئة ... لانوس
 

علبة البيئة الهدف منها الحفاظ على البيئة
وتحويل أول اكسيد الكربون السام الى ثانى اكسيد الكاربون ومياه
فحم علبة البيئة غالى جدا
سمعت ارقام فلكية فيه مش عارف صح ولا غلط
بس فيه خلايا زى شمع النحل مصنوعه من البلاتنيوم وبتتباع بالجرام بسعر الذهب
زده اللى مخلى علبة البيئة غالية
انت غلطان انك سيبتهم

رد: استفاسار عن علبة البيئة ... لانوس
 

ما فعلا انا غلطان يعني لو كنت بعتهم على كمان شوية فلوس من جيبي وكنت جبت واحدة تانية ,,, حصل خير .. الخيرة فيما اختاره الله

طيب انا اركب وصلة وله افضل كده لغاية ما اشوف واحدة استعمال ؟؟