|
تجربتي مع السخونه اليوم
السلام عليكم جميعا اعضاء محترميين انا حبيت اقولكم حاجه حصلت معايا النهارده :thnkr: كنت ماشي بالسنيوره ال 128 وفجاه الامبير عدي النص وقفت اشوف المروحه يمكن فصلت لقتها شغاله مشيت شويه والامبير رفع تاني قولت اروح اسللك الرداتير زي الاخ سيد مقلي :thnkr: المهم روحت لواحد كويس قلتلو العربيه بتسخن مش عارف امشي عايز اسلك الرداتير بص علي العربيه قالي هقولك علي حاجه وعلي ضمانتي هتخلي العربيه ثلاجه قلتلو قول وليك الحلاوه هههههههههه قالي هاتلي مروحه عربيه شاهين وهعملك تعديل في القميص بتاع المروحه وهنسلك الرداتير وهتشوف قلتلو اجبلك المروحه منين قالي عندي واحده مفكوكه من شاهين ب 100 جنيه بيني وبنكم قولت دي اشتغاله علشان يبعلي المروحه المهم قلتلو بس لو الحراره منزلتش هترجع مروحتي وتاخد مروحتك ومش هدفع غير ثمن تسليك الرداتير قالي وانا موافق المهم عمل تعديل في القميص بتاع المروحه وركبها وسلك الرداتير وقالي اطلع لف بالعربيه ودوس بنزين براحتك عايزك تولعها ههههههههه خدت العربيه ومشيت ومدفعتش حاجه ولفيت بالعربيه في عز النار بتاعه النهارده العربيه فعلا معدتش اقل من الربع الامبير حوالي شرطتين فرحت جدا جدا ورجعتلو قلتلو انت برنس عايز كام قالي المروحه ب100 جنيه وتسليك رداتير ب30 ولحم كام حته حديد في القميص ب10 يبقي 140 جنيه ادتلو 150 قلتلو حلال عليك :10FEE3~1106::10FEE3~1106 ::10FEE3~1106: علي فكره المروحه 6 ريشه اما المروحه الصفرا بتاعتها 3 ريشه ودي تجربتي قولت افدكم بيها علشان الجو السنادي هيكون سخن جدا واي سؤال تحت امركم والسلام عليكم :wave2W21::wave2W21:
|
رد: تجربتي مع السخونه اليوم
تجربه مية مية تسلم ايدك ومبروك المروحة :CONGRA~238:
|
رد: تجربتي مع السخونه اليوم
شكرا لمرورك ابو نورا والله يبارك فيك :010104~171:
|
رد: تجربتي مع السخونه اليوم
عزيزى ممكن تقولى فين الرجل أفدنى افادك الله
|
رد: تجربتي مع السخونه اليوم
انا من بني سويف اخي العزيز واي حد بتاع رداتير حضرتك هتفهمو انه يركبلك مروحه شاهين 6 ريشه بدل مروحتك الصفرا ال 3 ريشه مع تعديل بسيط في قميص المروحه ويسلك الرداتير فقط وابقي ادعيلي وتحت امرك في اي سؤال:010104~171:
|
رد: تجربتي مع السخونه اليوم
الله ينور عليك
لازم الكل يستعد للحر السنه ده واليوم وغدا وبعد غد ستكون درجة الحرارة 33 طبعا مش فى الصعيد لانها حتكون اعلى والكل يراقب الحرارة ويحل مشكلتها استعدادا للصيف وشكرا ليك جدا انك نبهتا حتى لا يغيب امبير الحرارة عن اعيننا فى وقت الظهر والاماكن المزدحمة مثل الاشارات وخلافه :14FEAD~151::14FEAD~151:: 14FEAD~151: |
رد: تجربتي مع السخونه اليوم
ممكن اجيب قميص شاهين ومروحة واركبها على الموتور القديم
|
| الساعة الآن 01:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017