|
يا جماعة فيه كتاكيت معايا في العربية ....
معايا فيرنا 2011 1600 مانيوال ولسه عامل صيانة 10000 كم في التوكيل بقالي فترة كبيرة بأسمع صوت وبالأخص لما أكون ماشي على طريق مدق او مش متسفلت او على اسفلت محبب شوية جاي تقريباً من ورا عامل زي صوت صوصوة مش عارف اوصفهالكم زي زجاج شباك الأتوبيسات بتاعة زمان واحنا مسافرين كنت تحس انه بيون او بيصوصوا اعذروني على التشبيه فلو حد عارف ده ايه يقولي عليه عشان اقولهم في التوكيل بدل ما يخربولي الدنيا ....
وشكراً |
رد: يا جماعة فيه كتاكيت معايا في العربية ....
غالبا صوت الكتاكيت ده
ممكن يكون سببه شىء بسيط زى مفتاح عجل بيحك فى حاجه أستبن مش مربوط صح أى حاجه حديديه محطوطه فى الشنطه لازم تامنها كويس وتخليها بعيده عن الإحتكاك والصوصوه مع صاج الشنطه --------------------- إيه تانى إللى ممكن يسبب الصوصوه 1- صواميل نهاية مساعد خلفى مش متربطه كويس 2- علبة شكمان عاوزه يتراجع على وضعها 3- كاوتشة أى سوسته خلفيه سواء كاوتشه علويه أو خلفيه مش موجوده غير كده ما أعتقدش ممكن نلاقى مظاهر أخرى لصوصوة الكتاكيت ----------------- راجع برضه على طاسات العجل ومسامير رباط الجنوط فى الطنابير الخلفيه |
رد: يا جماعة فيه كتاكيت معايا في العربية ....
عندى نفس الصوت ومشعارف من اية برضو
|
رد: يا جماعة فيه كتاكيت معايا في العربية ....
ممكن الصوت يكون على شكل سكسكه زي ما تقول حصوه صغيرة فى الكاوتش ممكن نعتبر الصوت دة كدة لانه عندي وغسلت 4 فرد كاوتش ونضفتهم وبرضو مش عارف الصوت من اية
متابع |
رد: يا جماعة فيه كتاكيت معايا في العربية ....
لو الصوت بيروح لما حد يركب ورا
يبقى الكنبة مش متثبته كويس |
رد: يا جماعة فيه كتاكيت معايا في العربية ....
كان عندى نفس الصوصوة فى المطبات وعربيتى فيرنا ستار 1600 اوتو وعاملة 3000 كم وغسلت العفشة كويس من تحت وراحة الصوصوة تماما
|
رد: يا جماعة فيه كتاكيت معايا في العربية ....
اقتباس:
بجد حاجه فعلا كويسه اننا كلنا نشارك بعض فى الحلول وديه فعلا فكره ممكن تكوةن غايبه عن ناس كتير موضوع الكنبه اللى ورااا |
| الساعة الآن 09:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017