تغيير الغويشة - تغيير الفتيس - الاجابة مطلوبة
 

ولا يزال النيل يجرى -----------------

فيات 128

جراند لوكس 1300
فتيس 5 غيار

فيه مشكلة ظهرت حاليا

هى باختصار


الفتيس فى الغيار الثانى

بيعلق


مش بيعشق


ويرجع مور لوحده


فى وضع المور


دكتور الورشة وغيره من الدكاتره قالوا



تغيير غويشة

دكتور تانى قال لا الفتيس لو اتفتح مش هيرجع زى الاول تغيير فتيس احسن


ودلوقتى انا عايز أستشيركم علشان انا محتاج معلومة غايبة عنى اخد بيها قرار


اغير غويشة الغيار التانى


طيب فى فى حدود كام

وهل هترجع زى الاول تمام علما ان الدكتور الى هيركبها كويس معقول مش وحش


ولا أغير فتيس استيراد

وازاى أتاكد ان غوايش ال 5 غيارات تمام

وفى حدود كام


وهل الفرق بين الاثنين كبير ولا صغير

لان الفرق بينهم هو الى هيحددلى اتصرف ازاى

وشكرا وربنا يبارك فى المنتدى وفى اعضاء المنتدى

وحتى هذه اللحظة كثير من المواقف أسعفنى فيها ما قراته بينكم ومنكم وعندكم

منتظر على احر من الجمر

؟؟؟

رد: تغيير الغويشة - تغيير الفتيس - الاجابة مطلوبة
 

السلام عليكم ورحمة الله وبركاتة
علي حد معلوماتي طالما الفتيس جاب غوايش سوف يتكرر الموضوع مع باقي الغيارت
حتي لو حالتهم كويسة
ودة نتيجة:؟؟؟؟؟؟
1:الطلعة الامريكاني ودة دائماااا علي التاني
2:نسيان منسوب الزيت مما ادي الي تأكل بعض اجزاء الجيربوكس
3:من اساس خاملت التصنيع رديئة
4:عدم ظبط خلوص دواسة الدبرياج مما يؤدي الي صعوبة التعشيق( فيأسر علي عمر الجيربوكس)
نصيحة:fun_Whispering: هات واحد استيراد ويكون نفس مواصفات القديم حوالي 850ج
اما عن تكلفة الفك والتركيب وقطع الغيار مش اقل من 350
فما بالك لو كلفت مرتين 350
تكون التلكفة كلها كام
والله اعلي واعلم

رد: تغيير الغويشة - تغيير الفتيس - الاجابة مطلوبة
 

خليك مع الدكتور ده

هيغيرلك غويشة الأول والتانى فقط

غوايش الفتيس ال5 غيار كالآتى

1- غويشه للأول والتانى .......ودى التعبانه عندك

2- غويشة التالت والرابع ........ودى كويسه طالمالايوجد أى آلام من جهة التالت والرابع

3- غويشة الخامس والمارشدير ....ودى كويسه طالما لايوجد أى آلام من جهة الخامس والمارشدير

--------------------------

ونقدر نقول

أجرة الدكتور + غويشه ( وخلافه )

حوالى 200 ج

رد: تغيير الغويشة - تغيير الفتيس - الاجابة مطلوبة
 

أشكركم من عميق قلبى على ردودكم الجميلة

الباشمهندس الموسوعة أ / سمير عياد
والباشمهندس الفاضل عمر السيسى

ورجاء تحملونى

لى تعقيبين

الاول أستاذ عمرو هل الفتيس الاستيراد 128 سعره فعلا فى حدود 850 ام أقل


لانى تتبعت بعض المنشور على الانترنت وجدت موضوعات بتقول انه فى حدود 450 جنيه

وعلى فرض انى هجيب الاستيراد

ازاى اقدر احكم على الفتيس الاستيراد قبل شراءه ولا لابد من تركيبه


والثانى

استاذنا العلامة سمير عياد

هل الغويشة الخاصة بالتانى هى نفسها الخاصة بالاول ولا كل غيار له غويشة لانى بصراحة جاهل جدا فى الفتيس ومش عندى تصور غير ان كل غيار له غويشة

هل فك الفتيس وتغيير الغويشة - يرجع الفتيس تمام

لان فيه مقولة قرآتها على المنتدى هنا من احد الاعضاء من فترة

ان الفتيس لو اتفك مش هيرجع تانى

والدكتور الميكانيكى قال نفس الكلام

ايه رأى حضرتك

هل تغيير الغويشة مع دكتور ميكانيكى معقول مش وحش الفتيس يرجع طبيعى

واخيرا سؤال فنى

هل ممكن يطلع العيب مش من الفتيس من دواسة الدبرياج

اذا كانت الاجابة نعم

ايه العيب الى لازم يتضبظ فى الدواسة علشان تختفى المشكلة

منتظر رايكم

ومشكورين جدا على ردودكم واهتمامكم

رد: تغيير الغويشة - تغيير الفتيس - الاجابة مطلوبة
 

نعم

نعم

نعم .....بس بمعنى تانى

ماهو مش كل الدكاتره زى بعضها

فيه دكتور شاطر ....وفيه دكتور ممكن يضيعك

نعم

لا

رد: تغيير الغويشة - تغيير الفتيس - الاجابة مطلوبة
 

رد: تغيير الغويشة - تغيير الفتيس - الاجابة مطلوبة
 

احنا تحت امرك
والله يا اخي كلامي انا والبشمهندس سمير منطقي بس زو حدين
1:الجيربوكس الاستيراد حيريحك كتير وتنسي الموضوع دة وبيكون علي تجربة
2: وكلامي اخي سمير منطقي جداااااا من الناحية العلمية لانة مش حيصنع جيربوكس جديد
ولاحيصنع تروس جديدة
دة كل الي حيعملو فك وتركيب غوايش (قمرات)جديدة
بس المشكلة مع احترامي للصنيعية الي في السوق بيتعامو بقسوة جداااااااا مع البلي في شحطة وتركيبة
وموضوع الجيربوكس حساس جداااا بالنسبة للبلي وكراسية
عامتاا العمود الي حيفكو علية بلية واحدة وكرسي ارتكاز(جلبة)
http://www.masr1.com/?di=2CP2
وعشان تخلي حد يشتغل فية لازم واحد معروف في شغل الجيربوكسات
لانة ممكن يخلف معاك باقي الغوايش لان العمود الي حيتفكو هوا الي علية
التقسيمة المتحركة وسوف يكون علية اربع تروس
http://www.masr1.com/?dm=4KFB


بس طبعااااا دة مش الخاص بالسيارة 128 بس هوا نفس تقسيمة السرعات