|
أغيثونى أغاثكم الله
تحياتى إلى جميع أعضاء " مصر موتورز "
بعد إذنكم جميعا أنا لسة مغير كبالن العربية إمبارح بكبالن جديدة و ليست إستيراد مع تربيط و تظبيط العفشة بالكامل و دة نتيجة لأنها كانت بتطقطق من الناحيتين و كمان كانت بتطقطق من النص خصوصا و أنا لسة بطلع بالعربية الجميل فى الموضوع انها مشيت امبارح زى السكينة فى الحلاوة ... لكن العيب دة " عيب الصوت اللى قدام فقط " اتكرر تانى النهاردة بعد ما العربية عملت مشوار وحيد حوالى 25 كيلو و الحقيقة انى ما سكتش ... و كلمت الميكانيكى فقال كلام مش منطقى خالص زى مثلا ان الكبالن الجديدة محتاجة " تطبع " و طبعا دة كلام انا عمرى ما سمعته قبل كدة معلومات أساسية السيارة " ماروتى " موديل 2008 ... و عداد الكيلومترات حوالى 26 ألف فكرت ان الصوت يكون مرتبط بالعفشة عموما و عشان كدة نضفت العفشة النهاردة بالهوا و الجاز و الذى منه لسة ما ظبطش الزوايا الدريكسيون بقى فيه سنة زيادة ... و دة انا مش عارف له سبب أرجو ان اللى عنده رد يفيدنى بيه ptmnlo123per144 و لكم جزيل الشكر " أشرف " |
رد: أغيثونى أغاثكم الله
فى رأيي ان لو الصوت صوت كبالن فعلا (و متهيألى انك ممكن تعرفه و الميكانيكى يأكد عليك برده) يبقى الكبالن الللى انت اشترتها جديده بايظه - و على فكره بتحصل كتير - و الله اعلم اكتر من كده هافتى و بالذات انى ماسمعتش الصوت و معرفش جاى منين بالضبط .
|
رد: أغيثونى أغاثكم الله
بص كان لازم تبص على العفشة فى مكان كويس بعد تركيب الكبالن مباشرة
اذا كانت الكبالن جديدة ومن مكان كويس يبقى تروح للميكانيكى يحلها وترجع وتركب تانى وتكشف على الزوايا وعامة اغلب بتوع الزوايا بيديك اسبوع اختبار لو فيه حاجة ترجعلة تانى بس مينفعش تشتغل فى العفشة كده ومترجعش تظبط زوايا تانى اكشف على الزوايا واذا الكوبلن متظبطش رجعة مفيش حاجة اسمها يطبع ده بلى بيتحرك فى شحم يطبع ايه بس |
رد: أغيثونى أغاثكم الله
العربية 2008 و فيها كل ده؟
انا مستغرب؟ هى العربية حادثة ولا اية ؟ |
رد: أغيثونى أغاثكم الله
هو و الله اعلم انا حاسس ان الصوت اللي بتسمعه دا مش كبالن
ممكن يكون تيل فرامل سايب او حاجه ما اتربططش كويس او حاجه من هذا القبيل.دا احتمال. احتمال تاني انت بتقول ان الكبالن كانت بطقطق علي الطوالي طب يا تري غيرت الكبالن الداخليه ولا لاء؟؟ لو ما غيرتهاش يبقي هيا دي سبب المشكله. |
رد: أغيثونى أغاثكم الله
شكرا لكم جميعا على الردود الكريمة
و الغريب يا أستاذ " نيسان " ان العربية مش عاملة حادثة .. مفيهاش أى خدش و الله إنما أفتكر المشكلة راجعة لإن العربية عفشتها خفيفة جدااااااا بالنسبة للمطبات و الحفر و الذى منه الموجود فى شوارعنا الغالية شكرا لكم مرة أخرى |
رد: أغيثونى أغاثكم الله
أقولك بقى على احتمال ح يزعلك شويه ! ptmnlo123per144 انت شوفت الكبالن الجديده و هى بتركب ؟؟
لآن احتمال الميكانيكى ( و ان بعض الظن اثم ) يكون لسع منك الجديد و ربط أو ظبط أو رجلش القديم !! و دى حاجه عاديه خالص و بتحصل مع أجدع الناس ! يعنى أنا أعرف واحد كان عند ميكانيكى و القعده طولت معاه شويه و لآنه بيفهم فى العربيات شاف الميكانيكى أخد قطعة غيار من زبون ترك سيارته و مشى ! و الميكانيكى ركب له نفس قطته الآصليه بعدما غسلها بالبنزين و صنفرها و يمكن ركبلها رمان بلى برده قديم من عنده ! والباشا جه و استلم العربيه و دفع المعلوم و مشى و هو محلوق له حلقه انجليزى !! Dr. Bolbolan ptmnlo123per1106 |
| الساعة الآن 01:59 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017