ناوى اشترى 307 sw بانوراما 2007
 

يا اهل البيجو , بالله عليكم انا بلا خبره نهائيا فالبيجو عموما , حابب اعرف كل حاجه عن العربيه دى , ميكانيكا , اعطال متكرره , مشاكلها , قطع غيار , اماكن التصليح , رجاء سرعه الرد عشان فى عربيه قدامى

رد: ناوى اشترى 307 sw بانوراما 2007
 

37 مشاهده , ولا مشاركه !!!!!!!! ده ايه الكرم ده , شكرا يا رجاله

رد: ناوى اشترى 307 sw بانوراما 2007
 

اولا :يسعدنى ان اكون اول من يرد
ثانيا : بعد السلام و التحية ندخل فى الموضوع و نبدأبالمزايا
ال307 sw سيارة محترمة بكل المقاييس و هى واحدة من اساطير البيجو اللى حققت نجاح كبير
من حيث الاعتمادية فهى سيارة يعتمد عليها موتور قوى و اقتصادى جدا و صديق للبيئة
و ثبات محترم جدا على الرغم من ان الشاسيه طويل و لكن الفرنسيون ابدعوا فى توزيع الوزن
الامان : اكدب عليك لو قلتلك ان الاختبار بتاع التصادم اخد كام نجمة
بس هى فيها وسائد هوائية كفاية و بارات فولاذ على الابواب و هيكل من الالمونيوم الامقوى يعطى مرونة و قوة ليه فى نفس الوقت
و ده تقرير منظمة الامان الاوروبية عن السيارة (الموديل العالدى مش sw )
http://www.euroncap.com/tests/peugeot_307_2001/107.aspx
السؤال اللى بيطرح نفسه دلوقت
العربية دى فى مصر عاملة ايه ؟؟؟؟
بغض النظر عن المزايا اللى قلتها
العربية اللى بتنزل مصر تقريبا هى اللى بتنزل الخليج و اوروبا يعنى ما تقلقش من الكماليات اللى ممكن تنقص فيها
بس اللى خلى العربية دى تبقى نازل ب 160 الف جنيه و تتباع مستعملة ب نص التمن تقريبا (بدون مبالغة )عدة عوامل نقدر نسميها العيوب :
1 - العربية دى تقيلة فى السوق يعنى مش اى حد عاوزها و تحديدا التجار
2-السبب اللى خلاها كده قطع الغيار و خدمات التوكيل لالنها غالية بطريقة مبالغ فيها و الحل
ممكن تجيبها استيراد
3- مش اى حد بيعرف يشتغل فيها عشان التكنولوجيا بتاعتها عالية شوية بس الميكانيكية بتوعها قليلين و شاطرين و غاليين -طبعا مش اغلى من التوكيل- بس اغلى من بتوع الكورى و اليابانى
4-لو هاتجيب عربية زى دى تبقى عربية العمر ما تنويش تبيعها لانك هاتخسر هاتخسر حتى لو بعتها بنفس السعر
5-انا شخصيا كنت هاجيب العربية دى و سقتها و طلعت ممتازة بس مش هاقدر على صيانتها
عشان كده فضلت الماتريكس لان كل العيوب اللى قلتها دى مزايا فيها
لو فيه اي استفسار انا فى الخدمة

رد: ناوى اشترى 307 sw بانوراما 2007
 

الكلام ده طبعا صح بس هى الصيانات فى البيجو افضل تكون فى التوكيل لانه فاهم فيها وبالنسبة لان قطع الغيار والصيانات غالية بس قطع الغيار معمرة جدا وحتركبها وتنساها

رد: ناوى اشترى 307 sw بانوراما 2007
 

شكرا للرد يا شباب

رد: ناوى اشترى 307 sw بانوراما 2007
 

انا معايا بيجو 307 sw مو 2007 بانوراما الصراحه العربيه مريحانى جدا كل العرفه فى قطع الغيار ان تيل فرامل امامى بجيبه بى 275 وخلفى بى 225 بالنسبه لل فلاتر بجيب فلتر البنزين والزيت والهوى بى 350 وكل الحاجات ديه اصلى بس هى تحفه ووثبتها 10/10 انا مزودتش عن 150 وتكيفها جامد هيعجبك انا كنت مركب فيها 5 غيرى وشنط وحاجات كتير وكنت جايب بيها 140 ومشغل التكييف وكله تمام انا كنت بروح لى احمد العسكرى فى الحرفيين بس فعلا التوكيل احسن حاجه وهرحلو فى صيانه ال 60 الف ان شاء الله بس لو فلوس الصيانه معاك عادى عربيه 10/10 فى ناس بتقول موضوع الفتيس انا الحمد الله ملقتش الموضوع ده عندى وده من خلال تجربتى معاها بس فعلا لوناوى تغير بلاش لكن هى عربيه العمر فعلا يعنى انا مفكرش اغيرها قبل 7 سنين كمان الاعطال قليله لو بتحافظ وتستهلك العربيه استهالك ادمى مش هيبقى فيها اعطال هو بس الصيانه الدوريه وقطع الغيار معمره مش كل شويه هتغير تركب وتنسى

رد: ناوى اشترى 307 sw بانوراما 2007