انا اتجنن خلاص نفسى اعرف نوع كاوتش كويس
 

السلام عليكم
يارب يكون الجميع بخير
انا عايز اركب كاوتش جديد لان الحمد لله كنت مركب gt من حوالي سنه بقي زبادي خالص
المهم انا عايز اعرف احسن كاوتش بالعلم
انا بسافر كتير قوي
بجري كتير جدا يعني 160 ده الطبيبعي
كمان يكون كويس في الفرامل اصل انا معايا دايو جوليت الفرامل فيها ربنا يستر
كمان يكون كويس ع العفشه لان العبد لله بليل مش باشوف كويس يعني احلى واحد يلبس
وكمان انا من الفيوم الحمد لله الشوارع عندنا تقريبا متعرفش يعني ايه اسفلت نظيف
اكيد طبعا استهلاك البنزين يكون تمام
مقاس الجنوط 175/70/13
مش المهم الفلوس بس اهم حاجه يكون امان
شكرا ليكم

رد: انا اتجنن خلاص نفسى اعرف نوع كاوتش كويس
 

خدها نصيحة من أخ

خليك مع البراند

ميشلان michelin
بريلي Pirelli
جود يير Goodyear
بريدج ستون Bridgestone
كونتيننتال Bridgestone
دنلوب Dunlop

و انسي

الماركات دي ممكن تكون غالية شوية او حتي ثمن الفردة بمقام فردتين من الكوري و الصيني بس بتعيش و ما بتفكرش فيها قبل 50000 كم و كمان حتي بعد عدد الكيلومتر بتاع العمر الافتراضي بتاعها بتكون نقشتها زي ما كانت لسه جديدة و ده له اكبر الاثر في تعزيز قدرة الفرامل و ثبات العربية علي السرعات العالية

و الموقع ده هتلاقي فيه معلومات مهمه عن تقييم كل ماركة و شكل النقشة و المقاسات و خلافه

http://www.tyrereviews.co.uk/Tyre/

رد: انا اتجنن خلاص نفسى اعرف نوع كاوتش كويس
 

بريدجستون طبعا بس يعتبر غالي عن الانواع الاخري بس فيه كل المواصفات اللي حضرتك زكرتها

رد: انا اتجنن خلاص نفسى اعرف نوع كاوتش كويس
 

بالظبط كدة البريدجستون وانت مغمض بس اليابانى علشان فى تايوانى وخد بالك من تاريخ الانتاج ويفضل انك تنزل القاهرة عند اقرب وكيل للبريدجستون اضمن وانا ارشحلك اللى فى ش مراد بالجيزة ده اقرب حاجة ليك والفردة بتعمل 365ج تقريبا

رد: انا اتجنن خلاص نفسى اعرف نوع كاوتش كويس
 

بص يا سيدي نصيحة مني ... يا بريدجستون يابااااني ... يا اما ميشلان .... دة في حالة انك مش فارق معاك فلوس ,,,

و بالنسبة للفرامل ... دول بقى لو العربية حتى مفيهاش فرامل هاتفرمل ... و كدة انت هاتحس انك غيرت العربية كلها لأن اداءها هايتغير 180 درجة للأحسن :)

و بالنسبة للمرونة بتاعتهم فعاوز اقولك بيريحوا جميع الاجزاء الميكانيكية في العربية ... و بينعكس على من اول العفشة و التعليق لــــحــــــــــــد ... استهلاك الموتور في البنزين

رد: انا اتجنن خلاص نفسى اعرف نوع كاوتش كويس
 

اولا شكرًا للجميع
فعلا البريدجستون الياباني كله قال انه احسن حاجة
أنا انشاء الله انزل انهاردها
صحيح أنا سمعت ان التوكيل المعتمد يعطي ضمان الكلام ده حقيقي ولا
الأحسن أخذ العربية هناك ولا اشتريهم واجبهم في عربية اخويه اصل للأسف مش لاقي بنزين
البنزين اللي معايا اروح به وبس

رد: انا اتجنن خلاص نفسى اعرف نوع كاوتش كويس
 

الوكيل فعلا بيدي ضمان وبيطلع البلوف كمان مجانا دا غير ان حيبقي عنده كاوتش طازه ومش بايت (قصدي يعني تاريخ انتاجة حيبقي جديد باذن الله)