لغز محيرنى ؟؟؟؟؟؟
 

لية سعر التيوتا كرولا اغلى بكتير من لانسر بومة . بمعنى لو عربية بومة اتوماتيك 1300 فبريكة دواخل ورشة برة نظافة متوسط السعر 68000 . لو جبنا كرولا نفس الحالة ونفس السنة نلاقى متوسط السعر 85000 يعنى فرق 15000 جم على الاقل
حد يقدر يفهمنى لية ؟؟؟؟
انا شايف ان فرق السعر غير عادل
وياريت لو حد يعرف البومة تجميع يابانى ولا جنوب افريقى ولااية ؟
وشكرا للاعضاء الكرام

رد: لغز محيرنى ؟؟؟؟؟؟
 

مبدايا العربيتين كويسين جدا
بس الكرولا تتفوق في الجودة وعمر قطع الغيار و في السحب و الاداء و الانسر البومه وزنها اتقل من الكرولا ده بالنسبه 1300 cc
مش معني كلامي ان جوده الانسر البومه اوالقطع الغيار سيئه بالعكس كويسه جدا و بتعيش كتير بس الكرولا اكتر
بس الانسر 1300 البومه الاتوماتك بطه بلدي خصوصا لو مشغل التكيف في الموديلات ماقبل 2011
موديل 2011 انا ركبتها مع واحد صحبي اداءها و سحبها كويسين جدا و كمان ركبوا عوازل صوت للمحرك صوت المحرك بقا مش مسموع فصلحوا اكبر عيبين في البومه 1300 في الموديلات الجديده

رد: لغز محيرنى ؟؟؟؟؟؟
 

بس الانسر ثبتها احسن بكتير من الكرولا و اليارس في السرعات و الملافات سواء في تماسك العربه علي الارض او حركه الدركيسيون

رد: لغز محيرنى ؟؟؟؟؟؟
 

بالنسبه للبومه 1600 مش بطيئه زي ال1300 ممكن تسرعها زي الكرولا 1600 و يمكن احسن

رد: لغز محيرنى ؟؟؟؟؟؟
 

فرق السعر كبير فعلا بين التيوتا و لانسر بس اصلا و هي جديده بردوا في فرق سعر كبير فالموضوع هو هو
البومه تصنيع و تجميع ياباني

رد: لغز محيرنى ؟؟؟؟؟؟
 

رغم تحيزى للعربية اللانسر بس بصراحة فرق السعر الموجود بين اللانسر و الكرولا سواء 1300 او 1600 كبير جدا حتى ولو كان عزل المتور فى الكرولا احسن
ممكن يكون مثل ما قال احد الاعضاء الكرام ان الفرق مرجعة فرق السعر فى الزيرو