|
هل الانوس صيني؟
اريد ان اشتري سياره لانوس بس مهندس ميكانيكا بيقول لي ان السياره تصنيع صيني ارجو الافاده من الساده الاعضاء
|
رد: هل الانوس صيني؟
أنا مهندس ميكانيكا برضه
وبقولك إشترى وتوكل على الله والانوس مش صينى ولاحاجه لكن وارد جدا نظرا لأنها حاليا تجميع مصرى أن يكون تخلل عملية التجميع فى مصر بعض المكونات الصينى ( بهدف التوفير ) ---------------------------- وعامة ....السيارت الصينى حاليا زى الجاك والتيجو وخلافه حاجه زى الفل --------------- ولو أنت مش راغب فى أى حاجه تكون بها مكونات صينى فهذا حقك وبراحتك ويمكنك شراء لاتوس مستعمل بحاله جيده نقول من أول موديل 2009 وأنت نازل فلن تجد أى عربيه لانوس ( جيده ) بها أى مكونات صينى |
رد: هل الانوس صيني؟
أنا عارف طبعا
أن من قبل 2009 والتجميع للانوس بيتم بمصر ولكن كان التجميع لدى غبور ( على ما أتذكر ) وحاليا تحول التجميع ( تبع أبو الفتوح ...على ما أتذكر برضه ) والموديلات من 2009 أو 2010 وماقبلهما بتكون آمنه ضد دخول أى منتجات صينى فى تجميعها |
رد: هل الانوس صيني؟
اللانوس اتوقف انتاجها في كوريا من 2003 الموديلات اللي بعد كده مجهول مصدر قطع غيارها الصراحه ممكن تكون كوري و ممكن تكون صيني او من اي مكان تاني اللانوس لحد 2008 كانت تجميع ابو الفتوح و بعد ما عقد ابو الفتوح انتهي و طبعا دايو كاسم انتهي من العالم من زمان و اصبح شيفروليه بديلا له اصبحت تحت لواء منصور وكيل شيفروليه في مصر و قد قام باعاده انتاجها مره اخري
|
رد: هل الانوس صيني؟
اغلب مكونات اللانوس حاليا تاتى من اوكرانيا و رومانيا حيث ان هذة البلاد لازالت تصنع هذا الموديل و الكلام دة قايلهولى مهندس من توكيل منصور.
|
رد: هل الانوس صيني؟
السلام عليكم ورحمة الله وبركاتة
العربية يا اخى العزيز فعلا بتدخل مكونات صينية وفى غاية الاهمية فى اللانوس بالذات بعد ما تم انتاجها فى مصانع منصور تحت لواء شيفرولية لكن من 1997 الى 2002 كانت تنتج فى كوريا وبالتزامن كانت تجمع فى مصانع ابو الفتوح بمصر وكانت خلال تلك الحقبة معظم مكونات السيارة الهامة والرئيسية كوريا بعدها تم انتاج السيارة فى عدة دول زى بولندا بمصانع FOS اللى كانت بتنتج البولينز وتنتج كذلك فى اوكرانيا بمصانع افتوجاز وفى روسيا بمصانع تاجاز وبالتالى فى اغلب الاحيان جسم السيارة ومكوناتة بتيجى من احد دول اوروبا الشرقية لان المصانع الى بتنتجها لها باع وخبرة كبيرة مش بتجمع بس زى فى مصر وتلاقى المجمع المحلى زى المنصور بيستخدم مضخات البنزين صينى بعض قطع الغيار الغير ظاهرة للعيان وطبعا ممكن يقلل فى مستوى الجودة علشان يعلى هامش ربحة بالنسبة للتصنيع الصينى اتمنى فعلا تكون اللانوس تجميع صينى لانها حتكون افضل الف مليون مرة من المجمع بمصر على الاقل الصنين يحطوة نخب اول |
| الساعة الآن 12:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017