تجديد مرسيدس 2300 موديل 79
 

اود معرفة كم تكلفة تجديد ترخيص سيارة مرسيدس 2300 سى سى موديل 79
وللجميع التحية والشكر على هذا المنتدى الرائع

رد: تجديد مرسيدس 2300 موديل 79
 

اهلا و سهلا بيك في منتدانا و نتمني نشوف مشاركاتك دايما:)

ترخيص السياره لمده سنه يتكلف
حوالي 180 جنيه مصاريف ترخيص
و 80 جنيه بوليصه تامين اجباري علي السياره
و نموذج المرور و اورنيك الكمبيوتر في حدود 10 او 15 حنيه
و طوابع شرطه في حدود3جنيه و طوابع و دمغات عاديه ب 1 جنيه
يبقي الاجمالي حوالي 300 جنيه للسنه الواحده.

رد: تجديد مرسيدس 2300 موديل 79
 

مشكور على اهتمامك وردك يا استاذ حازم وليتها تكون كده . لكن كم الضريبة بعد الزيادات الجديدة . يعنى الإجمالى كم

رد: تجديد مرسيدس 2300 موديل 79
 

انا اسف يا ابو حاتم
اول مره اخد بالي ان عربيتك 2300
افتكرتها 2000
بس عموما مش حتفرق كتير حتبقي في نفس الحدود ما تقلقش
هيا المفروض الضريبه 1000 جنيه و بتنزل كل سنه من الموديل20%
بحد ادني 200 جنيه
يعني عربيتك و ال504 و ال132 و كل دول ضريبتهم بتتساوي
او انت علشان 2300 ممكن تزيد 30 او 40 جنيه في الحدود دي.
طبعا انا ما حسبتش الاكراميات لاني ما بدفعش رشاوي:)

رد: تجديد مرسيدس 2300 موديل 79
 

مشكور جدا واوعدك لما اجدد ان شاء الله فى شهر 8 اقول لك كم تكلفة التجديد بالكامل

رد: تجديد مرسيدس 2300 موديل 79
 

العفو يا ابو حاتم
هيا عموما المصاريف زي ما انا كتبتها بالنسبه للبوليصه و المصاريف النثريه
ولو فيه زياده في الضريبه مش حتزيد عن 30 او 50 جنيه بالكتير

رد: تجديد مرسيدس 2300 موديل 79
 

:(:(:(:(:(
استاذ حاتم انا اسف جدا
سألت انهارده ضابط مرور و قالي ان ضريبه العربيه في حدود 1200 جنيه
ما فوق ال 2000 سي سي معامله تانيه خالص:(
معلش بقي حتبقي خبطه كبيره شويه