مصر موتورز مجتمع السيارات - العربيه لما بسخنها هيا واقفه بترعش و صوتها مش مريحنى وتقريبا لما امشى بيها هتقطع

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

العربيه لما بسخنها هيا واقفه بترعش و صوتها مش مريحنى وتقريبا لما امشى بيها هتقطع

السلام عليكم
جماعه انا المفروض موقف العربيه فتره وبكره ان شاء الله المفروض اطلع بيها الصبح بس انا ملاحظ العربيه لما بنزل كل يومين اسخنها هيا فى الجراج بمجرد ما بتسخن صوتها بيتغير و بحس ان انها بتقطع وترعش وتبقى خلاص هتبطل هيا واقفه وبعدين تلحق نفسها وتاخد بنزين " لوحدها من غير ما أدوس "وتكمل وبعدين تقطع وترعش وتبقى هتبطل وهكذا
المفروض لما كانت بتقطع وتنتش فى المشى الميكانيكى قالى ده حساس فى الاسبراتير بس مش بيتباع لوحده فغيرنا الاسبراتير كله ب 350 جنيه والفروض انها بقيت كويسه وجربناها مشوار عالصحراوى ومشيت كويس لكن قعدت بعد كده اسبوعين واقفه و ظهرت الأعراض دى
هل الأعراض دى توحى ببوادر أزمه وانها بكره لما أطلع بيها هتقطع معايا وانا ماشى وهتنتش ؟؟ وياترى أيه الحل بعد ما غيرنا الاسبراتير ممكن يكون ايه سبب التقطيعه دى ؟
انا بكره هحاول انزل بدرى على الساعه سته ونص الصبح وألف بيها حوالين المنطقه عشان لو حصل اللى فى بالى وكان فى مشكله أعرف أرجع الجراج و مبقاش بعيد عن البيت و هقول لحضراتكم برده ايه اللى حصل