مشكلة في فتيس الكليو الأوتوماتيك
 

المشكلة أن في الصباح (العربية باردة يعني) بعد ما العربية تدور عادي وتمام مجرد أني أجيب الغيار الــD علشان أمشي أحس بهبدة في الموتور واللمبة بتاعة الأوتو الصفراء تنور والأشارة بتاعة حرف الــD تنور وتتفي (فلاشرات) كما لو كانت ملامسة وكأن العربية علي وضع الـN.
وبعد ذلك أبطل العربية وأدورها تاني تمشي تمام التمام ولا كأن فيها حاجة .
مع العلم أني مغير زيت الفتيس ونظفت الفيش بتاعت الفتيس كلها علشان اللمبة بتاعت الأوتو كانت بتنور وأنا ماشي فقط دون تأثير علي العربية ودخلت العربية علي الأسكانر ولا يوجد بها أي أخطاء.
فبرجاء من الخبراء في المنتدي الجميل دة الأفادة وشكراً جزيلاً

رد: مشكلة في فتيس الكليو الأوتوماتيك
 

المشكلة فى سلونيد الجير او اسمه الحسساسات
هيحتاج تغيير وبعدها برمجة الكمبيوتر من جديد.. تقدر تراجع مواضيع العضو nodey

رد: مشكلة في فتيس الكليو الأوتوماتيك
 

جرب تنظف بوابة دخول الهواء للمكنه أولا ( الثروتل بودى )

لتحسين إشارة حساس البوابه لكنترول المكنه والفتيس

رد: مشكلة في فتيس الكليو الأوتوماتيك
 

الحمد لله المشكلة أتحلت لوحدها والعربية بتدور في الصباح تمام ونقلات الفتيس مظبوطة تمام
لكن والعربية ماشية علي سرعة أول ما تجيب الغيار الرابع بالظبط تبدء تنتش الي أن أخف بنزين شوية تشتغل تمام وتسحب براحة، مش عارف العيب أية بالظبط

رد: مشكلة في فتيس الكليو الأوتوماتيك
 

عيب لن يترك رينو الاتوماتيك الا بتغيير انظمة الفتيس من الشركة الام
لكن العيب حله الان هو تغيير 2 سلونيد فالف مع تغيير زيت الفتيس

رد: مشكلة في فتيس الكليو الأوتوماتيك
 

فعلا

كده عيب فى سولونويد النقله الرابعه