محتاج مساعدتكم بسرعه فى شراء كيا برايد
 

أنا قررت إن شاء الله أشترى كيا برايد هاتشباك أو سيدان لو كانت فى المتناول وبعد متابعت المنتدى وأراء الأعضاء المحترمين اللى بجد أفادونى إفاده كبيره جدااااااااا والله وربنا يجعلو فى ميزان حسناتهم جميعا لأنى بجد مكنش ممكن أعرف المعلومات دى فى أى مكان تانى ... وبعد المتابعه الجيده لمعظم أراء الأعضاء فأنا قررت أنى أبحث عن برايد موديل من 96 وحتى 99 (لأن ده الكورى زى ما عرفت منكم ) بشرط أن تكون حالتها جيده ولذلك : أتمنى من جميع الأعضاء الكرام مساعدتى بأى معلومه ممكن تفيدنى فى الموضوع ده ومهما كانت المعلومه دى حد شايفها صغيره بس ممكن تفرق معايا جدا .. خصوصا أن دى هتكون أول عربيه ليا أن شاء الله ولأسرتى الصغيره ... فيارب محدش يبخل عنى بأى معلومه لأنى بجد خبرتى قليله جدا ومش عايز عربيه تكرهنى فى كل العربيات

رد: محتاج مساعدتكم بسرعه فى شراء كيا برايد
 

رد: محتاج مساعدتكم بسرعه فى شراء كيا برايد
 

انت شككتنى فى نفسى مش ديه الرسالة اللى حضرتك بعتهالى على البروفيل بتاعتى على المنتدى

http://www.masrmotors.com/vb/member.php?u=3

رد: محتاج مساعدتكم بسرعه فى شراء كيا برايد
 

وده نص الرسالة اللى رديت على حضرتك بيها

وعليكم السلام ورحمة الله وبركاتة واشكرك ذوقك و الدعوة بالخير اللهم تقبل لى ولك وللمسلمين جميعاً

بخصوص البرايد الفرق بين الهاتش باك والسيدان زى مانت عارف مش بس مساحة الشنطة لان اغلب الهاتش باك فى الموديلات القديمة بتبقى 1100 سى سى فكده بنتكلم تقريباً عن عربيه تانية
وبالتالى السعر ده فى رينج الهاتش باك لكن السيدان (الكويس منها) فوق التلاتينات حسب الموديل والحالة

- بالنسبة لانك تلاقى حالة كويسه فديه حاجة بتاعة ((ربنا)) اولاً واخيراً وان شاء الله ربنا يوفقك فى حالة كويسه المهم انت تركز على الاساسيات لان ممكن عربيه تبان حالتها كويسه لكن اساسيات تعبانه والعكس صحيح عربيه تكون عايزة شويه مصاريف لكن اساسيتها كلها سليمة

- اسعار الموديلات للامانة فيه ناس كتير فى المنتدى تفيدك فيها اكتر منى لانهم تجار او فى السوق بيع وشراء اكترمنى فهم يدوك اسعار ادق واكثر تحديداً لكن بالعموم الهاتش باك فى رينج ال 25 وتقل او تزيد 3 الاف حسب الحالة والموديل وتساهل البائع والمشترى
والسيدان من 30 - 38 حسب الحالة والموديل واذا كانت مانيوال او اتوماتيك والتساهل بردو بين الطرفين

- اخيراً بالنسبة لاعادة البيع فهى سهلة بالنسبة للكورى عموماً (كيا - هيونداى - دايو) وبالنسبة للبرايد تحديداً ممكن نقول انها تانى عربيه بياعة بعد الهيونداى اكسيل ويجى بعدها كل العربيات فى الفئه ديه بمعنى اوضح هى مش احسن عربيه بياعة على الاطلاق بس عموماً من اسهل العربيات فى بيعها

اتمنى اكون افدتك وتمنياتى لحضرتك بالتوفيق

رد: محتاج مساعدتكم بسرعه فى شراء كيا برايد
 

بصراحه يا أبو نورا انا والله مش عارف أودى جمايلك دى كلها فين وبشكرك على أهتمامك الشديد ...
بس أنا زى ما طلبت فى الرسالة كنت عايز اعرف من باقى الأعضاء رأيهم وخبراتهم بخصوص عملية الشراء من ناحية .
1- هل أجيب 1100 أفضل أم 1300 لأنى سمعت أن فى منها 1300 ( الكلام ده طبعا على الهاتشباك لأنى عملت بكلامك وعرفت أن المبلغ اللى معايا مش هيجبلى سيدان ) وكمان موضوع التكييف لأنه ممكن يفرق معايا
2-وهل فعلا أدور على الكورى من 96 حتى 99 ولا مش مهم والفرق مش كتير بينهم
3- أيه هى أهم حاجه لازم أخد بالى منها وأنا بشترى العربيه لأنى مش لازم أعتمد على الميكانيكى أعتماد كلى
4- حاجه أخيره لأنى حاسس إنى طولت عليك وعلى الأعضاء أيه هى أفضل طريقة للكشف على العربية الهاتشباك وأيه هى الأجزاء اللى لازم اهتم بيها وانا بكشف عليها لأنى بصراحه صعب على ظروف عملى الذهاب للميكانيكيا كتير
واخير شكرا لحضرتك ولكل الاعضاء الكرام وربنا يجعله فى ميزان حسناتكم جميعا ....

رد: محتاج مساعدتكم بسرعه فى شراء كيا برايد
 

رد: محتاج مساعدتكم بسرعه فى شراء كيا برايد
 

شوفت يا أبو نورا اللى حصلى لا يتحكى ولا يتقرأ :(
نزلت أمبارح أشوف العربية اللى كانت عجبانى لقيتها أتباعت والحمد لله وربنا يبارك للى أشتراها يارب .... بس المفاجأه أيه بقى أن العربية موديل 96 وخلصت بالعافية على 29 .... انا اول ما عرفت فتحت بوقى على الأخر لدرجة ان الراجل كان قرب يضحك عليا وقالى ده العادى بتاع العربية دى وأنها بتتخطف ومبتقعدش ولما قلتله سجل رقمى وبلغنى لو ظهرلك عصفورة تانى قالى أنا مسجل عندى أكتر من 25 واحد..... طيب يا أبو نورا لو الكلام ده حقيقى ولو الراجل اللى أنا قابلته أمبارح ده مش فوتوشوب :) يبقى على كده باقى الموديلات عامله كااااااااااااااااااام !!!!
طيب بلاش على كده بقى السيدان هتبقى عامله كااااااااااااام ...... أنا شكلى كده هدور على نوع تانى وربنا يسطر لأنى مقتنع جدا بالكيا ومش مقتنع بأى نوع تانى فى نفس السعر :w6w200504112220146b